香港航空今朝出咗飛北海道嘅癲價優惠 (詳情) ！如果「機票+酒店」一齊訂，可以再抵啲！
二人同行，北海道5日4夜套票連稅每人只需$3,519起！價錢已經包咗港航來回機票、4晚酒店住宿、20kg寄艙行李、稅項！呢個價錢可以話跌到落歷史低位！
出發日期由10月25日去到12月15日，連last minute 都有得咁平真係好罕見。旅程冇限住5日4夜，可自行決定日數，最長可以玩8日7夜！一人出發亦可，不過會貴啲，因為無朋友仔同你攤分房價。
留意，訂法係先揀酒店，後揀機票。大家揀完酒店後，再揀國泰嘅航班就可以了。
港航．5日4夜北海道套票推介：
機票＋札幌薄野驛前APA 酒店 ★★★｜連稅$3,560 (預訂)
酒店位置方便，機場巴士直達唔駛四圍騰，樓下就有必逛嘅Tokyu hands！雖然行去大通公園要10分鐘，不過沿途有唔少特式商店同食店，行下睇下食下咁就到咗。
機票＋札幌弗雷姆酒店 ★★★｜連稅$3,684 (預訂)
位於札幌市中心嘅經濟型酒店，位置方便，距離薄野地鐵站只有3分鐘步程，行去狸小路購物街只需5分鐘，行去大通公園亦只需10分鐘。
機票＋北小樽酒店 ★★★★｜連稅$3,970 (預訂)
去得札榥就梗係會去埋小樽，呢間小樽酒店距離JR 只係7-8分鐘，酒店嘅景觀就係運河景，冬天係酒店就已經可以欣賞到白茫茫嘅浪漫小樽！
機票＋小樽多米天然溫泉高級酒店 ★★★｜連稅$4,096 (預訂)
呢間酒店都係響小樽，設有天然熱溫泉浴缸和桑拿浴室。位置仲好方便，行去JR 小樽站只需1分鐘。
機票＋札幌王子大酒店 ★★★★｜連稅$4,198 (預訂)
酒店圓柱外形好易認！位置仲好近大通公園，交通又方便。而且佢仲係市中心少數有埋溫泉嘅酒店！絕對唔係駁喉過嚟果種，而係當年起酒店時意外發現嘅天然泉！每日只需俾$30就可以浸無限次！
機票＋札幌歐多梨海道拉金特住宅酒店 ★★★｜連稅$4,223 (預訂)
酒店距離大通地鐵站只有5分鐘步程，行出門口唔駛3分鐘就到最熱鬧嘅貍小路通商店街。另外，酒店仲提供咗天然溫泉浴場！隨時可以去浸一浸鬆一鬆！
機票＋札幌格蘭大酒店 ★★★｜連稅$4,595 (預訂)
酒店與JR札幌站相連，經相連嘅隧道行5分鐘就到，非常方便。距離札幌鐘樓和大通公園只有2分鐘步程，距離Kokusai Ski Ground 滑雪場約1小時車程。
除咗以上介紹，大家可以自由搭配唔同嘅酒店及航空公司如國泰，亦可自訂旅程嘅長短。
另外，如旅程中某啲日子想自行訂其他酒店 (啱晒既想住札幌，又想喺行程中住其他他方如小樽嘅朋友仔)，預訂時只要喺行程搜尋揀「我只需要在部分旅程中入住酒店」，咁你就可以決定邊啲日子自行安排其他酒店，非常具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
小編check 過系統，部分酒店嘅客房供應有啲緊張，如果想去最好快手一點出手了。
預訂資訊：
出發日期：2016年10月25日-12月15日
預訂日期：即日-10月21日
停留期限：2-7日
免費寄艙行李：20kg
預訂網址：http://www.expedia.com.hk
