Big Fun Trip 旅遊情報

暑假筍玩獅城！國泰繼續有旺季平飛！香港來回新加坡$1,422起 (連稅$1,876起)！連稅千8咋，旺季仲要係搭國泰有呢口價，正喎！ 8月底前出發都有優惠，票價包咗飛機餐、30kg寄艙行李額！咁多位放，掃多啲斑蘭蛋糕、鹹蛋魚皮返嚟慢慢食都得！ 不過航班時間就麻麻，係夜去早返。大家都可以加錢改其他時間嘅班次，又或者玩多幾日補返數！呢隻機票最耐可停留7日，夠時間過過馬來西亞玩埋新山添！ 提提大家：優惠唔係每日都有，想易啲搵到平機票的話，可以先上國泰官網睇前後日子票價，再上 Hutchgo 訂飛就最抵！ 預訂資訊： 出發日期：2018年6月25日-8月31日 寄艙行李限額：30kg 機票有效期：2-7日 預訂日期：即日-2018年6月29日 預訂網址：https://www.hutchgo.com.hk

泰航呢隻布吉套票非常抵玩，機票連酒店 hea 4日連稅2千3起咋！快啲 Tag 埋班朋友仔，一齊去布吉飲住椰青喺海邊 un un 腳度假啦！ 2人同行出發，泰航．香港來回布吉機票 (包30kg寄艙行李額、飛機餐)＋酒店連稅：4日3夜$2,390起、5日4夜$2,404起、6日5夜$2,422起！ 價格係以最平住宿為例嘅，想住得舒服啲都唔係貴好多咋！4日3夜「機票＋4星或以上酒店」連稅每位$2,560起咋！加上當地物價低，平平哋都可以盡情享受！ 泰航．布吉4日3夜精選套票： (以10月28日-10月31日為例，2人同行每位計) 機票＋艾姆巴東酒店 ★★★｜連稅$2,583起 鄰近夜市，只需步行約2分鐘就可食盡各式海鮮及美食！距離芭東海灘約10分鐘步程。附近亦有購物商場，行街食野都好方便！ 機票＋宜必思布吉芭東酒店 ★★★｜連稅$2,670起 步行約6分鐘可達芭東海灘！部分酒店房間設大露台，可欣賞泳池景！酒店旁有7-11，亦可步行至夜市！ 機票＋布吉卡馬拉海灘諾富特酒店 ★★★★｜連稅$2,909起 較遠離市區，搭15分鐘車可以去到巴東海灘，遠少少但環境寧靜優美！酒店附有私人海灘，一落樓就可以曬太陽、游水！另亦有天台酒吧，可以望住個海飲返兩杯！ 機票＋布吉復古公園諾富特酒店 ★★★★｜連稅3,260起 酒店位處休閒娛樂區，距離芭東海灘站僅10分鐘步程，鄰近 Jungceylon 購物中心 機票＋卡他泰尼畫廊酒店 ★★★★★｜連稅$3,338起 風格獨特嘅海邊酒店，設有全海景嘅天台泳池，行去海灘只需5分鐘。距離旺區芭東海灘亦僅15分鐘車程。 機票＋美爵布吉芭東大酒店 ★★★★★｜連稅$3,539起 設施非常完備嘅5星級酒店，游泳池、健身中心當然唔少得，而且位置極佳，行5分鐘即可抵達海灘，距離邦古拉街亦只需6至7分鐘步程。 機票＋布吉阿卡狄亞奈通海灘鉑爾曼渡假酒店 ★★★★★｜連稅$3,549起 酒店依山而建，自成一角，前面就是沙灘，最啱同陽光玩遊戲！距離機場只有15分鐘車。 除以上推介，大家可以於 Expedia 揀自己鍾意嘅酒店！而行程長短都可以自訂，最耐玩到8日7夜咁耐！ 預訂時，係先揀酒店、再揀機票。去到揀機票嗰版，去左邊「包括的航空公司」剔選「泰國國際航空」，可以更快搵到呢隻套票！ 泰航嘅航班時間都唔錯，係午去午返。除咗旺季及部分日子不適用外，12月中前出發都有得平！大把日子任揀！ 航班時間： TG609 10:25-12:55 TG608 15:40-20:05 預訂資訊： 出發日期：即日-2018年7月12日、8月30日-9月24日、10月4日-12月18日 寄艙行李限額：30kg 機票有效期：2-7日 預訂日期：即日-2018年6月30日 預訂網址：https://www.expedia.com.hk (以網頁版預訂為佳)

