Jetstar 又有平機票！識買梗係上 ZUJI 訂套票啦！只需連稅千3蚊，就可以玩到4日！雖然價格冇以往閃劈咁平，但都值得入手！
乘搭 Jetstar 香港來回大阪 / 東京＋酒店 (以最平住宿為例) 連稅：4日3夜$1,351起、5日4夜$1,501起、6日5夜$1,720起！
出發日期連明年1月都有平！航班時間方面，大阪係晚去午返、東京係凌晨去晚返！東京時間非常靚，而大阪就可收工即飛！
4日3夜．大阪 / 東京「機票＋酒店」推介：
(價格以2人同行每位計)
[大阪] 機票＋麗嘉中之島飯店 ★★★｜連稅1,857起 (以12月3日去、12月6日返為例)
酒店位於梅田，行去地鐵「肥後橋站」一分鐘都唔駛，同時近京阪缐，出入非常方便。酒店大堂有便利店，對面有 Starbucks 及24小時營業嘅食店。
[大阪] 機票＋大阪心齋橋西佳飯店 ★★★★｜連稅$2,059起 (以12月3日去、12月6日返為例)
酒店位於難波，行去心齋橋只需10分鐘，距離地鐵「長堀橋站」只有1分鐘路程，非常方便。另外，一出門口就有便利店。
[大阪] 機票＋梅田燦路都大飯店 ★★★｜連稅$2,131起 (以12月3日去、12月6日返為例)
位於兩個地鐵站之間，行5分鐘可達地鐵「中津站」、行7分鐘去到「梅田站」！樓下有便利店，仲有人氣食店「無添迴轉壽司」！
[東京] 機票＋西新井標誌飯店 ★★｜連稅$2,142起 (以11月18日去、11月21日返為例)
2015年尾開幕嘅青年旅館，距離東武晴空塔線嘅西新井站只有3分鐘步程，鄰離有AEON，shopping 同搵食都方便。
[東京] 機票＋淺草微笑飯店 ★★★｜連稅$2,298起 (以11月18日去、11月21日返為例)
位於隅田川河畔嘅商務酒店，附近有公園，環境相對較清幽。酒店距地鐵站約10分鐘步程，而門口就係「淺草七丁目」巴士站，有車直達地鐵站。
[東京] 機票＋HOTEL MYSTAYS 淺草橋 ★★★｜連稅$2,430起 (以11月18日去、11月21日返為例)
客房佈置簡約、舒適，並提供洗衣及乾洗服務。位置方便，距離淺草橋火車站 / 地鐵站僅3分鐘步程，行去秋葉原電器城亦只需約10分鐘。
除以上推介，大家可揀自己鍾意嘅酒店！飛大阪住京都、奈良，或者飛東京住關東其他地區嘅酒店都得，直接於目的地位置輸入就可以了。
今年9月至明年1月嘅指定日子去都有平，不過優惠數量有限，唔係每日都有！大家可先上 Jetstar 搜尋，睇多日票價搵咩日子最抵，然後上 ZUJI 訂套票！
提提大家，以上價格不包括寄艙行李額。大家可於 ZUJI 訂套票時加購寄艙行李額，收費為每程20kg行李$190，價格同 Jetstar 官網一樣。
預訂資訊：
出發日期：
[大阪] 2018年9月12日-9月27日、11月15日-12月9日、2019年1月7日-1月24日
[東京] 2018年10月30日-11月30日、2019年1月7日-1月14日
預訂日期：即日-2018年8月23日11:59PM
