香港航空做緊 Mega Sale，沖繩來回機票連稅$979起！原來上 ZUJI 訂套票仲抵，2人同行「機票＋酒店」連稅 (每位)：3日2夜$1,171起、5日4夜$1,362起、7日6夜$1,554起、8日7夜$1,650起！如果有恒生卡嘅話，用指定優惠碼訂夠3千再減3百！抵到喊！
以上價錢係以入住最平住宿為例，並且已經包晒機票、住宿、20kg寄艙行李及飛機餐。套票可以自選其他酒店，亦可自訂旅程日數，最長可以玩8日7夜。出發日期介乎4至5月及10至明年1月，初夏及夏季尾都有抵價。
沖繩3日2夜「機票＋3/4星酒店」推介：
(以2018年5月6日去，5月8日返為例)
機票＋沖繩勞卡客棧 (沖繩南部) ★★★｜連稅$1,481起
酒店位於那霸市中心，周邊有唔少小店、酒吧，想行去熱門嘅國際通約15分鐘步路。酒店提供嘅早餐美味，而女士入住可獲美容禮品！
機票＋沖繩那霸微笑飯店 (沖繩南部) ★★★｜連稅$1,643起
酒店位置方便，距離「單軌列車．美荣橋站」約8至10分鐘步程，而OTS租車公司就係旁邊。附近有 Lawson 便利店及24小時營業食店。
機票＋沖繩那霸美居飯店 (沖繩南部) ★★★★｜連稅$1,660起
酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。
機票＋沖繩紅色星球那霸飯店 (沖繩南部) ★★★★｜連稅$1,709起
酒店喺那霸市中心，非常方便，而且乾淨企理！距離美榮橋單軌列車站僅5分鐘步程，行去泊村碼頭更只需3分鐘，行去國際通大街亦只需10分鐘步程。搭15分鐘車就到首里城同那霸機場。
機票＋WBF 那霸國際通藝術酒店 (沖繩南部) ★★★｜連稅$1,715起
位於那霸市中心，距離國際通只有2分鐘步程，行去「單軌列車．美榮橋站」亦只需5分鐘。樓下有任食燒肉店，四周亦有其他食店、藥妝店、停車場等。
機票＋沖繩吉慶海灘度假海洋溫泉飯店 (沖繩南部) ★★★★｜連稅$1,730起
位於那霸市中心，行兩條街就到國際通，樓下有便利店，超方便。
出發日期介乎4至5月及10至明年1月，平飛唔係日日有，想易啲搵到平飛，可以先上 Skyscanner 用整個月份檢視模式，搵出邊日最平，然後再上 ZUJI 訂套票。
提提你：如搜尋後，所顯示嘅資料並非香港航空航班，又或者想改搭其他時間嘅航班， 可以 Click「更改航班」，咁就可以揀番香港航空嘅航班及其他時間嘅航班。
預訂資訊：
出發日期：2018年4月4日-5月19日、9月16日-9月27日、10月9日-12月20日、2019年1月3日-1月25日 (9月-明年1月貴約$70)
機票有效期：7日
免費寄艙行李：20kg
預訂日期：即日-2018年3月16日
恒生信用卡用戶訂滿$3,000減$300優惠代碼：HS300P18
預訂網址：https://www.zuji.com.hk (以網頁版預訂為佳)
留意：
- ZUJI 個預訂系統將沖繩分開咗唔同區域，包括沖繩北部 (North Okinawa, Japan)、沖繩中部 (Central Okinawa, Japan)、沖繩南部 (South Okinawa, Japan)、沖繩市 (Okinawa City, Japan) 等，如果大家想搵那霸市嘅酒店，目的地要輸入「沖繩南部 (South Okinawa, Japan)」，而不是「沖繩市 (Okinawa City, Japan)」。
- 如想入住那霸市酒店，搜尋時，目的地要輸入「沖繩南部」(中文版)」或「South Okinawa, Japan」(英文版)」。
