夏日遊台！長榮呢隻套票認真無敵！暑假旺季出發、航班早去晚返、包30kg行李及飛機餐，仲有5星級航空嘅服務！玩3日2夜連稅千6起咋，正！
7月至8月出發，長榮航空．香港來回台北機票＋酒店連稅：3日2夜$1,607起、5日4夜$1,722起、7日6夜$1,874起！(以最平住宿為例)。以上價格係2人同行每位計，1人出發都可以，但因為冇朋友仔幫分攤分房價，所以會貴少少。
出發日期就係7月中至8月尾，喺正暑假季節呀！如果想搵最抵嘅套票，星期日至三出發會係最平！如果係周末出發，就每位貴大約$118左右。
大家可以自訂行程長短，最耐可以玩15日14夜，暑假慢慢 hea 就啱晒！航班時間都有好多選擇，可以早去晚返玩到盡、或者午去午返唔駛趕都得！
長榮．台北3日2夜套票推介：
(以7月22日去、7月24日返為例)
機票＋儷夏商旅 – 西門町西寧館 ★★★｜連稅$1,746起
位於西門町嘅酒店，附近有眾多食肆、商店，方便掃街及 Shopping ，周邊環境非常熱鬧！另外，酒店房間有免費 Mini bar供住客享用！
機票＋創意西門旅店 ★★★｜連稅$1,781起
位於西門町購物商圈嘅平價旅店！距離捷運「西門站」約8至10分鐘步程。房間不大，但勝在夠平夠方便。
機票＋米勒風尚行旅 ★★★｜連稅$1,805起
2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。
機票＋台北門精品飯店 ★★★★｜連稅$1,903起
新酒店！設計時尚有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！
機票＋旅樂序二館 ★★★｜連稅$1,916起
具設計感嘅精品酒店，毗鄰台北車站。附近有便利店、百貨公司、各類食肆，也接近228和平紀念公園。如步行往捷運台大醫院站亦只需7分鐘。
機票＋台北凱達大飯店 ★★★★｜連稅$2,043起
於2017年11月開幕，屬台灣頂級酒店「凱撒大飯店」旗下分館。酒店位於艋舺大道，附近有華西街夜市、艋舺龍山寺，步行3分鐘內可達萬華火車站、捷運「龍山寺站」，四通八達。
機票＋華山文旅 ★★★★｜連稅$2,066起
2016年12月開幕，位於台北中正區，華山1914文創園區就喺正對面！距離捷運「忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。
除以上推介，大家可自選心水酒店。於 Expedia 揀酒店時，可按「價格」由低至高排序，並按「位置」、「星級」作篩選，會更易搵出適合嘅酒店！
如想喺行程中住唔同嘅酒店，搜尋時剔選「我只有部分日期需要入住
預訂資訊：
出發日期：2018年7月13日-8月27日
寄艙行李限額：30kg
機票有效期：14日
預訂日期：即日-2018年6月30日
預訂網址：http://www.expedia.com.hk (以網頁版預訂為佳)
