長榮有隻爆抵新優惠，單買機票當然抵，不過識買梗係買套票啦！一次過訂齊「機票＋酒店」3日2夜連稅只需千四起！仲可以早機去晚機返，抵玩！出發日期去到11月底。
2人同行出發，長榮．香港來回台北機票＋酒店 (以最平住宿為例) 連稅：3日2夜$1,404起、4日3夜$1,467起、6日5夜$1,594起！票價已包30kg寄艙行李額、飛機餐。
長榮．台北3日2夜套票推介：
(以11月24日去，11月26日返為例，2人同行每位計)
機票＋儷客旅店 – 西門町館 ★★★｜連稅$1,618起
位於西門町嘅分館，距離西門町商圈只有5分鐘步程，行去紅樓、捷運「西門站」約10分鐘。酒店裝潢色彩繽紛富特色！最值得讚係佢哋有提供嬰孩浴盤、矮椅子、玩具等，適合帶埋嬰兒或小孩入住。
機票＋漫步 1948 ★★★｜連稅$1,697起
於台北車站直行約8分鐘即達，樓下有便利店！酒店走文青風，設計簡約清新。可選房型甚多，設有3人 / 4人家庭房，一大家細去玩都啱。
機票＋路境行旅 ★★★★｜連稅$1,701起
位置極方便，距離捷運「西門站」僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。
機票＋丰居旅店 – 北車館 ★★★｜連稅$1,746起
位置優越，鄰近台北車站，步行往西門町亦只需約10分鐘。樓下有便利店，酒店亦設有24小時零食吧，提供杯麵、雪糕、餅乾等予住客享用！
機票＋HOTEL PAPA WHALE ★★★★｜連稅$1,783起
2016年開幕嘅酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理！
機票＋日暉酒店 ★★★★｜連稅$1,860起
位於台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！
機票＋新驛旅店西門捷運店 ★★★｜連稅$1,877起
新驛 design hotel 品牌位於西門町嘅精品酒店，客房設計用上大量插畫，活潑有生氣、具特色！位置亦夠晒方便，喺西門町捷運站3號出口隔離。
機票＋CitizenM 台北北門酒店 ★★★★｜連稅$1,925起
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！
機票＋台北西門町意舍 ★★★★｜連稅$2,178起
意舍佈置簡約具型格，房間夠大，樓下就是誠品！位置便利，距離捷運「西門站」僅5分鐘步程。
除以上推介，大家亦可自選鍾意嘅酒店！於揀酒店時，按「價格」由低至高排序，再以「酒店星級」及「鄰近區域」作篩選，就可更快搵到適合嘅住宿。
預訂時，係先揀酒店、再揀機票。行程可長可短，最耐可以玩到15日14夜！於行程中入住不同酒店都得，搜尋時剔選「我只有部分日期需要入住酒店」就可設定！
套票價格係2人同行每位計，1人出發都得，只係價格會比以上貴少少。
搜尋時，記得唔好於「目的地」位置輸入機場代碼，要填「台北 (及鄰近地區), 台灣」先得，否則就只要搵到機場附近嘅酒店！
預訂資訊：
出發日期：2019年8月23日-9月11日、9月14日-9月27日、9月30日-10月3日、10月6日-11月30日
寄艙行李限額：30kg
機票有效期：14日
預訂日期：即日-2019年7月20日
預訂網址：http://www.expedia.com.hk (以網頁版預訂為佳)
