大韓有隻早鳥平機票，官網賣緊連稅$2,118起。只要加多百幾蚊，就可以用套票形式訂齊「機票＋酒店」玩4日3夜啦！認真抵玩！
9月至10月份出發，香港來回首爾機票＋酒店 (以最平住宿為例) 連稅：4日3夜$2,280起、5日4夜$2,333起、6日5夜$2,387起！
航班時間係凌晨機去、晚機返，可以玩到盡啦！啱晒秋天去睇紅葉，再歎炸雞、韓燒，然後去明洞 / 東大門 Shopping 掃貨！
大韓．首爾4日3夜「機票＋酒店」推介：
(以10月27日去、10月30日返為例)
機票＋首爾東大門華美達安可酒店 ★★★★｜連稅$2,731起
行2分鐘即達地鐵「新設洞站」，亦有機場巴士直達，交通便利。附近有 Cafe、韓燒餐廳，亦有便利店、超級市場！
機票＋明洞梨花酒店 ★★★｜連稅$2,836起
2017年5月開幕，位處市中心旺區，距離地鐵「明洞站」 (4號線)只有4分鐘步程！酒店設計低調大方，房間面積不大但價格經濟實惠。
機票＋首爾車站設計師酒店 ★★★★｜連稅$2,837起
2017年2月開幕，位於龍山區的精品酒店。酒店門外就係地鐵「淑大入口站」 (4號線)，搭2個站就到明洞！酒店房由唔同設計師佈置，各有主題和風格，極富設計感！
機票＋東大門天空花園酒店 1 館 ★★★★｜連稅$2,937起
位置唔錯，酒店鄰近地鐵「東大門歷史文化公園站」及「乙支路4街站」，對面有機場巴士，搭酒店接駁車去明洞 / 首爾站都好方便！
機票＋明洞 STAY B 酒店 ★★★★｜連稅$2,980起
酒店位置好方便，過條馬路就係明洞商圈，走15分鐘就到東大門、首爾塔，距離地鐵「乙支路3街站」及「忠武路站」只有約5分鐘步程，旁邊就係機場巴士站！夠晒方便。房間空間充足，最小也有20平方米 (約215呎)。
機票＋明洞九樹 2 號頂級酒店 ★★★｜連稅$3,088起
2017年1月開幕嘅新酒店，一貫九樹嘅簡約雅緻設計，住得舒適。位於首爾Jung-Gu區，係買衫買化粧品嘅集中地，距離中午廣場 (Noon Square)、Bangsan市場約10分鐘步程。
以上只係小編推介嘅住宿，大家可以揀自己鍾意嘅酒店嘅！揀酒店時，按「價格」由低至高排序、以「酒店星級」作篩選，會更快搵出適合酒店。
預訂時，係先揀酒店、再選機票。去到揀機票一版，於左邊「包括的航空公司」剔選「大韓航空」，就可更快搵到以上套票。
票價已包23kg寄艙行李額、飛機餐。大家可自訂行程長短，最耐可以玩到1個月！套票係2人同行每位計，但1人遊都冇問題，只係會貴少少。
提提大家：搵首爾套票時，目的地要填「首爾 (及附近地區)」，咁先會搵到首爾全市嘅酒店。如果你填咗「韓國, 首爾 (機場)」，就只會搵到機場附近嘅酒店！
預訂資訊：
出發日期：2019年9月1日-9月26日、10月2日-10月31日
寄艙行李限額：23kg
機票有效期：1個月
預訂日期：即日-2019年6月30日
預訂網址：https://www.expedia.com.hk/packages-HK (預訂以網頁版為佳)
