港航 Mega Sale 嘅沖繩機票相當吸引，原來上 ZUJI 以套票形式訂埋酒店，價格比分開訂更抵！連稅2千有找就玩到5日啦！
香港航空香港來回沖繩機票 (包20kg行李寄艙、飛機餐)＋酒店，連稅計：3日2夜$1,641起、4日3夜$1,787起、5日4夜$1,933起！
以上價格係以入住最平住宿為例，並以2人同行每位計。出發日期就係9月至12月，秋天有祭典節慶、冬天可以觀鯨！正！
港航．沖繩4日3夜「機票＋酒店」精選：
(以10月28日去、10月31日返為例，2人同行每位計)
機票＋松山勞卡客棧 ★★★｜連稅$2,002起
座落那霸市中心，距離機場僅10分鐘車程！附近有唔少商店、酒吧，行10分鐘即達國際通！
機票＋微笑飯店那霸城市渡假村 ★★★｜連稅$2,131起
酒店距離單軌列車「旭橋站」及「縣廳前站」各9分鐘步程，去其他地方都算方便。行10分鐘即可抵達國際通。早餐提供日式、西式及地道嘅沖繩島自助早餐。
機票＋沖繩那霸美居飯店 ★★★★｜連稅$2,449起
酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。
機票＋沖繩那霸紅色星球飯店 ★★★★｜連稅$2,520起
酒店喺那霸市中心，非常方便，而且乾淨企理！距離單軌列車「美榮橋站」僅5分鐘步程，行去泊村碼頭更只需3分鐘，行去國際通大街亦只需10分鐘步程。搭15分鐘車就到首里城同那霸機場。
機票＋全日空沖繩港景皇冠假日飯店 ★★★★｜連稅$2,921起
位於住宅區，環境清靜舒適！距離國際通15分鐘步程，行5分鐘就有便利店、超級市場。
機票＋那霸日航都市酒店 ★★★★｜連稅$2,939起
位於那霸中心位置，近國際通，樓下就有便利店，周圍有唔少食店，買嘢食嘢都方便。
除以上推介，大家可以於 ZUJI 任揀酒店。留意，搜尋後所顯示嘅未必係港航套票，大家只要於「更改航班」位置搵返「香港航空」嘅班次就可以了。
航班時間係早去早返，加$200可以改下午機返。套票1人出發都可，但因為冇朋友仔攤分房價，會比以上價格貴小小。
優惠套票唔係每日都有，大家可先上港航官網，用「查看7天票價」功能搵咩日子有平機票，再上 ZUJI 以套票形式訂就最！
預訂資訊：
出發日期：2018年9月16日-9月27日、10月2日-12月17日
寄艙行李限額：20kg
機票有效期：2-7日
預訂日期：即日-2018年4月30日
提提您：ZUJI 個預訂系統將沖繩分開咗唔同區域，包括沖繩北部 (North Okinawa, Japan)、沖繩中部 (Central Okinawa, Japan)、沖繩南部 (South Okinawa, Japan)、沖繩市 (Okinawa City, Japan) 等。如果大家想搵那霸市嘅酒店，目的地要輸入「沖繩南部 (South Okinawa, Japan)」，而不是「沖
繩市 (Okinawa City, Japan)」。
