去日本旅行，識玩嘅話一定先係蒲點瘋狂食買玩，再去近郊特色旅館享受一泊二食。但係，如果你嘅假期處於貧窮線下，係5日4夜 (甚至更逼迫) 食買玩嘅威脅下負擔唔起一個近郊小旅行，但又渴望血拼之後可以享受日式風呂浸泡，位於新宿區既竹峰雅宿 (Ryokan Takemine) 係不二之選。
新宿鬧市．罕有和式風呂付客室
竹峰雅宿位於西武新宿線下落合駅，與新宿駅只係兩駅之隔，提供東京都內極少有的和式風呂付客室。同其他風呂旅館一樣，竹峰雅宿提供一泊一食 (朝食付) 或一泊二食 (朝夕食付)。
客房係和式設計，有成七種房型俾你揀！最細嘅雙人房都有30平方米，1泊1食每晚房價約八百幾蚊。高一級嘅豪華房就已經去到50平方米，仲附帶榻榻米區同spa 浴缸，但價錢只係貴少少，1泊1食每晚房價唔駛千一蚊。俾着你係小編，會點揀先，就梗係寧願俾多少少啦！至於特大號床房更設有和式風呂付客室，係熱鬧東京都瘋狂緊張過後，確實可以俾大家鬆弛一下。
雖然竹峰雅宿提供嘅風呂唔係溫泉，但係房內附設嘅日式風呂加浴鹽浸泡亦係一大享受喔。
下落合駅唔近新宿蒲點，但短短行程中都可以安排係竹峰雅宿住一兩晚，過下癮喔！
地址： 161-0032 東京都, Shinjuku-ku Nakaochiai 1-1-3, 日本 (西武新宿線下落合駅北口對面，步行2分鐘)
房價 (1泊1食)：2人每房每晚HK$850起 / TWD3,500起
預訂網址：www.agoda.com
