去東京玩唔一定好貴！港航有隻 Mega Sale 平飛，再用套票形式訂齊「機票＋酒店」，連稅二千七就玩到4日3夜！
香港來回東京機票＋酒店 (以最平住宿為例) 連稅：4日3夜$2,747起、5日4夜$2,855起、6日5夜$2,962起！
出發日期係今年9月至明年1月，啱晒秋冬去賞楓 / 滑雪！票價已包飛機餐、20kg寄艙行李額，計落筍過搭廉航！
港航．東京4日3夜「機票＋酒店」推介：
(以10月27日去、10月30日返為例，2人同行每位計)
機票＋HOTEL MYSTAYS 東池袋 ★★★｜連稅$2,976起
酒店距離JR「大塚站」或地鐵「新大塚站」約10分鐘步程，附近有24小時營業嘅超市及食店。
機票＋淺草微笑飯店 ★★★｜連稅$3,072起
位於隅田川河畔嘅商務酒店，附近有公園，環境相對較清幽。酒店距地鐵站約10分鐘步程，而門口就係「淺草七丁目」巴士站，有車直達地鐵站。
機票＋淺草雷門 APA 酒店 ★★★｜連稅$3,243起
2017年10月開業，距雷門只有3分鐘步程！四周有大量食肆及購物點，而4分鐘步程內可達各鐵路站！
機票＋東京六本木相鐵草莓客棧 ★★★｜連稅$3,377起
於2017年10月開業，位置唔錯，距離「六本木站」2分鐘步程！附近有超級市場、便利店，亦有唔少酒吧、餐廳！
機票＋東新宿燦路都大酒店 ★★★｜連稅$3,431起
酒店位於東新宿，位置極方便，對面就係東新宿地鐵站，行10分鐘可到伊勢丹百貨、歌舞伎町。
機票＋赤坂頂級住宿酒店 ★★★｜連稅$3,495起
酒店於2016年7月開業，距離千代田線嘅赤坂站只有3分鐘步程，鄰近六本木，前往東京塔亦只需25分鐘車程。樓下就有7-11。
機票＋池袋東急 Stay 酒店★★★｜連稅$3,575起
距 JR「池袋站」西口約5分鐘步程，去邊都方便！房間設備齊全，有微波爐、洗衣機及乾衣機！
除以上精選酒店外，入住其他住宿都冇問！大家可於揀酒店時，按「價格」由低至高排序，再以「酒店星級」篩選，就會易啲搵到適合嘅酒店！
預訂時，係先揀酒店、再揀機票。去到揀機票一版時，於左邊「包括的航空公司」剔選「香港航空」，就會快啲搵到呢隻套票啦！
套票價格係2人同行每位計，但1人獨遊都冇問題，只係價格貴少少。行程長短可自訂，快閃遊又得，最耐可以玩到8日7夜！
提提大家：搜尋時，目的地要填「東京 (及附近地區), 日本」，咁先會搵到市中心嘅酒店。如果你填咗「東京, 日本 (TYO-所有機場)」，就只會搵到機場附近嘅酒店！
預訂資訊：
出發日期：2019年9月1日-9月15日、9月18日-9月22日、9月25日、10月4日-10月13日、10月16日-12月17日、12月29日-2020年1月2日、1月6日-1月15日
寄艙行李限額：20kg
機票有效期：2-7日
預訂日期：即日-2019年7月31日
預訂網址：http://www.expedia.com.hk (以網頁版預訂為佳)