又嚟到 Expedia 酒店優惠嘅日子啦！全球酒店房價低至4折，抵價限時72小時！無論去日韓台泰，定衝出亞洲都有平！ 想再平啲的話，可以先於 Expedia 免費成為會員，登入後預訂即享隱藏優惠價！仲抵過就咁訂！而且會員可以儲分、換現金劵，有機會 upgrade 房間、免費延遲 check-out 等！儲夠會員積分之後，最低可用$0入住心宜酒店添！ 熱門旅遊點．精選酒店優惠： (以下價錢為2人入住雙人房每晚計。會員價為登入後，見到有黃色標示即係隱藏優惠價。) 旅樂序二館 ★★★｜會員價：連稅$493起 (以7月24-25日為例) (預訂) 具設計感嘅精品酒店，毗鄰台北車站。附近有便利店、百貨公司、各類食肆，也接近228和平紀念公園。如步行往捷運台大醫院站亦只需7分鐘。 碧根行館 ★★★★｜連稅$557起 (以7月18-19日為例) (預訂) 位於市中心，非常熱鬧。一落樓就有眾多食肆、3分鐘步程即達逢甲夜市！酒店以暖色為主調，除一般房間，更設有面積更大嘅套房！ 東京西葛西格蘭德酒店 - 貝斯特韋斯特普拉斯酒店 ★★★｜會員價：連稅$603起 (以10月9-10日為例) (預訂) 2017年4月新開業店，距離地鐵「西葛西站」只有3分鐘步程，附近有便利店、超級市場！酒店更特設 Shuttle bus 前往東京迪士尼樂園！ 大阪維泰克斯酒店 ★★★｜連稅$756起...

年尾飛英國啦喂！維珍航空推出優惠，香港來回倫敦$3,335起 (連稅$4,943起)！仲要係搭直航＋787 夢幻客機，連稅5千有找認真抵！ 今年10月至明年3月出發都有平，當中更加包括聖誕、跨年旺季！直飛英倫過節，喺泰晤士河畔慶祝真係充滿氣氛！ 票價包咗23kg寄艙行李額、飛機餐！航班時間以 Long haul 嚟講都幾好，來回兩程都係夜晚上機，去程係清晨到達可以即刻去玩！ 提提大家，唔係每日去都有平飛。大家可以去維珍官網，搜尋時於「顯示航班」揀選「5 週內」睇多日票價，然後再上 Expedia 訂最平日子嘅機票就最抵！ 航班時間 去程：VS207 23:55-04:55+1 回程：VS206 21:00-16:50+1 預訂資訊： 出發日期：2018年10月6日-12月2日、12月24日-12月30日、2019年1月14日-1月26日、2月24日-3月29日 寄艙行李限額：23kg 機票有效期：2-30日 預訂日期：即日-2018年6月30日 預訂網址：http://www.expedia.com.hk

