周末近近地去台北玩幾日，可以揀以下國泰抵玩套票，一次過「機票＋酒店」一齊訂就最抵啦！
2人同行「機票＋酒店」連稅：3日2夜$1,383起、5日4夜$1,523起、7日6夜$1,713起！ (以入住最平住宿為例)
以上價格為2人同行嘅每位計，包括國泰航空香港來回台北機票、30kg寄艙行李額、機上餐飲、稅項、行程住宿！大家可自訂旅程長短，最長玩8日7夜都得！
明年2月中前出發都有，但聖誕及農曆新年不適用。而航班並無特別限制，國泰去台北嘅班次都幾密，基本上來回兩程都有早 / 午 / 晚機可供選擇。
留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。
國泰3日2夜「機票＋3/4星酒店」推介：
以下價格以12月3日去，12月5日返為例。
機票＋路境行旅 ★★★★｜連稅$1,647起
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋米勒風尚行旅 ★★★｜連稅$1,677起
2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。
機票＋HOTEL PAPA WHALE ★★★★｜連稅$1,703起
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七蚊全包真係抵到喊！
機票＋頭等艙飯店台北中華館 ★★★｜連稅$1,722起
位於西門町，近捷運站，去邊都咁方便！酒店嘅設計好特別，客房以頭等艙為藍本，同時亦有足夠嘅空間。
機票＋日暉酒店 ★★★★｜連稅$1,753起
2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！提供4種主題客房，最細嘅房間都有16平方米 (172平方呎)。
機票＋華山文旅 ★★★★｜連稅$1,818起
2016年12月開幕，位於台北中正區，華山1914文創園區就喺正對面！距離「捷運．忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。
機票＋六福居公寓式精品酒店 ★★★★｜連稅$2,194起
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
機票＋量子酒店 ★★★★｜連稅$2,504起
大S老公開嘅精品酒店，2017年4月先至開幕，夠晒新，客房亦夠大，最細嗰間都有28平方米 (301平方呎)！酒店更由法國名設計師 PHILIPPE STARCK 親自操刀設計！位置亦好方便，位於台北松山區，喺臺北小巨蛋附近，距離「捷運．南京復興」站約9分鐘步程，去「台北車站」亦只需搭3個站。
除以上精選推介，大家可以自由選擇。搵酒店時按「價錢」排序，並根據位置及酒店星級作篩選，就會易啲搵出適合嘅酒店。
如果想喺行程中住唔同嘅酒店，可以於搜尋時選「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
預訂資訊：
旅行日期：即日-2017年12月20日、12月27,28,30,31日、2018年1月3日-2月13日
停留期限：2-7日
免費寄艙行李：30kg
預訂日期：即日-2017年11月30日
預訂網址：http://www.expedia.com.hk (需使用網頁版預訂，手機 App 訂唔到套票)
