好耐冇見日本套票優惠！今次日航有平飛，連稅三千三就有齊「機票＋酒店」喺東京玩3日2夜！仲抵過平時單買機票！
乘搭日本航空，香港來回東京機票＋酒店 (以最平住宿為例) 連稅：3日2夜$3,361起、4日3夜$3,461起、7日6夜$4,039起！
出發日期去到明年4月份，無論秋冬去睇賞楓滑雪、定明年初春去 Shopping 睇櫻花都啱駛！
日航．東京4日3夜「機票＋酒店」推介：
(以2020年2月10日去、2月13日返為例，2人同行每位計)
機票＋HOTEL MYSTAYS 東池袋 ★★★｜連稅$3,733起
酒店距離JR「大塚站」或地鐵「新大塚站」約10分鐘步程，附近有24小時營業嘅超市及食店。
機票＋東京六本木相鐵草莓客棧 ★★★｜連稅$3,841起
於2017年10月開業，位置唔錯，距離「六本木站」2分鐘步程！附近有超級市場、便利店，亦有唔少酒吧、餐廳！
機票＋淺草橋輕鬆 ICI 酒店 (新酒店) ★★★｜連稅$3,917起
於2019年2月開業嘅酒店，環境極新淨！附近有便利店及唔少餐廳，距 JR / 都營地鐵「淺草橋站」約5分鐘步程，行去秋葉原都唔算太遠！
機票＋東京第一酒店 ★★★｜連稅$4,014起
由知名建築家隈研吾設計，於2017年7月開幕嘅型格時尚酒店！酒店鄰近晴空塔，距離押上站只需3分鐘步程！
機票＋新宿 WING 國際酒店 ★★★｜連稅$4,059起
酒店位於新宿最熱鬧嘅歌舞伎町，1分鐘即達「西武新宿站」！隔離就有便利店，附近有驚安之殿堂、勁多食店！酒店鄰近「新宿御苑」、「花園神社」等景點，去玩亦十分方便！
機票＋東京淺草紅色星球酒店 ★★★｜連稅$4,177起
2015年落成，距離淺草 ROX 購物中心、三社祭和淺草神社不到 10 分鐘路程，房間內有晴空塔靚景！
除以上精選酒店外，入住其他住宿都冇問！大家可於揀酒店時，按「價格」由低至高排序，再以「酒店星級」篩選，就會易啲搵到適合嘅酒店！
預訂時，係先揀酒店、再揀機票。去到揀機票一版時，於左邊「包括的航空公司」剔選「日本航空」，就會快啲搵到呢隻套票！
套票已包2件23kg勁大寄艙行李額、飛機餐。留意出入有機會係不同機場嘅。價格係2人同行每位計，但1人獨遊都冇問題，只係會貴少少。
提提大家：搜尋時，目的地要填「東京 (及附近地區), 日本」，咁先會搵到市中心嘅酒店。如果你填咗「東京, 日本 (TYO-所有機場)」，就只會搵到機場附近嘅酒店！
預訂資訊：
出發日期：即日-2020年4月29日 (部分日子不適用)
寄艙行李限額：2件23kg
機票有效期：3個月
預訂日期：即日-2019年10月31日
預訂網址：http://www.expedia.com.hk (以網頁版預訂為佳)
