打算年尾飛轉日本？趁依家 ANA 做緊優惠，訂套票有筍價！連稅三千四就有齊「機票＋酒店」玩4日3夜啦！
ANA 全日空．香港來回大阪機票＋酒店 (以最平住宿為例) 連稅：4日3夜$3,444起、5日4夜$3,501起、6日5夜$3,560起！
平套票數量唔算多，適用於12月份出發！入住京都 / 奈良等地嘅酒店都得，可以去關西浸浸溫泉！
ANA 大阪 / 京都 4日3夜套票推介：
(以12月8日去、12月11日返為例，2人同行每位計)
[大阪] 機票＋本町WBF酒店 ★★★｜連稅$3,758起
於2018年6月開業，行4分鐘即達地鐵「本町站」，行去心齋橋都好方便！酒店設有和服租借服務，房內有「HANDY」手機、門外又有單車供租用，設備齊全！
[大阪] 機票＋大阪肥後橋驛前 APA 酒店 ★★★｜連稅$3,797起
房間空間唔大，但勝在位置唔錯。酒店附近有多間便行店，而隔離就係地鐵四橋線「肥後橋站」3號出口，前往西梅田、難波都好方便！
[大阪] 機票＋心齋橋哈頓酒店 ★★★｜連稅$3,924起
酒店位置優越！距離地鐵「心齋橋站」7號出口僅1分鐘步程，行去道頓堀、難波亦只有3分鐘步程！基本上一行落街就已經可以shopping！
[大阪] 機票＋道頓堀威利娜酒店 ★★★｜連稅$3,986起
2018年3月新開業嘅酒店，由地鐵「日本橋站」行4分鐘即達！接近黑門市場及道頓堀，附近有兩間便利店、眾多藥妝店，Shopping 及用餐都方便！
[大阪] 機票＋梅田 OS 酒店 ★★★｜連稅$4,111起
位置優越！距離JR「大阪站」、阪急「梅田站」只有7分鐘步步程。阪急百貨、大丸、淀橋卡梅拉等大型購物點就係附近。
[京都] 機票＋京都三條三井花園酒店 ★★★★｜連稅$4,174起
酒店環境寧靜，設計上以和洋式為藍本，並提供大浴場，從浴場更可以看到園景。酒店距離地鐵「烏丸站」只有1分鐘步程，相當方便。
[京都] 機票＋京都三條格拉斯麗酒店 ★★★★｜連稅$4,180起
酒店於2017年5月進行擴充，新增設南館，環境新淨整潔！位置方面亦都唔錯，位於三個鐵路站之間，僅7分鐘內步程可達、而步行5分鐘可達錦市場 / 新京極商店街、步行12分鐘可達祇園！
以上只係小編精選嘅酒店，大家可自選鍾意嘅住宿。如要入住京都 / 奈良嘅酒店，直接於「目的地」輸入想住嘅區域就可以了。
預訂時，係先揀酒店、再選機票。於揀機票一頁，左邊「包括的航空公司」剔選「全日本空輸」，就可更快搵出呢隻套票！
以上價格係2人同行每位計，票價已經包埋46kg 行李寄艙、美味飛機餐！不過1人獨遊都得，只係價格會貴少少！
提提大家，搜尋時，目的地要填「大阪 (和附近地區), 日本」/「京都, 日本」，咁先會搵到市中心嘅酒店。如果你填咗「大阪, 日本 (OSA-所有機場)」，就只會搵到機場附近嘅酒店！
預訂資訊：
出發日期：2019年12月1日-12月19日 (部分日子不適用)
寄艙行李限額：2件23kg
機票有效期：2-10日
預訂日期：即日-2019年11月8日
預訂網址：http://www.expedia.com.hk (以網頁版預訂為佳)
