去蘇梅歎世界，梗係要住返間靚 Resort 啦！曼谷航空呢隻套票抵玩，去 Expedia 一次過預訂「機票＋酒店」就可以用抵價歎陽光海灘！
香港來回蘇梅島機票＋酒店連稅計：4日3夜$3,172起、5日4夜$3,196起、6日5夜$3,219起！價格係以最平住宿為例，如果想住靚啲，4日3夜「機票＋4 / 5星酒店」連稅$3,373起！
航班係經曼谷轉飛蘇梅島嘅，而香港來回曼谷嗰兩程仲係國泰聯營班次添！航班選擇都好多，有早去晚返！加$960左右就可以轉直航機。
4日3夜「機票＋4/5星度假酒店」套票推介：
(以10月14日去，10月17日返，2人同行每位計)
機票＋蘇梅島聖塔拉海灘渡假酒店 ★★★★★｜連稅$4,441起
位於查汶區海灘，附近有食肆、按摩店等，對面有便利店，位置唔錯！酒店設203間客房，每間都面向蔚藍海景、仲有開揚露台！
機票＋薩拉蘇美曾蒙海灘渡假村 ★★★★★｜連稅$5,380起
座落曾蒙海灘，附近有便利店，10分鐘車程可達機場、漁人村、查汶！酒店特設相連別墅，適合一大班親友入住！
機票＋漢沙蘇美渡假村及水療中心 ★★★★★｜連稅$5,545起
位於波普，距機場只有10分鐘車程！位置接近漁人村，附近有唔少餐廳、酒吧！酒店內設 Infinity Pool，又極近波普海灘，內外景致都一流！
機票＋蘇梅島六善酒店 ★★★★★｜連稅$7,013起
座落蘇梅島北部，擁有超開揚海景！酒店走熱帶度假風，以木作主要建材，感覺自然清新！
機票＋蘇梅島班達靈巖洲際酒店 ★★★★★｜連稅$7,461起
遠離市區及機場嘅酒店，位於懸崖之上，面向廣闊海景，環境寧靜清幽、遠離煩囂！
機票＋蘇梅島四季度假村 ★★★★★｜連稅$9,272起
結合自然與奢華嘅5星級度假酒店！酒店住宿全為獨立別墅，設無邊際泳池，更有2至4間臥室嘅別墅，一家大細入住都非常適合！
機票＋蘇梅島悅榕莊 ★★★★★｜連稅$9,533起
豪華高級嘅5星級度假酒店，住宿設於山坡上，全為獨立別墅，並附有私人泳池！酒店有私人海灘，私隱度高，適合蜜月之旅！
除以上推介，Expedia 仲有好多 Resort 任揀！大家可以按「價格」由低至高排序，再以「星級」及「位置」作篩選，就可以更易搵出心水酒店！
套票價格已包20kg寄艙行李額、飛機餐，9月至12月出發都得！而行程長短更加係可以自訂，最耐可以玩到8日7夜！
預訂資訊：
出發日期：2018年9月1日-9月21日、9月24日-9月25日、10月5日-12月20日
寄艙行李限額：20kg
機票有效期：3-7日
預訂日期：即日-2018年6月30日
預訂網址：https://www.expedia.com.hk (以網頁版預訂為佳)
