正呀喂！長榮加推飛台北全年優惠，如果「機票＋酒店」一齊訂會更加爆抵！航班仲可以早機去晚機返玩盡每一日。
長榮．台北「機票＋酒店」連稅：3日2夜$1,321起、4日3夜$1,402起、5日4夜$1,482起！
以上喺二人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多15日14夜，台灣環島遊都夠晒時間。旅行日期由即日起至2018年2月6日 (日期間斷，詳情見頁底資料)，更正嘅係跨年旺季都有得平。
航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。
一人出發亦可，不過會貴啲，因為無朋友仔同你攤分房價。
留意，訂法係先揀酒店，後揀機票。大家揀完酒店後，再揀長榮嘅航班就可以了。
長榮．3日2夜「機票＋3/4星酒店」套票推介：
以下價錢係以9月4日去，9月6日返為例。
[重點推介] 富藝旅台北大安 ★★★★｜連稅$1,877起
極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。
機票＋HOTEL PAPA WHALE ★★★★｜連稅$1,505起
2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七蚊全包真係抵到喊！
機票＋艾特文旅 ★★★★｜連稅$1,526起
位於西門町嘅新酒店，去邊都咁方便，裝修走簡約路線，有點點文青味！
機票＋台北約克設計旅店 ★★★｜連稅$1,528起
酒店位於台北中心樞紐，距離台北車站只有3分鐘腳程，誠品、戲院、台北車站通通可以步行而至，喺隔離街就有港人大愛嘅咖啡弄。設計走時尚工業風，都幾型！
機票＋德立莊酒店 ★★★｜連稅$1,652起
德立莊位於西門嘅町嘅新酒店，就喺正捷運站隔離，講位置赢晒！
機票＋台北門精品飯店 ★★★★｜連稅$1,662起
新酒店！設計有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！最小的客房有約16平方米 (172平方尺)。
機票＋富驛時尚酒店台北南京東路館 ★★★★｜連稅$1,675起
酒店位於中山區，行去捷運南京復興站只需5分鐘，附近就係遼寧夜市，搵食無難度！步行至台北小巨蛋只需10-15分鐘！
機票＋新驛旅店西門捷運店 ★★★｜連稅$1,720起
呢個走 design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。
機票＋台北西門町意舍 ★★★★｜連稅$1,805起
意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。
來回機票＋捷絲旅西門町館 ★★★｜連稅$1,864起
酒店位於西門町，近捷運站，去邊都咁方便！酒店設計簡約時尚、有型，住得好舒服！
機票＋六福居公寓式精品酒店 ★★★★｜連稅$2,118起
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
除咗以上介紹，大家可以自選任何酒店，亦可轉搭其他航空公司如國泰、華航、香港航空。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
預訂資訊：
旅行日期：2017年5月4-25,28,31日、6月1-29日、7月2-6日、8月24日-9月26日、10月11日-12月15日、12月29日-2018年2月6日 (去程需於2月6日或之前；回程需於2月14日或之前)
停留期限：最長14日
免費寄艙行李：30kg
預訂日期：即日-2017年6月30日
預訂網址：http://www.expedia.com.hk
