國泰推出台北套票優惠！3日2夜「機票＋酒店」連稅只需千三蚊起！一次過訂埋「機票＋酒店」更加抵之餘，仲可以獲贈$150機場現金券！超著數！
國泰．台北「機票＋酒店」連稅：3日2夜$1,387起、4日3夜$1,458起、7日6夜$1,745起
以上為2人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至12月21日 (部分日子不適用)，最遲12月27日完成旅程，即係話可以橫跨埋聖誕節！以12月21日去，12月26月返為例，7日6夜連稅只需$1,824起！以聖誕節旺季嚟講，非常抵玩啦！
航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。一人出發亦可，不過會貴啲。
留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。
國泰．3日2夜「機票＋3/4星」全新酒店：
以下價錢係以9月24日去，9月26日返為例。所推介嘅新酒店全部都開幕少於一年。
機票＋米勒風尚行旅 ★★★｜連稅$1,695起
2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。
機票＋華山文旅 ★★★★｜連稅$1,830起
2016年12月開幕，位於台北中正區，華山1914文創園區就喺正對面！距離「捷運．忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。
機票＋日暉酒店 ★★★★｜連稅$1,859起
2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！提供4種主題客房，最細嘅房間都有16平方米 (172平方呎)。
機票＋富藝旅台北大安 ★★★★｜連稅$1,955起
2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。
機票＋量子酒店 ★★★★｜連稅$2,156起
大S老公開嘅精品酒店，2017年4月先至開幕，夠晒新，客房亦夠大，最細果間都有28平方米 (301平方呎)！酒店更由法國名設計師 PHILIPPE STARCK 親自操刀設計！位置亦好方便，位於台北松山區，喺臺北小巨蛋附近，距離「捷運．南京復興」站約9分鐘步程，去「台北車站」亦只需搭3個站。
國泰．3日2夜「機票＋4星」高質酒店：
以下價錢係以9月24日去，9月26日返為例。所推介嘅酒店都屬於極高評價嘅酒店。
機票＋台北西門町意舍 ★★★★｜連稅$1,884起
意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。
機票＋六福居公寓式精品酒店 ★★★★｜連稅$2,179起
位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！
除咗以上介紹，大家可以自選任何酒店。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
另外，由即日起至9月30日，喺 Expedia 預訂任何機票或套票 (機票+酒店) 即送價值$150嘅香港國際機場現金券！名額40,000個，額滿即止。大家完成預訂後，記得填妥表格，完成登記後，現金券將會郵寄至閣下嘅登記地址。
預訂資訊：
出發日期：2017年8月24日-9月28日、10月1日-12月21日
停留期限：2-7日
免費寄艙行李：30kg
預訂日期：即日-2017年7月31日
預訂網址：http://www.expedia.com.hk (需使用網頁版預訂，手機 App 係訂唔到的)
登記領取$150嘅香港國際機場現金券：http://goo.gl/vckNpC
