國泰除咗台北套票，泰國套票同樣抵穿地殼！上 Expedia 用埋優惠碼「CXPKG300」預訂，額外再減$300！用咗優惠碼後，香港來回曼谷機票＋酒店連稅：3日2夜$1,594起、4日3夜$1,653起、7日6夜$1,749起！同樣嘅出發日期同航班，如果上國泰官網淨買機票，連稅都要$1,766！依家有埋機票同酒店，反而仲平過淨買機票！你話係咪抵到跳舞先？
仲有大約半個月燃油附加費就殺埋身啦！梗係趁加徵前用優惠碼低價入定貨先啦！以上價錢以2人同行每位計，並以最平住宿為例。套票已包30kg寄艙行李額、飛機餐，價格係2人同行每位計。不過一人獨遊都可以，只係冇朋友仔幫手攤分房價，價格會貴少少。
出發日期去到明年3月底，可以自訂出發日期。航班選擇多，有早去晚返靚時間添！而行程更加係可長可短，最耐玩8日7夜都得！
曼谷 / 芭堤雅 / 華欣3日2夜「機票＋酒店」推介：
(價錢以2018年12月11日去，12月13日返為例)
[曼谷] 機票＋沙吞目標酒店 ★★★｜連稅$1,748起
於沙吞，夠平夠大仲有露台，樓下就有便利店、食店，行去地鐵「Khlong Toei 站」約10分鐘。
[曼谷] 機票＋曼谷蘇坤蔚路 X2 共鳴酒店 ★★★★｜連稅$1,907起
走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。
[曼谷] 機票＋艾倫酒店 ★★★★｜連稅$2,048起
2017年開業的精品酒店，接近 BTS Thong Lo 站。酒店以鐵枝作外牆的裝飾，外觀獨特易認。酒店內外採 LOFT 復古工業風裝潢，充滿質感。
機票＋曼谷蘇坤蔚凱悅嘉軒酒店 ★★★★｜連稅$2,133起
於2017年11月開業，距離BTS「Phrom Phong站」 只有6分鐘步程！酒店位置便利，鄰近 The Emporium 及 The EmQuartier 購物中心，四周食肆林立！
[曼谷] 機票＋康帕斯酒店集團旗下素坤逸路阿德菲大酒店 ★★★★｜連稅$2,152起
客房夠大，最細果間都有38平方米，並設有㕑房、洗衣機，適合一家大細入住。四周環境清淨，但出入方便，距離 BTS Phrom Phong 站約 7至8分鐘步程。
[曼谷] 機票＋曼谷137柱公寓酒店 ★★★★｜連稅$2,857起
豪宅式享受！位於購物區 Phrom Phong，豪華的裝潢下營造出家的感覺。酒店於27樓設有 infinity pool，可享怡人景色，打卡必到！
[曼谷] 機票＋曼谷華爾道夫酒店 ★★★★｜連稅$3,633起
2018年8月開業，屬 Hilton 集團旗下嘅5星級新酒店！位於 Ratchadamri 黃金地段，四面佛、Central World、Siam Paragon、Big C 都在5至10分鐘嘅可步行範圍內。
[華欣] 機票＋帕斯卡尼度假村 ★★★｜連稅$2,232起
度假村一遍藍與白的希臘氣息！室內更配以湖水藍家具，貫徹地中海風情！客房圍著泳池而建，有一半房都可以 pool access！
[芭堤雅] 機票＋芭堤雅瑞享暹羅酒店 ★★★★★｜連稅$2,317起
所有客房均享有無敵海景，並設私人露台。浴室設有圓形浴缸，可以享受高質浸浴。泳池非常大，並設2條滑水梯，而泳池對開就係私人沙灘，可以盡情同陽光玩遊戲。自助早餐豐富，食品種類多。
[芭堤雅] 機票＋芭堤雅聖塔拉幻影海灘渡假酒店 ★★★★★｜連稅$2,941起
度假村位於 Wong Amat 海灘及 Naklua 海灘旁，行2分鐘就可以抵達海灘。設施完善，如設接連海灘嘅游泳池、健身室等。客房設有露台，享有無敵海景。
除以上推介，大家可於 Expedia 任揀酒店。揀酒店時，按「價格」由低至高排序，再以「星級」、「位置」作篩選，會更快搵到心水酒店！
入住芭堤雅 / 華欣嘅酒店都得，直接於「目的地」位置輸入就可以了！如果想於行程中住多間唔同嘅酒店，可於搜尋時揀「我只有部分日期需要入住酒店」嚟設定套票包邊幾晚酒店，其他日子再額外訂其他酒店。
提提大家，搵曼谷套票時，目的地要填「曼谷 (及附近地區), 泰國」，咁先會搵到曼谷全市嘅酒店。如果你填咗「曼谷, 泰國 (BKK-所有機場)」，就只會搵到機場附近嘅酒店！
預訂資訊：
出發日期：即日-2018年12月19日、12月30日-2019年1月30日、2月8日-3月31日
寄艙行李限額：30kg
機票有效期：2-7日
預訂日期：即日-2018年11月30日
預訂國泰套票未連稅滿$2,000減$300優惠碼：CXPKG300 (名額300個)
預訂網址：http://www.expedia.com.hk (記得目的地要輸入「曼谷 (及附近地區), 泰國」，並以網頁版預訂為佳)
