國泰有隻台北平機票，如果上 Expedia 訂套票的話，價格比起分開訂更加抵玩！快閃3日2夜連稅千五蚊起咋，抵玩喎！
乘搭國泰航空，香港來回台北機票＋酒店連稅：3日2夜$1,526起、4日3夜$1,593起、5日4夜$1,660起！(2人同行每位計，並以最平住宿為例）
出發日期去到明年3月底，航班選擇都幾多，有早去晚返靚時間添！而行程更加係可長可短，最耐玩8日7夜都得！
國泰．台北3日2夜「機票＋酒店」推介：
(價錢以2019年1月20日去、1月22日返為例)
機票＋路境行旅 ★★★★｜連稅$1,753起
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋米勒風尚行旅 ★★★｜連稅$1,763起
2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。
機票＋儷夏商旅 – 西門町西寧館 ★★★｜連稅$1,805起
位於西門町嘅酒店，附近有眾多食肆、商店，方便掃街及 Shopping ，周邊環境非常熱鬧！另外，酒店房間有免費 Mini bar供住客享用！
機票＋玫瑰精品旅館雙城館 ★★★★｜連稅$1,883起
2017年3月開業，位於雙城街，接近晴光市場、雙城夜市，行7分鐘可達捷運「中山國小站」。酒店以深灰及木系色調設計，帶淡淡文青氣息！
機票＋丰居旅店 ★★★｜連稅$1,925起
酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！
機票＋台北喜瑞飯店 ★★★★｜連稅$1,927起
時尚亮麗嘅精品酒店，房間有落地玻璃窗，飽覽市內景色。酒店位於兩個捷運站之間，附近有臺北國際藝術村、中央藝文公園、華山文創區等文青熱點！
機票＋趣淘漫旅 – 台北 ★★★★｜連稅$1,962起
於2017年10月開幕，屬凱撒集團嘅年輕品牌酒店，走活力時尚路線。位置喺正板橋凱撒大飯店旁邊，附近有百貨公司及多個鐵路站 / 客運站，四通八達！
除以上精選，大家可於 Expedia 任揀酒店。揀酒店時，按「價格」由低至高排序，再以「星級」、「位置」作篩選，會更快搵到心水酒店！
套票已包30kg寄艙行李額、飛機餐，價格係2人同行每位計。不過1人獨遊都可以，只係冇朋友仔幫手攤分房價，價格會貴少少。
預訂時，記得係先揀酒店、再選機票。優惠價唔係每日出發都有，大家可先上國泰官網，睇多日票價搵出咩日子去最平，然後再上 Expedia 訂套票就最抵！
預訂資訊：
出發日期：即日-2018年9月27日、9月30日-12月19日、12月30日-2019年1月30日、2月8日-3月31日
寄艙行李限額：30kg
機票有效期：2-7日
預訂日期：即日-2019年3月31日
預訂網址：http://www.expedia.com.hk (以網頁版預訂為佳)
