歐Yeah！復活節照劈！5星級阿提哈德航空．來回歐洲只需$2,750起！2017年6月前出發

11/01/2017

Skytrax 5星級「阿提哈德航空」推出新一輪歐洲優惠！如果有銀聯卡，可以用埋指定優惠碼，額外再有多9折！出發日期至2017年6月15日，最吸引嘅係連復活節都有平！

用咗優惠碼「UNIONPAYHK」後，香港經阿布扎比來回歐洲各地只需$2,750起！

來回連稅：馬德里$3,689起、米蘭$3,689起、羅馬$3,937起、伊斯坦堡$3,705、蘇黎世$3,725、法蘭克福$3,896、日內瓦$3,900起、慕尼黑$3,903、柏林$4,008起、巴黎$4,142起、愛丁堡$4,270、維也納$4,366起、布魯塞爾$4,434、威尼斯$4,472、曼徹斯特$4,475、都柏林$4,857、倫敦$4,841起

另外，香港直航阿布扎比$4,170，連稅$4,705起。

今次呢個優惠，如果有銀聯信用卡再減10％，價錢都唔錯。尤其係可以復活節旺季出發！

不過如果無銀聯卡而又打算淡季出發嘅話，價錢就只算係一般般。

出發日期由即日至2017年1月16日、1月31日至6月15日，平飛唔係日日有，不過預訂系統可以一次過show 晒一個星期嘅票價，平飛唔難搵。

去倫敦可以考慮預訂埋London Pass ！依家做緊85折 (15%折扣碼：10db)。拎住呢個Pass，可以俾您選擇倫敦超過60個熱門旅遊景點免費入場，係特定景點處更享有「免排隊」禮待 (了解更多)。

優惠可以Open Jaw，即係去程同回程可以由唔同地方進出。倫敦離境稅較貴，唔經倫敦走就可以慳返過千蚊。

如想易啲搵到open jaw 平飛，大家可以先search 來回地點A，記低有平飛嘅日子，然後再search 來回地點B，同樣記低有平飛嘅日子。最後，將地點A及地點B 有平嘅日子互相配搭，用「Multiple destinations / Stopovers」功能去search，咁就搵到open jaw 平飛㗎啦！

留意番，價錢上面顯示「Economy Deals」先係今次嘅優惠。

阿提哈德航空飛歐洲要係阿布扎比轉機，但轉機時間一般唔駛好耐。