日航有隻抵玩東京優惠！上 ZUJI 以套票形式訂「機票＋酒店」，比起分開買平得多！日航仲包46kg激大寄艙行李額，係時候飛轉日本 Shopping 啦！
11月底前出發，日航東京機票＋酒店連稅：4日3夜$3,189起、5日4夜$3,336起、7日6夜$3,677起！價格係以2人同行每位計，並以最平住宿為例。
一個價格已包來回機票、46kg (2件各23kg) 寄艙行李額、飛機餐、整個行程嘅住宿、稅項！大家可以自訂行程長短，最耐可以玩8日7夜！
日航．東京「機票＋酒店」推介：
(以6月26日去、6月29日返為例，2人同行每位計)
機票＋HOTEL MYSTAYS 東池袋 ★★★｜連稅$3,497起
酒店距離JR「大塚站」或地鐵「新大塚證」約10分鐘步程，附近有24小時營業嘅超市及食店。
機票＋赤坂頂級住宿酒店 ★★★｜連稅$3,832起
酒店於2016年7月開業，距離千代田線嘅「赤坂站」只有3分鐘步程，鄰近六本木，前往東京塔亦只需25分鐘車程。樓下就有7-11。
機票＋東新宿燦路都大飯店 ★★★｜連稅$3,833起
酒店位於東新宿，位置極方便，對面就係地鐵「東新宿站」，行10分鐘可到伊勢丹百貨、歌舞伎町。
機票＋赤坂蒙特利飯店 ★★★★｜連稅$3,954起
位於地鐵「赤坂見附站」 (丸之內線)，從A出口到酒店僅350米。到新宿、銀座、池袋唔駛轉線，非常方便。
機票＋APA 新宿歌舞伎町塔樓酒店 ★★★｜連稅$4,100起
酒店位置非常方便，酒店距離 JR「新宿站」只有5-8分鐘步程，酒店附近就係歌舞伎町區，四周都有食店、便利店、酒吧。
機票＋六本木雷姆酒店 ★★★★｜連稅$4,315起
2017年3月開業，黑色外形嘅設計極具現代感！行1分鐘即到六本木站，附近有便利店，十分之方便！酒房房間備有按摩椅，部分房間睇到東京鐵塔靚景添！
大家可於 ZUJI 任揀酒店，住近市中心旺區又得、留宿近郊嘅傳統旅館都得！揀嘅時候可按「價錢」由低至高排序，會更易搵出心水酒店！
留意，搜尋後所顯示嘅未必係日航套票。大家只需按「更改航班」，再喺「航空公司」揀返「日本航空」嘅班次就可以了。
優惠價唔係每日都有，大家可先上日航官網以「無指定旅遊日期 」搜尋，搵出咩日子有平機票，然後再上 ZUJI 訂套票就最抵！
預訂資訊：
出發日期：即日-2018年11月30日 (部分日子不適用)
寄艙行李限額：2件23kg
機票有效期：7日
預訂日期：即日-2018年4月30日
