Chill 抵價歎君悅海景房連法式晚餐！為慶祝法國五月美食薈及品味當地嘅美酒佳餚文化，香港君悅酒店 (Grand Hyatt Hong Kong) 特意推出「法國五月美食薈」一泊4食優惠！套票包入住豪華海景客房、Grand Hyatt Steakhouse「法國五月美食薈」晚餐、法式甜點及 Minuty M 法國玫瑰葡萄酒、自助早餐、Tiffin 茶園下午茶、長達24小時住宿、紅酒乙支、生日或紀念日禮遇等，每晚 $3,164 (連服務費 $3,480)！包咁多嘢仲有法式美食，小編就梗係第一時間去歎吓啦！
套票包「法國五月美食薈」晚餐
成個 package 嘅焦點係入住當晚於 Grand Hyatt Steakhouse 享用嘅經典法式四道菜晚餐，Steakhouse 嘅出品向來出色，今次晚餐同樣令人非常滿意！
晚餐由酒店行政總廚 Soren Lascelles 精心設計，前菜係「龍蝦沙律配煙燻薯仔、牛油果及豆瓣菜」，味道清爽，當中醃製過嘅紅色甜椒非常醒胃，帶起整道菜的鮮味！接著係「傳統滋味法國洋蔥湯 」(白蘭地、格魯耶爾芝士)，味道濃郁香醇，口感非常厚實，令人有種幸福嘅感覺！
輪到主菜，可以揀「牛柳配青胡椒汁、松露薯蓉、白蘆筍」或「焗爐魚柳配青口、白酒忌廉汁」。牛柳肉質處理恰到好處，非常鮮嫩 juicy，而青胡椒汁則進一步提升肉質的甜味，效果出色。至於爐魚，濃郁嘅魚味令人驚喜，加上肉質嫩滑，不禁從心裡讚歎！
最後，係令人非常期待嘅甜品「64%法國朱古力及雲呢拿千層酥配焦糖合桃」，千層酥嘅製作如巧奪天工，做到每層又香又薄又脆！喺醇厚嘅朱古力、焦糖及雲呢拿交融之下，味蕾被徹底征服！為晚宴劃上完美句號。
小編有一個習慣，就係好留意餐前送上嘅麵包，出色嘅包包就如一個美麗的揭幕，能夠為整頓晚餐加分。是夜嘅包包好食到癲，千其唔好 skip！
鍾意飲番杯嘅朋友，亦可額外選配由香港區首席侍酒師 Maxime Duval 及 Steakhouse 侍酒師 Ric Choi 為唔同菜式特別精選嘅法國餐酒配對。完美嘅配對令整頓晚宴提升至另一層次！
Chill 歎豪華海景客房
今次個 package 包入住君悅豪華海景客房，對住無敵海景，真係成個人都放鬆晒！客房採取通透嘅設計，減少牆身對視線的阻礙，房內任何一個角落都可以飽覽開揚海景！最正嘅就係可以邊浸浴邊望住維港！如果想保持番私隱，浴缸旁邊有個活動掛簾，可以將浴室變回傳統浴室。
房內更特別為大家準備咗法式甜點及 Minuty M 法國玫瑰葡萄酒，等大家可以 Chill 住歎！
Grand Cafe 自助早餐
套票包咗第二朝 Grand Cafe 嘅自助早餐，呢度出名夠晒多嘢食！基本上要有嘅嘢都有，連無 expect 過有嘅 Egg Benedict 都有！由於食物分佈喺唔同區域，記得行入少少，上咗樓梯之後又有另一個區域，據酒店職員所講，有部分客人無行到入去，結果食少咗幾 part！
提提大家，自助早餐分唔同時段，通常9:30am至11:00am時段最 full，記得早啲留位呀！否則就得番6點同8點時段，要晨早仆落去食㗎喇！
方案詳情：
豪華海景客房＋Grand Hyatt Steakhouse「法國五月美食薈」晚餐＋法式甜點＋Minuty M 法國玫瑰葡萄酒＋自助早餐＋Tiffin 茶園下午茶＋長達24小時住宿＋送紅酒乙支＋生日或紀念日禮遇
星期一至四 $3,480
星期五、日、5月2、9日 $3,630
星期六、5月1、8日、6月3日 $3,780
- 1晚豪華海景客房
- 長達24小時住宿 (星期日至四入住，公眾假期及前夕除外)
最早入住時間為14:00，最遲退房時間為18:00 (入住時間不足24小時亦需於18:00退房)
星期五至六、公眾假期及前夕入住，最早可辦理入住時間為14:00，最遲退房時間為12:00 - 入住當晚於 Grand Hyatt Steakhouse 享用雙人「法國五月美食薈」晚餐 (價值 $2,178)
- 一系列法式客房禮遇，包括手工法式甜點及 Minuty M 法國玫瑰葡萄酒 (750毫升) 配新鮮士多啤梨
- 退房日享用雙人自助早餐
- 領取 Tiffin 茶園外賣下午茶禮盒一份 (價值 $588)
- 入住贈送紅酒乙支
- 生日或紀念日送：小蛋糕、房間佈置 (房間佈置限星期一至四入住，公眾假期及前夕除外)
- 免費使用健身室及游泳池 (遵循政府最新推出的防疫指引)
- 滿6至12歲小童可享免費加床及自助早餐；6歲小童可享免費自助早餐不設加床
- 免費體驗「Style Theory 品牌服裝租借體驗」(價值 $599)，成功預訂酒店住宿套票後，透過電郵進行登記。禮品數量有限，換完即止。
【入住日期】即日-6月26日
【預訂日期】即日-5月6日
【預訂網址】香港君悅酒店預訂網址
香港君悅酒店
地址：香港港灣道1號
電話：2588 1234
