好耐冇見沖繩平套票啦！今個初夏搭港航去沖繩勁抵玩，連稅千八蚊就有齊「機票＋酒店」玩4日3夜啦！爆平！
香港航空．香港來回沖繩機票＋酒店 (以最平住宿為例) 連稅：4日3夜$1,858起、5日4夜$1,936起、6日5夜$2,014起！
出發日期係5月至6月份，最啱去度假玩水、歎陽光與海灘！航班有得揀午機去、晚機返，時間都算唔錯！
港航．沖繩4日3夜「機票＋酒店」推介：
(以5月26日去、5月29日返為例，2人同行每位計)
機票＋沖繩西町海岸別墅旅館 ★★★★｜連稅$2,223起
2015年開幕嘅公寓式別墅，有廚房、洗衣機等設施，樓下有間便利店！旅館距單軌車站略遠，約為20分鐘步程。但有提供免費泊車位，適合自駕遊旅客！
機票＋微笑酒店那霸城市渡假村 ★★★｜連稅$2,329起
酒店距離單軌列車「旭橋站」及「縣廳前站」各9分鐘步程，去其他地方都算方便。行10分鐘即可抵達國際通。早餐提供日式、西式及地道嘅沖繩島自助早餐。
機票＋沖繩紅色星球那霸酒店 ★★★★｜連稅$2,349起
酒店喺那霸市中心，非常方便，而且乾淨企理！距離單軌列車「美榮橋站」僅5分鐘步程，行去泊村碼頭更只需3分鐘，行去國際通大街亦只需10分鐘步程。搭15分鐘車就到首
里城同那霸機場。
機票＋那霸棕櫚皇家飯店 ★★★｜連稅$2,383起
位於國際通嘅老牌酒店，行5分鐘就到單軌車站「牧志站」！周邊有唔少餐廳、便利店、藥妝店，環境熱鬧！
機票＋沖繩那霸美居酒店 ★★★★｜連稅$2,453起
酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。
機票＋那霸日航都市酒店 ★★★★｜連稅$2,854起
位於那霸中心位置，近國際通，樓下就有便利店，周圍有唔少食店，買嘢食嘢都方便。
機票＋沖繩喜來登聖瑪麗娜渡假村 ★★★★｜連稅$3,163起
位於恩納，臨海而建，有無敵海景，對出就係私人沙灘，酒店有多個網球場、高爾夫球場，設施完善。除咗可以喺酒店餐廳享用沖繩料理，仲可以喺燒烤露台上邊BBQ，邊欣賞日落。
除以上推介，大家可自選鍾意嘅酒店。按「價格」由低至高排序、再以「酒店星級」、「鄰近區域」作篩選，會易啲搵到適合嘅酒店。
預訂時，記得係先揀酒店、再選機票。行程長短可自訂，快閃遊又得、最耐玩到8日7夜！慢慢 hea 都冇問題！
票價已包20kg寄艙行李額、飛機餐，價格以2人同行每位計。不過1人出發都得，只係冇朋友仔幫手攤分房價，所以會貴少少。
搜尋時，記得係於目的地輸入「沖繩, 日本」。唔好入機場代碼或「那霸, 日本 (OKA)」，否則就只會搵到機場附近嘅酒店！
預訂資訊：
出發日期：2019年5月7日-6月25日
寄艙行李限額：20kg
機票有效期：2-7日
預訂日期：即日-2019年4月30日
預訂網址：http://www.expedia.com.hk (以網頁版預訂為佳)