快閃台北！港航依家做緊 Mega Sale，如果上 ZUJI「機票＋酒店」一齊訂，更加抵！ 2人同行出發，香港航空．香港來回台北機票＋酒店 (以最平住宿為例) 每位連稅：3日2夜$1,197起、5日4夜$1,334起！年尾跨年去都有平，以12月31日去、1月4日返為例，6日5夜連稅$1,671起！正！ 台北3日2夜套票推介： (以9月2日去，9月4日返為例) 機票＋西門101-s精緻旅店 ★★★★｜連稅$1,352起 位處極為方便嘅西門町購物商圈，距離捷運西門站僅5至6分鐘步程。房間不大，但勝在夠平而又企理。 機票＋創意西門旅店 ★★★｜連稅$1,378起 位於西門町購物商圈嘅平價旅店！距離捷運「西門站」約8至10分鐘步程。房間不大，但勝在夠平夠方便。 機票＋艾特文旅 ★★★★｜連稅$1,500起 位於西門町嘅酒店，去邊都咁方便，裝修走簡約路線，有點點文青味！ 機票＋HOTEL PAPA WHALE ★★★★｜連稅$1,508起 2016年開幕嘅酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千五蚊全包真係抵到喊！ 機票＋丰居旅店 ★★★｜連稅$1,613起 酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！ 除以上推介，大家可以揀自己鍾意嘅酒店！想玩多幾個地方、住唔同酒店都得，搜尋時剔選「我想搜尋其他酒店入住日期」，就可以設定套票包邊幾晚酒店，其餘日數再另外加訂其他酒店。 票價已包20kg寄艙行李額、飛機餐，以上價錢係晚去早返，加$50可以轉早機去，下午或晚機返！如要改航班，按「更改航班」就可以改時間了。 預訂資訊： 出發日期： 2018年8月21-31日、9月1-18日、10月4-31日、11月1-30日、12月1-18,30,31日、1月2-19日 2018年8月23,24,27-31日、9月3-20日、10月11-13,15,16,18-31日、11月1-30日、12月1-23日、1月5-25日 寄艙行李限額：20kg 預訂日期：即日-2018年6月30日 預訂網址：https://www.zuji.com.hk (以網頁版預訂為佳) 提提你：預訂時，目的地填「台北 (及鄰近地區)」。

搶咗 Mega Sale 日本機票，想快手訂埋平酒店？可以留意樂天旅遊嘅 Super Sale 呀！6月24日前預訂，日本各地酒店低至2折起！ 北海道、東京、大阪、京都、沖繩、九州等多地酒店都有激減，日式旅館、豪華酒店都有！無論去邊度玩都有平酒店，遊日唔好錯過啦！ 精選酒店推介： (2人入住雙人房，每晚房價計) 品川王子大飯店 ★★★★｜連稅$877起 (以9月9-10日為例) 位於品川站對面，交通便利，更可於成田機場搭NEX或利木津巴士直達酒店！ 大阪東急REI飯店 ★★★★｜連稅$511起 (以12月2-3日為例) 位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及地鐵「梅田站」地下街，非常方便！客房唔大，最細果間只有13平方米，但喺梅田有呢啲價位，真係抵！ 京都四條烏丸相鐵草莓客棧 ★★★★｜連稅$603起 (以6月24-25日為例) 於2017年4月開業嘅新酒店，鄰近四條通及鳥丸通的十字路口，轉個灣就係「地鐵．烏丸駅」。所有客房都係禁煙，房內更設有究氣清新機及加濕氣。雙人房最細有16平方米，最大有32平方米。 札幌世紀皇家酒店 ★★★★｜ 連稅$721起 (以9月30日-10月1日為例) 位置極佳，酒店與 JR 「札幌站」相連，於地下街行3分鐘即達！酒店1樓有便利店，非常方便！ 富著卡福度假公寓大飯店 ★★★★★｜連稅$1,406起 (以12月2-3日為例) 位於恩納區，臨海而建，無敵海景，可直達海灘！設施夠完善，鄰近高爾夫球，完全度假mode。 御宿．由布乃庄 ★★★★｜一泊兩食．連稅$2,546起 (以9月9-10日為例) 所有客房均為鋪設有榻榻米地板及日式床鋪的日式房型，部分客房內部更設有私人露天浴池。部分住宿套餐包含頂級牛肉、碳烤雞肉晚餐。 除咗以上推介，仲有其他優惠酒店。 預訂資訊： 入住日期：即日起 預訂日期：即日-2018年6月24日10:59PM (香港時間) 預訂網址：  https://travel.rakuten.com.hk/hotel  https://travel.rakuten.com.tw/hotel 提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。

