【短遊深圳鬆一鬆】勁多打卡熱點：5D星空夢幻錯覺藝術館＋華僑城創意文化園＋清水河舊火車站＋仙湖植物園

想去深圳影相打卡賺下 like，小編有好介紹！ 呢排最熱門嘅景點之一，梗係「5D星空夢幻錯覺藝術館」啦！成個場館佔地超過一千平方米，設有不同主題：水晶夢幻天空、光影婚紗、時空投影等，配合埋藝術光影效果，隨時都可以影出勁多不同效果嘅靚相，唔講以為自己去咗日本 Team Lab！

最近仲有幾間旅行社推出咗1-2天嘅超值高鐵深圳自由行套票，連高鐵來回車票加景點門票真心抵好多！就以上述嘅景點為例，預訂套票成人只係每位$175起，非常划算！

高鐵1-2天深圳套票詳情：https://www.highspeed.mtr.com.hk/tc/latest-news/hsr-short-getaways.html

由於「5D星空夢幻錯覺藝術館」鄰近深圳地鐵「車公廟站」，影完相大家可以去附近嘅人氣餐廳醫肚。鍾意重口味嘅可以去試下「班花麻辣燙」嘅麻辣火鍋或者去「鱘龍記」⻝酸菜魚。幾個女仔一齊嘅話，就梗係要去「雲屋」啦！嗰度啲甜品超靚超夢幻，打卡擺上IG一定好多Like！如果有時間去埋「純 K」唱 K 直落都仲得，啲歌仲要好多好齊！

 

在 Instagram 查看這則貼文

 

xggkxx（@xggkxx）分享的貼文 於 PDT 2019 年 3月 月 30 日 下午 11:52 張貼

 

在 Instagram 查看這則貼文

 

Get Ready 香港（@getreadyhongkong）分享的貼文 於 PDT 2018 年 5月 月 4 日 上午 8:04 張貼

食飽飽後，就可以沿地鐵2號綫搭兩個站去僑城東站嘅「華僑城創意文化園」做下文⻘！園內有創意市集、咖啡店同書店，啱晒文青們去Chill 返下，或者喺附近啲巨形壁畫前面影下相、打下卡，幾好Feel㗎！

 

在 Instagram 查看這則貼文

 

Fྉlྉoྉ晶晶（@flodaflo）分享的貼文 於 PST 2019 年 1月 月 6 日 上午 12:26 張貼

淨係影壁畫唔夠特別？嚟到深圳原來仲可以做鐵道迷！只要由高鐵福田站搭地鐵3號綫去到草埔站，大家就可以去「清水河舊火車站」懷舊一番。舊火車站內擺放咗不同年代嘅舊式鐵皮火車，遊客可以落埋路軌度影相， Vintage 味十足！

 

在 Instagram 查看這則貼文

 

Max VampsS（@i_m_vampss）分享的貼文 於 PDT 2019 年 3月 月 19 日 下午 8:43 張貼

鍾意親親大自然嘅話，大家仲可以去「仙湖植物園」參觀打卡！只要喺高鐵福田站搭地鐵2號綫去到黃貝嶺站，之後轉巴士就可以去到「仙湖植物園」。入到植物園第一時間梗係要去「仙人掌園」影返張紅遍 IG 嘅仙人掌仙氣圖，咁先夠特別！影完相仲可以順便去埋「仙湖」撐船仔，都好浪漫好 Relax 㗎！

 

在 Instagram 查看這則貼文

 

.（@puisze_）分享的貼文 於 PDT 2018 年 8月 月 2 日 上午 8:40 張貼