國泰推出咗日本機票優惠，如果經 Expedia 連埋酒店一次過預訂仲抵，大阪 / 京都機票連同3晚住宿連稅三千有找，抵到爆！
以入住最平嘅住宿「Hotel Sun Plaza 2」為例，大阪／京都「來回機票＋酒店」連稅計，4日3夜只需$2,832起、5日4夜$2,921起、7日6夜$3,098起！
以上係2人同行嘅每位價格，已包國泰航空香港來回大阪機票、30kg寄艙行李、飛機餐、全程酒店住宿、稅項！
呢個套票優惠出發日期去到明年3月，趁秋冬去賞楓睇雪、或者新年去掃貨搶福袋都得！大家可以自訂旅程長短，最長可以玩8日7夜！
5月4夜「機票＋酒店」推介：
以下價錢以2018年1月21日去、1月25日返為例。
機票＋HOTEL MYSTAYS 堺筋本町 ★★★｜連稅$3,398起
酒店位於梅田，行去堺筋本町地鐵站約需6分鐘，距離大阪城堡約15分鐘步程。
機票＋大阪東急REI飯店 ★★★｜連稅$3,760起
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！客房唔大，最細果間只
有13平方米，但喺梅田有呢啲價位，真係抵！
機票＋Via Inn 心齋橋 ★★★｜連稅$3,841起
位置優越！從地鐵心齋橋站7號出口，步行約2分鐘就到。樓下有便利店，行約5分鐘到心齋橋購物區，shopping 同搵嘢食都好方便。客房面積最細有13平方米，一般日本商
務酒店嘅 size，不過勝在價錢平又夠方便。
機票＋京都麗嘉皇家酒店 ★★★★｜連稅$3,818起
酒店經過翻新後，於2016年9月8日重新開業。客房夠大，最細果間都有22平方米，住得舒服！位置優越，距離「JR．京都火車站」約7分鐘步程，酒店亦提供免費 shuttle bus 往返 JR京都站。
機票＋難波東站 APA 酒店 (新酒店) ★★★｜連稅$3,819起
2017年4月開張，酒店位置佳，距離「南海電鐵．難波駅」只有5分鐘步程。附近有 Namba City 等大型商場。酒店嘅設計係一貫 APA 商務酒店嘅風格，客房略小，最細嘅房只有11平方米 (118平方呎)。
機票＋心齋橋小船酒店 (新酒店) ★★★｜連稅$4,100起
於2017年5月開幕，酒店位置極佳，位於心齋橋最熱閙嘅地段，距離「地鐵．心齋橋駅」只需約4分鐘步程。酒店嘅設計走簡約路線，客房以白色為主調，並配上樺木，予人光猛、潔淨嘅感覺。最細嘅房間只有約13平方米 (140平方呎)。
機票＋大阪難波光芒酒店 (新酒店) ★★★｜連稅$4,299起
將於2017年7月開幕，酒店位置方便，位於東心齋橋地區，距離「地鐵．日本橋駅」約6分鐘步程，行去心齋橋商店街只需7分鐘。酒店嘅設計走時尚簡約路線，頂層設有展望露天風呂，最細嘅客房約16平方米 (172平方呎)。
機票＋難波天然溫泉多米高級旅館 ★★★★｜連稅$4,843起
酒店提供天然溫泉設施，又有免費拉麵宵夜，仲有 Shuttle Bus 去JR難波站！位置方便，行去道頓堀、大阪電器城只需5分鐘，距離心齋橋購物區步行亦只需15分鐘步程。
除以上介紹，大家可以自己揀心水酒店，亦都可以喺行程中入住唔同嘅酒店。只要搜尋時揀「我只需要在部分旅程中入住酒店」，就可以設定套票包邊幾晚酒店，其餘日數再加訂其他酒店，更具彈性。
預訂時記得揀人數係2人或以上，先選酒店，後揀機票。大家揀完酒店後，再喺各大航空公司入面，揀番國泰嘅航班就可以了。
留意番，平飛唔係日日有，想易啲搵到平套票，可以先上國泰官網睇下邊啲日子有平 (官網可以一次過顯示前後一個星期嘅票價)，記低有平嘅日子，然後再上 Expedia 以更抵嘅價錢訂套票。
預訂資訊：
出發日期：即日-12月19日、12月29日-2018年2月11日、2月21日-3月25日 (回程最遲3月29日返港)
機票有效期：2-7日
寄艙行李限額：30kg
預訂日期：即日-2017年10月27日 (售完即止)
預訂網址：http://www.expedia.com.hk (需以網頁版訂購，手機 App 無法訂購)