香港航空推出商務艙 Mega Sale，日韓台等熱門地點都有靚價！ 乘搭港航商務艙，香港來回台北$1,979起 (連稅$2,474起)、曼谷$2,008起 (連稅2,570起)、沖繩$2,205起 (連稅$2,644起)、首爾$2,501起 (連稅$3,079起)、大阪$3,072起 (連稅$3,676起)！ 價格已包30kg行李寄艙額、飛機餐！畀多少少錢就可以坐到更高質素嘅商務艙，確係抵玩！上機前有得優先 Check in 及登機，仲可以歎港航嘅機場貴賓 Longue 添！ 出發日期就去到2019年3月，部分日子不適用，但係台北、首爾、大阪跨年都有得平。想易啲搵到平飛，可以先喺官網用「查看7天票價」功能搜尋，然後再上 Skyscanner 以更抵價出飛。 留意番，用 Skyscanner 搜尋後，所顯示嘅並唔係真正嘅價，大家要經 Skyscanner click 入去 via.com，先至會見到以上最低價，因為入到去之後，會額外再減多$60！ 預訂資訊： 出發日期： 2018年9月1日-2019年3月31日 (旺季日子不適用)  2018年9月1日-10月27日 (旺季日子不適用) 2018年9月1日-2019年1月22日 (旺季日子不適用) 寄艙行李限額：30kg 機票有效期：14日 預訂日期：即日-2018年6月30日 (售完即止) 預訂網址：https://www.skyscanner.com.hk

HK Express 新一輪 Mega Sale！第一擊首先推出8個航點，單程$98起！ 香港單程飛台中單程$98、東南亞$118起、首爾$178、東京 / 大阪 / 福岡$238。 來回票價：台中$196 (連稅$591)、峴港$236 (連稅$669)、暹粒$356 (連稅$862)、首爾$356 (連稅$813)、福岡$476 (連稅$806)、東京羽田$476 (連稅$929)、東京成田$476 (連稅$931)、大阪$476 (連稅$966) 旅遊日期係6月26日至2019年5月25日！ 留意，票價並不包括寄艙行李額、機上餐飲。 寄艙行李收費： 台中 / 清邁 / 寧波 / 芽莊 / 峴港 (每程計) 20kg $199、25kg $320、30kg $329 東京 / 廣島 /...

Hotels.com 推出日本酒店低至7折優惠，用埋優惠代碼「ADMHOT」，額外再有多93折，更加抵！優惠限時5日，香港版同台灣版同樣都有優惠。 精選優惠酒店： (使用7%優惠代碼後，2人入住雙人房每晚計)  赤坂蒙特利酒店 ★★★★｜$588起 (以6月24-25日為例) (預訂) 位於地鈕「赤坂見附站」(丸之內線)，從A出口到酒店僅350米。到新宿、銀座、池袋唔駛轉線，非常方便。 京阪淀屋橋酒店 ★★★｜$379起 (以6月25-26日為例) (預訂) 2017年7月開幕，鄰近「北濱站」，行2分鐘即達！酒店設210間客房，以雙人房為主，有提供房內按摩服務、自助洗衣機等設施，切合各旅客所需。 札幌蒙特利酒店 ★★★★｜$636起 (以6月24-25日為例) (預訂) 房間夠大，走歐式設計好舒適。由酒店行去JR「札幌站」、大丸百貨及購物商場等只需5分鐘。去鐘樓、舊市政廳、大通公園等亦只需10分鐘。 名古屋榮誠信酒店 ★★★｜$398起 (以4月23-24日為例) (預訂) 酒店位置優越！行去榮地鐵站2號出口只需30秒！對面就係激安殿堂，樓下有 Family Mart & Tully Cafe，過兩條街又有24小時食肆。 博多東急REI飯店 ★★★｜$586起 (以7月8-9日為例) (預訂) 位置一流！距離新幹綫車站及博多車站僅3至5分鐘步程！客房設計精緻舒適！另外，酒店提供洗衣機，住客可以免費使用。 除咗以上介紹，仲有其他優惠酒店。 預訂資訊： 入住日期：即日-2018年8月17日 預訂日期：即日-2018年6月22日 7%優惠代碼：ADMHOT 預訂網址  https://zh.hotels.com  https://zh.hotels.com

