的的喀喀湖(Titicaca Lake)係世上海拔最高嘅湖泊，位於秘魯和玻利維亞交界嘅安第斯山脈。
最特別之處係湖中有數十個由蘆葦草所造成嘅浮島，每個浮島都住了一個家族。點解佢哋會住係浮島上？相傳係1,000年前，當地嘅原住民烏魯族(Uros)為躲避印加人嘅侵略，因而建造浮島，住係湖泊上，藉此與外界隔絕。
蘆葦浮島就好似一個個巨型浮台，係上面行走，會感受到它的擺動，同埋唔係踩係一個實在嘅地面，感覺非常有趣！據當地人所說，蘆葦浮島容易耗捐，因此需要不時要添加蘆葦草嚟維持浮島嘅結構。
島上嘅居民一般靠蘆葦船往來各浮島，而很令大家嘖嘖稱奇嘅係居民會係浮島上明火煮食，感覺很是驚險！
無可否認，的的喀喀湖係一個好有特色嘅景點，不論浮島、浮島上嘅住屋、往來所搭嘅小船，還是廁所(名符其實嘅芧廁)都係用蘆葦所搭成，眼前就係一個只有草嘅世界！不過可能因為已成為一個頗有名氣嘅景點，感覺上都幾商業化，例如居民會不斷遊說你買紀念品，借用芧廁需要收費等。
的的喀喀湖靠近普諾(Puno)城，要去呢個湖，需要係普諾城出發，最方便嘅方法係參加當地嘅local tour。先係普諾搭車去碼頭，然後再上船進湖。
另外，提提大家，由於景點位處高海拔，可能會出現少許高山反應！如果去的話，要留意一下了。
