趁初夏去泰國歎陽光海灘，搭泰航有抵價！以套票形式預訂，又方便又抵玩！連稅二千二就有齊「機票＋酒店」玩到4日3夜啦！
6月底前出發，香港來回布吉機票＋酒店 (以最平住宿為例) 連稅：4日3夜$2,212起、5日4夜$2,230起、6日5夜$2,245起！
航班時間係早機去、午機返，都幾實用！票價已包20kg寄艙行李額、飛機餐！去埋夜市 Shopping 掃貨兼掃街就最正！
泰航．布吉4日3夜「機票＋酒店」套票推介：
(以6月24日去、6月27日返為例，2人同行每位計)
機票＋艾姆巴東酒店 ★★★｜連稅$2,366起
鄰近夜市，只需步行約2分鐘就可食盡各式海鮮及美食！距離芭東海灘約10分鐘步程。附近亦有購物商場，行街食野都好方便！
機票＋宜必思布吉芭東酒店 ★★★｜連稅$2,480起
步行約6分鐘可達芭東海灘！部分酒店房間設大露台，可欣賞泳池景！酒店旁有7-11，亦可步行至夜市！
機票＋布吉芭東凱悅廣場酒店 ★★★★｜連稅$2,715起
距芭東海灘約3分鐘步程，酒店本身嘅泳池都超靚！酒店內外環境整潔、服務好！房間可欣賞到泳池景或海景！
機票＋布吉卡馬拉海灘諾富特酒店 ★★★★｜連稅$2,882起
較遠離市區，搭15分鐘車可以去到巴東海灘，遠少少但環境寧靜優美！酒店附有私人海灘，一落樓就可以曬太陽、游水！另亦有天台酒吧，可以望住個海飲返兩杯！
機票＋客萊福巴東普吉島酒店 ★★★★｜連稅$2,891起
巴東嘅海邊酒店，行2分鐘即達海灘及酒吧街，附近亦有便利店、眾多食肆。天台有海景泳池，部分房間有 Jacuzzi 添！
機票＋布吉塔夫棕櫚海灘度假村 ★★★★★｜連稅$2,901起
位於卡倫海灘 (Karon Beach)，步行2分鐘即可抵達海灘。客房有露台，可欣賞日落景色，度假村設施完善，設有佔地25英畝嘅園景庭園、4個游泳池、健身中心等。並設覆蓋所有區域嘅免費 WiFi。
機票＋美爵布吉芭東大酒店 ★★★★★｜連稅$3,152起
設施非常完備嘅5星級酒店，游泳池、健身中心當然唔少得，而且位置極佳，行5分鐘即可抵達海灘，距離邦古拉街亦只需6至7分鐘步程。
除以上推介，大家可自選鍾意嘅酒店！揀酒店時，按「價格」由低至高排序，再以「酒店星級」及「鄰近位置」作篩選，可更快搵到適合酒店！
預訂時，係先揀酒店、再選機票。去到揀機票一版，於左邊「包括的航空公司」剔選「泰國國際航空」，就會易啲搵到以上套票。
航班係由泰航選下嘅 Thai Smile 營運嘅。套票價格係2人同行每位計，不過1人出發都得，只係價格會比以上貴少少。
大家可自訂行程長短，最耐可以玩22日21夜！如果要於行程中入住多間不同酒店，可以揀「我只有部分日期需要入住酒店」嚟設定！
提提大家，搵布吉套票時，目的地要填「布吉, 泰國」。如果你填咗「布吉, 泰國 (HKT – 布吉國際機場)」，就只會搵到機場附近嘅酒店！
航班時間
去程： TG2609 10:20-12:40
回程： TG2608 14:50-19:30
預訂資訊：
出發日期：即日-2019年6月30日 (部分日子不適用)
寄艙行李限額：20kg
機票有效期：2-21日
預訂日期：即日-2019年6月15日
預訂網址：http://www.expedia.com.hk (以網頁版預訂為佳)