日本最新的民泊法已正式執行。日後想租民宿就唔容易了！尤其係京都地區，民宿只限1月中至3月中期間經營，其他日子不能營業。東京亦都係重災區，新宿及中野嘅民宿只可以喺星期六、日租出，星期一至五嚴禁租出。澀谷區則只可以喺寒假、暑假經營，其他日子不能出租。反而大阪就影響唔算大，只是禁止喺道路不足4米寬嘅區域經營民宿。 由於好多民宿不可以再出租，Airbnb 已將八成嘅日本房源下架。如果之前已訂好住宿，喺6月15日後或會被取消，若經 Airbnb 預訂，旅客可獲得賠償。 第時無得租 Airbnb 嘅話，仲可以經咩途徑預訂住宿呢？大家可以去以下日本五大住宿網： STAY JAPAN - 全日本唯一所有房源都合法嘅民宿預約平台，每一處民宿皆經過政府許可而取得正式授權，具備絕對嚴格的合法性。 網址：https://stayjapan.com JAPANiCAN - 日本最大旅行社 JTB 集團旗下嘅預訂網站，不但可以比其他訂房網站早一步訂到日本熱門旅店，同時會有一啲比較具特色嘅日式旅館可供選擇。 網址：https://www.japanican.com/hk Relux - 嚴選高滿意度日本高級旅館 / 酒店嘅線上訂房網站。專設審查委員會走訪日本全國住宿設施，從中嚴格挑選最高質素嘅旅館 / 酒店。 網址：https://rlx.jp 日本樂天旅遊 - 日本其中一個最受歡迎的旅遊網站。樂天旅遊提供超過18000家的日本飯店和旅館，讓您有更多的選擇。 網址：https://travel.rakuten.com.hk Jalan - 日本著名酒店或旅館預訂網，可找到不少特式旅館。 網站：https://www.jalan.net

超抵遊韓！打算去首爾賞楓、滑雪嘅粉絲們，可以睇睇港航呢隻爆平套票！於 ZUJI 訂「機票＋酒店」，玩4日連稅千6蚊起咋！ 香港航空．香港來回首爾機票 (包20kg寄艙行李額、飛機餐)＋酒店連稅：4日3夜$1,609起、5日4夜$1,682起、6日5夜$1,743起！ 價格係以最平住宿為例嘅，大家可以自訂行程長短，最耐玩到8日7夜！今年9月去到明年3月出發都有平，秋冬 / 初春遊韓都啱用！ 港航．首爾4日3夜精選套票： (價格以2人同行每位計) 機票＋東大門高級 K 旅館 ★★★｜連稅$1,940起 (以10月29日去、11月1日返為例) 位置優越，喺「東大門歷史文化公園站」5號出口一過馬路就到，行去東大門亦只需5分鐘，附近有唔少餐廳、小店。 機票＋K-POP 忠武路住宿酒店 ★★★｜連稅$1,988起 (以10月29日去、11月1日返為例) 位置唔錯，距離地鐵「乙支路3街站」、「忠武路站」只有5分鐘步程，行去明洞購物區亦只需10分鐘。 機票＋D7 套房飯店 ★★★｜連稅$2,293起 (以10月29日去、11月1日返為例) 酒店位置方便，距離地鐵「東廟前站」 (1號線、6號線) 四號出口僅2分鐘步程，行10分鐘就到東大門購物區。同時，酒店附近多食店、便利店。 機票＋明洞 PJ 飯店 ★★★★｜連稅$2,473起 (以11月11日去、11月14日返為例) 酒店位於明洞區，喺地鐵「乙支路4街站」同「忠武路站」之間，附近多食肆、便利店。酒店房間夠大，提供免費接駁車來往明洞購物區同東大門。 機票＋新村愛威爾 8 服務公寓飯店...

