韓亞有隻最新優惠，飛首爾又平咗！想再慳盡啲，可以一次過訂晒「機票＋酒店」！連稅二千三就玩到4日3夜啦！
7月前出發，韓亞．香港來回首爾機票＋酒店 (以最平住宿為例) 連稅：4日3夜$2,376起、5日4夜$2,432起、6日5夜$2,488起！
航班時間有得揀凌晨機去、晚機返添！票價已包飛機餐、23kg寄艙行李額，韓亞仲係 Skytrax 5星航空嚟，可以歎住飛！
韓亞．4日3夜首爾套票推介：
(以5月19日去、5月22日返為例，2人同行每位計)
機票＋東大門高級 K 旅館 ★★★｜連稅$2,718起
位置優越，喺「東大門歷史文化公園站」5號出口一過馬路就到，行去東大門亦只需5分鐘，附近有唔少餐廳、小店。
機票＋汝矣島設計師酒店 ★★★｜連稅$2,771起
設計感十足嘅酒店，有單人房、雙人房及套房等多種房型。酒店位於汝矣島，鄰近地鐵「國會議事堂站」，去漢江公園野餐都好方便！
機票＋宜必思仁寺洞首爾大使酒店 ★★★★｜連稅$2,927起
距地鐵「鐘路三站」約5分鐘步程，酒店有 Shuttle bus 來往首爾站，附近又有機場巴士！步行去昌德宮、景福宮、光化門等景點都唔算遠！
機票＋東大門天空花園酒店 1 館 ★★★★｜連稅$3,011起
位置唔錯，酒店鄰近地鐵「東大門歷史文化公園站」及「乙支路4街站」，對面有機場巴士，搭酒店接駁車去明洞 / 首爾站都好方便！
機票＋新村愛威爾8服務公寓酒店 ★★★★｜連稅$3,106起
洒店地點就腳，由酒店行去梨大1號出口只需約3分鐘，房內設有洗衣機。
機票＋明洞九樹 2 號頂級酒店 ★★★｜連稅$3,170起
2017年1月開幕嘅新酒店，一貫九樹嘅簡約雅緻設計，住得舒適。位於首爾Jung-Gu區，係買衫買化粧品嘅集中地，距離中午廣場 (Noon Square)、Bangsan市場約10分鐘步程。
機票＋明洞G2酒店 ★★★★｜連稅$3,336起
步行約8分鐘即達明洞，更位於三個地鐵站之間，四通八達！酒店採用大理石作建材，流露典雅氣息。更有優美景觀嘅天台花園，住客可欣賞到首爾塔景色！
除以上酒店，大家可自選鍾意嘅住宿！揀酒店時，按「價格」由低至高排序、並以「酒店星級」及「鄰近位置」作篩選，就可以更易搵出適合嘅酒店！
行程可長可短，最耐可以玩到1個月！於行程中住不同酒店都冇問題，搜尋時剔選「我只有部分日期需要入住酒店」就可以設定套票包邊幾晚酒店，然後另外加訂其餘日子！
套票價格係2人同行每位計，不過1人出發都冇問題，只係因為冇朋友仔幫手攤分房價，所以會貴少少。
提提大家：搵首爾套票時，目的地要填「首爾 (及附近地區)」，咁先會搵到首爾全市嘅酒店。如果你填咗「韓國, 首爾 (機場)」，就只會搵到機場附近嘅酒店！
預訂資訊：
出發日期：即日-2019年7月4日 (旺季及部日子不適用)
寄艙行李限額：23kg
機票有效期：1個月
預訂日期：即日-2019年2月28日
預訂網址：https://www.expedia.com.hk/packages-HK (預訂以網頁版為佳)
