想趁周末飛過台北抖抖的話，可以揀以下國泰台北套票優惠！靚價之餘仲送你$150機場現金券！
「機票＋酒店」連稅：3日2夜$1,352起、5日4夜$1,439起、7日6夜$1,552起！
以上係2人同行嘅每位價錢，已包來回機票、30kg行李、稅項、住宿。出發日期由即日起至下年2月13日(部分日子不適用)，可以横跨聖誕、除夕、農曆新年，回程最遲2月20日返港！
旺季外遊日子建議：
聖誕：12月20日去，12月25,26,27日返
跨年：12月27日去，1月2,3,4日返
農曆新年：2月13日去，2月18,19,20日 (年初三、四、五) 返
留意返，訂套票時要先揀酒店，然後再揀機票。大家揀完酒店後，再喺各大航空公司入面，揀番國泰嘅航班就可以了。
航班並無特別限制，去程及回程視乎供應而定，基本上大部分日子可以揀到早機去晚機返。
國泰3日2夜「機票＋4星酒店」推介：
機票＋HOTEL PAPA WHALE ★★★★｜連稅$1,668起 (以2018年1月21日去，1月23日返為例)
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七蚊全包真係抵到喊！
機票＋路境行旅 ★★★★｜連稅$1,695起 (以2018年1月21日去，1月23日返為例)
位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋德立莊酒店 ★★★｜連稅$1,784起 (以2018年1月21日去，1月23日返為例)
位於西門嘅町嘅商務酒店，企企理理，位置就喺正捷運站隔離，好方便！
機票＋華山文旅 ★★★★｜連稅$1,844起(以11月26日去，11月28日返為例)
2016年12月開幕，位於台北中正區，華山1914文創園區就喺正對面！距離「捷運．忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。
機票＋日暉酒店 (新酒店) ★★★★｜連稅$1,867起 (以12月10日去，12月12日返為例)
2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！提供4種主題客房，最細嘅房間都有16平方米 (172平方呎)。
機票＋富藝旅台北大安 ★★★★｜連稅$2,112起 (以12月10日去，12月12日返為例)
2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。
機票＋六福居公寓式精品酒店 ★★★★｜連稅$2,222起 (以12月3日去，12月5日返為例)
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
機票＋量子酒店 (新酒店) ★★★★｜連稅$2,257起 (以12月17日去，12月19日返為例)
大S老公開嘅精品酒店，2017年4月先至開幕，夠晒新，客房亦夠大，最細果間都有28平方米 (301平方呎)！酒店更由法國名設計師 PHILIPPE STARCK 親自操刀設計！位置亦好方便，位於台北松山區，喺臺北小巨蛋附近，距離「捷運．南京復興」站約9分鐘步程，去「台北車站」亦只需搭3個站。
除咗以上介紹，大家可以喺 Expedia 任揀酒店。預訂時，大家可以按酒店星級、位置等篩選，加埋以「價錢」從低至高排起，咁就可以方便啲搵出最抵嘅套票啦。
如果想喺行程中住唔同嘅酒店，搜尋時可以揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
另外，由即日起至9月30日，喺 Expedia 預訂任何機票或套票 (機票+酒店) 即送價值$150嘅香港國際機場現金券！大家完成預訂後記得填妥表格，完成登記後，現金券將會郵寄至閣下嘅登記地址。
預訂資訊：
旅行日期：即日-2017年9月27日、10月3日-12月20日、12月27-31日、2018年1月1日-2月13日
停留期限：2-7日
免費寄艙行李：30kg
預訂日期：即日-2017年9月30日
預訂網址：http://www.expedia.com.hk (需使用網頁版預訂，手機 App 訂唔到套票)
登記領取$150嘅香港國際機場現金券：http://goo.gl/vckNpC
