想飛台北輕鬆幾日，搭商務艙＋4星以上靚酒店就最正！唔好以為咁歎實好貴，只要上 Expedia 預訂「機票＋酒店」套票，連稅唔駛三千就可以豪玩4日！
乘搭香港航空商務艙，香港來回台北機票＋4星或以上酒店，連稅計：4日3夜$2,987起、6日5夜$3,477起！7月中前出發都有平！
以上價格係2人同行每位計，已包30kg行李寄艙、飛機餐、整個行程嘅住宿，仲可以用埋港航機場貴賓室，飲飽食醉先上機，正！
以上價錢嘅航班去程預設咗係晚機，加$400可以改為早機。回程就無特別限制，可以晚機返 (視乎供應而定)。
港航．台北4日3夜「商務艙機票＋4/5星級酒店」推介：
商務機票＋CitizenM 台北北門酒店 (新酒店) ★★★★｜連稅$2,987起 (以6月24日至27日為例)
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！
商務機票＋皇家季節酒店北投溫泉館 ★★★★｜連稅$3,055起 (以6月24日至27日為例)
位於北投，以歐洲宮廷風格設計嘅溫泉酒店！客房設羅馬浴場式嘅私人浴池，住客可以於房內盡情享受浸浴！酒店距離「捷運．新北投」站約10分鐘步程，酒店亦有提供 Shuttle bus 來往捷運站，非常方便！
商務機票＋喜瑞飯店 ★★★★｜連稅$3,366起 (以6月24日至27日為例)
時尚亮麗嘅精品酒店，房間有落地玻璃窗，飽覽市內景色。酒店位於兩個捷運站之間，附近有臺北國際藝術村、中央藝文公園、華山文創區等文青熱點！
商務機票＋泡泡飯店 (新酒店) ★★★★｜連稅$3,341起 (以6月24日至27日為例)
座落大安區，位置甚佳，距捷運「忠孝敦化站」僅5分鐘步程！酒店以「點點」及「泡泡」為設計概念，整幢建築物色彩繽紛、精緻可愛，極具設計感。標準客房的設計以白色作主調， 明亮整潔、簡約大方。
商務機票＋永安棧 ★★★★｜連稅$3,746起 (以6月24日至27日為例)
位於西門町，距捷運站僅2分鐘步程！附近有大量食肆、購物熱點，位置便利！酒店設計時尚大方，環境舒適！
商務機票＋六福居公寓式精品酒店 ★★★★｜連稅$3,763起 (以6月24日至27日為例)
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
商務機票＋板橋凱撒大飯店 (新酒店) ★★★★★｜連稅$4,097起 (以5月27日至30日為例)
2017年10月開幕嘅新酒店，係新北市首家5星級酒店！採高級豪華風格，房間極大，一般豪華房面積達39平方米！酒店位置便利、四通八達，步行3分鐘便到板橋捷運站！
搜尋時，記得喺「進階選項」揀返「商務艙」，訂法係首先揀酒店、然後再揀航班！揀酒店時，可按「酒店星級」、「鄰近區域」作篩選，可更易搵出心水酒店！如想喺行程中住唔同嘅酒店都得，搜尋時選「我只需要在部分旅程中入住酒店」，就可以設定套票包邊幾晚酒店。其餘日數再另外加訂酒店。
此外，大家可自訂行程長短，最多可玩到2個禮拜 (15日14夜)，環埋島都得啦！如果想去多幾個地方、住唔同嘅酒店，搜尋時可以揀「我只有部分日期需要入住酒店」嚟設定！
預訂資訊：
旅行日期：2018年4月9日-6月30日、7月1日-7月13日
寄艙行李限額：30kg
機票有效期：14日
預訂日期：即日-2018年3月31日
預訂網址：https://www.expedia.com.hk
