要平靚正玩台北？識訂一定要訂長榮套票！連稅千六起，就有齊「機票＋酒店」玩到3日2夜啦！去輕鬆返兩日就啱晒！
長榮航空．香港來回台北機票＋酒店 (以最平住宿為例) 連稅：3日2夜$1,682起、4日3夜$1,739起、5日4夜$1,796起！
票價已包30kg寄艙行李額、飛機餐，航班時間有早機去、晚機返添！最遲明年2月底出發都得，幾時去玩都冇問題！
長榮．台北3日2夜「機票＋酒店」推介：
(以12月8日去、12月10日返為例，2人同行每位計)
機票＋趣旅館 – 林森館 ★★★｜連稅$1,849起
步行3分鐘可達捷運「中山國小站」，附近有超級市場、便利店、藥妝店。酒店走年青活力路線，有足球機及按摩椅等休閒設施！
機票＋儷客旅店 – 西門町館 ★★★｜連稅$1,940起
距離西門町商圈只有5分鐘步程，行去紅樓、西門町捷運站約10分鐘。酒店裝潢色彩繽紛富特色！最值得讚係佢哋有提供嬰孩浴盤、矮椅子、玩具等，適合帶埋嬰兒或小
孩入住。
機票＋路境行旅 ★★★★｜連稅$1,970起
位置極方便，距離捷運「西門站」僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正
紀念堂。
機票＋富裕自由旅店林森館 ★★★｜連稅$2,034起
屬台灣連鎖酒店，距離捷運中山站約10分鐘步程。房間以簡約白色風格設計，配上不同主題嘅壁畫，環境整潔。房間面積唔算大，為13平方米以上，屬經濟實惠之選。
機票＋丰居旅店 – 北車館 ★★★｜連稅$2,038起
位置優越，鄰近台北車站，步行往西門町亦只需約10分鐘。樓下有便利店，酒店亦設有24小時零食吧，提供杯麵、雪糕、餅乾等予住客享用！
機票＋旅樂序二館 ★★★｜連稅$2,047起
具設計感嘅精品酒店，毗鄰台北車站。附近有便利店、百貨公司、各類食肆，也接近228和平紀念公園。如步行往捷運台大醫院站亦只需7分鐘。
除以上推介，大家可自選鍾意嘅酒店。於揀酒店時，按「價格」由低至高排序，再以「酒店星級」作篩選，可更快搵到適合酒店！
預訂時，記得係先揀酒店、再選機票。於揀機票一版、左邊「包括的航空公司」剔選「長榮航空」，會快啲搵到呢隻套票！
大家可自訂行程長短，最耐可以玩到半個月 (15日14夜)！但留意星期日至三出發先有最平嘅價格，其他日子出發就貴少少。
搜尋時，記得唔好於「目的地」位置輸入機場代碼，要填「台北 (及鄰近地區), 台灣」先得，否則就只要搵到機場附近嘅酒店！
預訂資訊：
出發日期：2019年8月24日-9月11日、9月14-26日、10月2,3日、10月6日-12月17日、12月27-31日、2020年1月2-15日、1月30,31日、2月1-29日 (回程最遲3月4日，並且不適用於1月31日-2月10日)
寄艙行李限額：30kg
機票有效期：14日
預訂日期：即日-2019年8月31日
預訂網址：http://www.expedia.com.hk (以網頁版預訂為佳)
