小樽嘅三角市場，係一個細細哋，睇起上嚟有啲 Up Dup (罨耷) 嘅地方，但呢種格局往往就係最多寶藏嘅地方。唔少當地人都係去呢個市場度搵食，咁就啱晒喇，最好嘅嘢應該就係晒度！
去呢個市場主力當然係食蟹﹗又生蜢又肥美﹗同埋仲有好多其他海鮮﹗一於係咁食食食﹗市場入面嘅海鮮檔主要有一間大型連鎖店同埋一間小店，我哋揀左間小店﹗個老闆超 nice。揀完海鮮後，海鮮檔會幫顧客處理埋，大家就只需要等食。
揀左隻生蜢鱈場蟹，海鮮檔老闆建議三食，即刺身、清蒸、燒烤。不過最後決定唔搞咁多花款，原隻清蒸﹗因為清蒸先可以食到最鮮嘅味道。識得食一定係咁食﹗正到無話可說！
除左蟹，仲揀左原隻海膽、珍寶生蠔、海螺、八角魚，同埋魚生飯。海膽超新鮮，原隻不過$50港幣，不過其實也不一定食原隻的，因為一板板的質素已經很好，不過是$100港幣。
珍寶生蠔手掌咁大，很肥美，但並不是非吃不可，如果已叫左太多其他嘢，我覺得可以 skip 生蠔。
八角魚，樣子古怪﹗因為是當地特產，加上是季節性，所以叫了嚟試吓。味道不算很濃，但勝在很fresh，一試無防。
海鮮丼！亮點是最上面的烏魚子，唔駛$100港幣﹗非常好味！
相關文章：食盡北海道(一)：去吃蟹料理
相片及資料提供：Alex Lau
