新航有隻新加坡優惠，官網賣2人同行每位$1,825起。而只要比多廿蚊，就可用套票形式訂齊「機票＋酒店」玩3日2夜！
乘搭新加坡航空，香港來回新加坡機票＋酒店 (以最平住宿為例) 連稅：3日2夜$1,843起、4日3夜$1,918起、5日4夜$1,992起！
票價已包30kg寄艙行李額、飛機餐，航班時間有得揀早機去、晚機返添！適合快閃遊，可以玩到盡！
新航．新加坡3日2夜套票推介：
(以12月8日去、12月10日返為例，2人同行每位計)
機票＋努維都市酒店 ★★★★｜連稅$2,417起
酒店於2017年開業，環境非常新淨整潔！位置都唔錯，行7分鐘可達地鐵「Lavender 站」，附近亦有巴士站。房內及大堂均有免費小食提供！
機票＋新加坡薰衣草維酒店 ★★★★｜連稅$2,467起
位於小印度，酒店門口就係地鐵「Lavender 站」出口。附近有便利店、美食街，而步行前往武吉士都唔太遠！
機票＋新加坡武吉士 XY 酒店 ★★★★｜連稅$2,494起
位於兩個地鐵站之間，行6分鐘可達「Lavender 站」、8分鐘可達「Bugis 站」！前往阿拉伯街、武吉士等地都好方便。
機票＋宜必思新加坡明古連街酒店 ★★★｜連稅$2,533起
酒店座落市中心旺區，屬方便熱鬧之選！距離地鐵「Bugis站」僅7分鐘步程，酒店旁邊有7-11、大型商場，方便 Shopping！
機票＋新加坡武吉士美居酒店 ★★★★｜連稅$2,672起
酒店位置不俗，離武吉士地鐵約8至10分鐘步程，去聖淘沙都算方便。酒店附近有大型商場，同埋唔少美食店。
機票＋新加坡烏節路優特爾酒店 ★★★★｜連稅$2,718起
位於購物區烏節路上，係2017年10月先開幕嘅新酒店！唔單止位置便利、環境新淨，酒店設備更相當智能化、有埋機械人 Serve 住客添！
以上只係小編推介嘅酒店，大家可自選鍾意嘅住宿。於揀酒店時，按「價格」由低至高排序，再以「酒店星級」作篩選，可更快搵到適合酒店！
預訂時，係先揀機票，再選酒店。去到揀機票一版，於左邊「包括的航空公司」揀「新加坡航空」，就可快啲搵到以上套票。
6月底前出發都有以上抵價，咩季節去都冇問題。大家亦可自訂行程長短。最耐可以玩到6日5夜！
提提大家：搜尋時，目的地要填「新加坡, 新加坡」，咁先會搵到市中心嘅酒店。如果填咗「新加坡, 新加坡 (SIN – 樟宜)」，就只會搵到機場附近嘅酒店！
預訂資訊：
出發日期：即日-2019年12月17日、2020年1月2日-1月16日、2月6日-4月2日、4月14日-6月30日
寄艙行李限額：30kg
機票有效期：2-5日
預訂日期：即日-2019年11月3日
預訂網址：http://www.expedia.com.hk (經網頁版預訂為佳)