正呀！2千蚊可以飛東京玩4日3夜！依家港航做緊 Mega Sale ，只要上 ZUJI 以套票形式預訂「機票＋酒店」，就可以用超抵價筍玩東京！ 9月至明年3月底出發，香港航空．香港來回東京機票＋酒店 (以最平住宿為例) 連稅：4日3夜$2,074起、5日4夜$2,115起、6日5夜$2,221起！ 價格已經包咗20kg寄艙行李額、飛機餐！咁計落抵過搭廉航喎！而航班時間就有凌晨機去、午機返，時間都唔太差！ 港航．東京4日3夜「機票＋酒店」推介： (價格為2人同行每位計) 機票＋東新宿燦路都大飯店 ★★★｜連稅$2,665起 (以9月9日去、9月12日返為例) 酒店位於東新宿，位置極方便，對面就係東新宿地鐵站，行10分鐘可到伊勢丹百貨、歌舞伎町。 機票＋赤坂頂級住宿飯店 ★★★｜連稅$2,660起 (以9月9日去、9月12日返為例) 酒店於2016年7月開業，距離千代田線嘅赤坂站只有3分鐘步程，鄰近六本木，前往東京塔亦只需25分鐘車程。樓下就有7-11。 機票＋池袋百夫長飯店 ★★★｜連稅$2,762起 (以9月9日去、9月12日返為例) 位置優越！酒店座落池袋，樓下就係便利店，落街行兩步就可以 Shopping！行3分鐘即到 JR「池袋站」，去邊都非常方便！ 機票＋東京淺草紅色星球飯店 ★★★｜連稅$2,844起 (以9月9日去、9月12日返為例) 2015年落成，距離淺草 ROX 購物中心、三社祭和淺草神社不到 10 分鐘路程，房間內有晴空塔靚景！ 機票＋赤坂蒙特利飯店 ★★★★｜連稅$2,880起 (以9月9日去、9月12日返為例) 位於赤坂見附站...

超級抵呀！連稅千8蚊就有齊大阪「機票＋3晚酒店」，仲要包埋寄艙行李額！大家咪錯過呢隻港航 Mega Sale 套票，上 ZUJI 訂就可以咁平啦！ 香港航空．香港來回大阪機票＋酒店 (以最平住宿為例) 連稅：4日3夜$1,805起、5日4夜$1,883起、6日5夜$1,961起！就算玩6日咁耐，連稅2千蚊都唔駛！ 票價包埋20kg行李寄艙、飛機餐！大家可以自訂行程長短添，最耐可以玩8日7夜！入住京都嘅酒店同樣抵玩，只要搜尋時於目的地位置輸入想住嘅地區就可以了！ 港航．大阪 / 京都4日3夜「機票＋3/4星酒店」推介： (以9月9日去、9月12日返，2人同行每位計) 機票＋麗嘉中之島飯店 ★★★｜連稅$2,210起 酒店位於梅田，行去地鐵「肥後橋站」一分鐘都唔駛，同時近京阪缐，出入非常方便。酒店大堂有便利店，對面有 Starbucks 及24小時營業嘅食店。 機票＋大阪心齋橋西佳飯店 ★★★★｜連稅$2,414起 酒店位於難波，行去心齋橋只需10分鐘，距離地鐵「長堀橋站」只有1分鐘路程，非常方便。另外，一出門口就有便利店。 機票＋大阪難波奏飯店 ★★★★｜連稅$2,529起 位於地鐵「難波站」出口旁嘅精品酒店，分別離南海電鐵站和JR站不遠，由關西機場坐巴士到OCAT後，只要步行5分鐘就可以到達！ 機票＋拉亨特大阪灣酒店 ★★★｜連稅$2,785起 2016年12月20日開幕，距離日本環球影城 (Universal City) 約10分鐘步程，行去JR「櫻島站」約4分鐘，價錢比環球影城內嘅酒店平。客房以花園、叢林、宇宙為主題，色彩繽紛。 機票＋大阪蒙特利飯店...

