泰航有隻布吉平機票，官網賣緊來回連稅$2,128起！只要以套票形式預訂，比多九十蚊左右就有晒「機票＋酒店」玩4日3夜！正！
乘搭泰國航空，香港來回布吉機票＋酒店 (以最平住宿為例) 連稅：4日3夜$2,215起、5日4夜$2,245起、6日5夜$2,274起！
出發日期去到12月，秋冬日子去曬太陽都冇問題！航班時間就係早機去、午機返，實用得嚟唔會太趕！
泰航．布吉4日3夜「機票＋酒店」套票推介：
(以11月3日去、11月6日返為例，2人同行每位計)
機票＋艾姆巴東酒店 ★★★｜連稅$2,501起
鄰近夜市，只需步行約2分鐘就可食盡各式海鮮及美食！距離芭東海灘約10分鐘步程。附近亦有購物商場，行街食野都好方便！
機票＋宜必思布吉芭東酒店 ★★★｜連稅$2,870起
步行約6分鐘可達芭東海灘！部分酒店房間設大露台，可欣賞泳池景！酒店旁有7-11，亦可步行至夜市！
機票＋布吉卡馬拉海灘諾富特酒店 ★★★★｜連稅$3,031起
較遠離市區，搭15分鐘車可以去到巴東海灘，遠少少但環境寧靜優美！酒店附有私人海灘，一落樓就可以曬太陽、游水！另亦有天台酒吧，可以望住個海飲返兩杯！
機票＋布吉塔夫棕櫚海灘度假村 ★★★★★｜連稅$3,249起
位於卡倫海灘 (Karon Beach)，步行2分鐘即可抵達海灘。客房有露台，可欣賞日落景色，度假村設施完善，設有佔地25英畝嘅園景庭園、4個游泳池、健身中心等。並設覆蓋所有區域嘅免費 WiFi。
機票＋美爵布吉芭東大酒店 ★★★★★｜連稅$3,257起
設施非常完備嘅5星級酒店，游泳池、健身中心當然唔少得，而且位置極佳，行5分鐘即可抵達海灘，距離邦古拉街亦只需6至7分鐘步程。
機票＋卡他泰尼畫廊酒店 ★★★★★｜連稅$3,306起
風格獨特嘅海邊酒店，設有全海景嘅天台泳池，行去海灘只需5分鐘。距離旺區芭東海灘亦僅15分鐘車程。
以上只係小編精選嘅酒店，大家可以揀自己鍾意嘅住宿嘅。揀酒店時，揀「價格」由低至高排序，再以「酒店星級」作篩選，就可更快搵出適合嘅酒店！
預訂時，係先揀酒店、再選機票。去到揀機票一版，於左邊「包括的航空公司」剔選「泰國國際航空」，就可更快搵到呢隻套票啦！
套票價格係2人同行每位計，已包每位20kg寄艙行李額、飛機餐！不過1人出發都冇問題，只係價格會比以上貴少少。
大家亦可自訂行程長短，最耐玩到半個月 (15日14夜)！於行程中入住不同酒店都得，揀選「我只有部分日期需要入住酒店」就可設定套票包邊幾晚住宿了。
提提大家，搵布吉套票時，目的地要填「布吉, 泰國」。如果你填咗「布吉, 泰國 (HKT – 布吉國際機場)」，就只會搵到機場附近嘅酒店！
預訂資訊：
出發日期：2019年6月24日-12月20日
寄艙行李限額：20kg
機票有效期：14日
預訂日期：即日-2019年7月19日
預訂網址：http://www.expedia.com.hk (以網頁版預訂為佳)
