二千蚊去到日本玩5日4夜？無錯！沖繩套票平到跳水，來回機票＋酒店：5日4夜 $2,012起、7日6夜 $2,139起！
明年初都有呢口抵價，啱晒1月至3月嘅觀鯨季出海睇座頭鯨，仲有機會睇埋1月底綻開嘅山櫻花添！
以上價格係2人同行每位連稅計，最平機位及入住最平酒店為例。航班時間係早機去、午機返，大家亦可加錢揀其他時間嘅航班。
香港快運航空．沖繩「機票＋酒店」推介：
乘搭香港快運航空 (HK Express)，5日4夜以2023年2月6日去，2月10日返為例；7日6夜以2月6日去，2月12日返為例。2人同行每位連稅計。
機票＋那霸西式旅館 ★★★｜5日4夜 $2,451起、7日6夜 $2,828起
鄰近單軌列車「旭橋站」，行15分鐘可達國際通。酒店對面有間便利店，附近係當地著名扒房「Jack’s steak house」！
機票＋沖繩西町海岸別墅旅館 ★★★★｜5日4夜 $2,489起、7日6夜 $2,877起
公寓式別墅，有廚房、洗衣機等設施，樓下有間便利店！旅館距單軌車站略遠，約為20分鐘步程。但有提供免費泊車位，適合自駕遊旅客！
機票＋沖繩那霸微笑酒店 ★★★｜5日4夜 $2,515起、7日6夜 $2,960起
酒店位置方便，距離單軌列車「美榮橋站」約8至10分鐘步程，而OTS租車公司就係旁邊。附近有 Lawson 便利店及24小時營業食店。
機票＋沖繩南海灘酒店及渡假村 ★★★★｜5日4夜 $2,667起、7日6夜 $3,206起
位於南部嘅海邊酒店，較遠離市中心，適合自駕遊旅客。酒店同時設有室內及室外泳池、而行去海灘都只係5分鐘步程。部分房間更有望海露台，景觀開揚，環境清幽怡人。
機票＋那霸日航都市酒店 ★★★★｜5日4夜 $2,829起、7日6夜 $3,411起
位於那霸中心位置，近國際通，樓下就有便利店，周圍有唔少食店，買嘢食嘢都方便。
機票＋沖繩北谷柔婕閣酒店 ★★★｜5日4夜 $3,210起、7日6夜 $4,377起
鄰近購物熱點美國村，也有酒店接駁車來往 sunset 海灘，Shopping 或玩水都方便。酒店充滿悠閒度假風，房型極多，包括雙人房、家庭房、和室客房，甚至宿舍房床位也有。酒店內更特設潛水用具店，可參與浮潛或潛水體驗！
機票＋沖繩麗嘉皇家大酒店 ★★★★｜5日4夜 $3,583起、7日6夜 $4,675起
於那霸市中心而又擁有海景嘅大型酒店，樓下有便利商店，附近亦有食店，行去國際通只需約10分鐘。距離旭橋單軌車站僅2分鐘步程，另外大樓下有巴士站，可以到達恩納、名護、水族館等景點。
除以上推介，大家可於 Expedia 任選酒店，住度假酒店、民宿或日式旅館都冇問題，只要於左邊「篩選條件」揀選地點就得。
大家亦可於行程中入住多間不同酒店，搜尋時揀選「我只有部分日期需要住宿」，就可只訂部分日數嘅住宿。然後訂完套票再另外訂埋餘下日數。
提提大家，以上價格係不包寄艙行李額嘅優惠價格。大家亦可於揀機票時，加錢揀返標明包行李嘅票價。
【旅行日期】2022年10月24日-2023年10月28日
【預訂網址】expedia.com.hk
