ANA 全日空有隻飛名古屋嘅平飛，當然套票亦有優惠價，「機票＋酒店」一齊訂會更加抵添！兼且再送您$150機場現金券！更正嘅係聖誕期間都有平，一於去白川鄉過番個白色聖誕啦！
ANA 名古屋「機票＋酒店」連稅：4日3夜$3,080起、5日4夜$3,212起、7日6夜$3,511！出發日期至12月20日，回程最遲12月27日，即係話可以平飛日本過聖誕！以12月20日去，12月27日返為例，8日7夜連稅亦只需$3,855起！抵到跳舞！
以上係二人同行嘅每位價錢，已包ANA 來回名古屋機票、整個旅程嘅住宿、2件23kg寄艙行李、稅項。出發日期至2017年12月20日。
航班係午機去早機返，去程NH876 14:00-19:00，回程NH875 09:40-13:30。雖然回程係早機，但九點八機都可以接受，加上機場好近名古屋市中心，車程最快半粒鐘就到。朝早去機場都唔會太辛苦。
旅行日子可長啲或短啲，大家預訂時可以揀選其他日數，最長可以玩8日7夜。同時，亦可自選任何酒店，轉搭其他航空公司亦都得。一人出發亦可，不過會貴啲，因為無朋友仔同你攤分房價。
留意番，預訂方法係先揀酒店，後揀機票。大家揀完酒店後，再揀 ANA 嘅航班就可以了。
名古屋．5日4夜「機票＋酒店」套票推介：
機票＋Hotel MyStays 名古屋榮 ★★★｜連稅$3,441
酒店位置旺中帶靜，距離榮站只有10分鐘腳程，交通方便。
機票＋名古屋榮 UNIZO 旅館 ★★★｜連稅$3,742
酒店位置超就腳，距離市中心嘅榮地鐵站僅有1分鐘步程，有免費 Wifi，仲同24小時便利店連接。客房略小，但企企理理都幾舒服。
機票＋名古屋榮誠信酒店 ★★★｜連稅$3,770起
酒店位置優越！行去榮地鐵站2號出口只需30秒！對面就係激安殿堂，樓下有 Family Mart & Tully Cafe，過兩條街又有24小時食肆。
機票＋名古屋榮區天然溫泉多米高級旅館 ★★★｜連稅$3,994
酒店喺正市中心，位置優越，距離 Sakae 及 Fushimi 地鐵站僅4分鐘步程，而最大賣點係設有天然溫泉浴池！無錯！喺市心竟然有天然溫泉可以浸！而且四周圍遍佈食店同商店，搵嘢食同shopping 話咁易。
機票＋名古屋站前大和魯內酒店 ★★★★｜連稅$4,159
酒店距離 JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。
除咗以上介紹，大家可以自由搭配唔同嘅酒店，亦可自訂旅程嘅日數。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
另外，由即日起至9月30日，喺 Expedia 預訂任何機票或套票 (機票＋酒店) 即送價值$150嘅香港國際機場現金券！名額40,000個，額滿即止。大家完成預訂後，記得填妥表格，完成登記後，現金券將會郵寄至閣下嘅登記地址。
預訂資訊：
出發日期：即日-2017年7月7日、8月24日-9月28日、10月3日-12月20日 (回程最遲12月27日返港)
機票有效期：2-7日
寄艙行李限額：2件23kg (合共46kg)
預訂日期：即日-2017年6月30日
預訂網址：http://www.expedia.com.hk
登記領取$150嘅香港國際機場現金券：http://goo.gl/vckNpC
留意：大家揀完酒店後，所顯示嘅價錢係指喺唔同航空公司中，搭最平果間嘅套票價錢。到揀機票果個 step，Expedia 個系統會顯示唔同航空公司嘅機票俾大家揀，而所加嘅錢，只係補番搭 ANA 個差價，並唔係加價。上述介紹所提及嘅所有價錢都係補番 ANA 差價之後嘅價錢。
例如，下圖顯示9月10日至9月13日，ANA 名古屋4日3夜「機票＋酒店」連稅每人$3,079 (2人合共$6,158)