Jetstar 劈價！香港飛越南單程$88起、新加坡$198起、日本$318起！見侵侵同金仔喺新加坡傾計傾得咁開心，小編都想去趁今次抵價獅城玩幾日！ 來回連稅：峴港$604起、河內$643起、新加坡$850起、東京$1,000起！最平連稅6舊水咋，越南嘅價格仲平過上次優惠添！ 而出發日期就集中於9月至10月份嘅指定日子，新加坡就有明年1月嘅早鳥飛！無論去越南歎 Pho 食法菜、去新加坡執金仔腳毛，定潮遊東京都相當抵玩！ 留意，以上票價不包寄艙行李額及機上餐飲。不過廉航嚟講，Jetstar 嘅行李收費都抵： 每程15kg $125、20kg $158、25kg $210、$30kg $265、35kg $325、40kg $390 每程15kg $120、20kg $130、25kg $190、30kg $250、35kg $310、40kg $360 每程15kg $165、20kg $190、25kg $220、30kg $255、35kg...

東京平飛！香草航空閃劈！香港飛東京 (成田) 單程$288起、來回連稅$1,040起！今日 (6月15日) 下午2點開賣，有興趣就記得準時搶飛！ 出發日期就係8月底至10月底，秋季天氣涼爽，幾舒服㗎！想率先睇紅葉的話，可以於10月份去日光賞楓添！有滿山紅葉映襯華嚴瀑布，景色非常壯麗！ 而想去 Shopping 嘅粉絲留意返：香草票價只有10kg嘅手提行李額，並不包括免費行李。行李寄艙費用為：每程首20kg $305，其後每5kg $79！ 此外，香草推出咗會員儲分計劃，訂飛時每消費$7 就有 1分！儲滿100分就可以當$10用！9月底前成為會員，更可享100分迎新獎賞！新會員首次預訂，該航班可獲雙倍積分！連行李寄艙、指定座位等費用都可以儲分！ 預訂資訊： 出發日期：2018年8月28日-10月27日 (部分日子不適用) 預訂日期：2018年6月15日2:00PM - 6月18日10:30PM (香港時間) 預訂網址：https://www.vanilla-air.com/hk/ 提提大家：於香草航空訂飛時，可以唔駛填 Passport Number。

鍾意搭國泰嘅粉絲留意啦，呢隻曼谷優惠抵玩！香港來回曼谷$1,494起 (連稅$1,947起)！連稅2千有找搭國泰，筍！ 今次最正係有多個航班時間任揀，來回兩程都有早 / 午 / 晚機！想玩到盡可以揀早去晚返，甚至去程夜機收工即走又得！唔想咁趕揀午去午返都得！ 票價包埋30kg寄艙行李額、飛機餐！而出發日期去到年尾，秋冬去 Shopping 歎 SPA、過芭堤雅 / 華欣曬下太陽就最正！ 預訂資訊： 出發日期：2018年6月17日-6月28日、7月1日-7月5日、8月28日-9月20日、9月24日-9月27日、9月30日-12月19日、12月30日-12月31日 寄艙行李限額：30kg 機票有效期：7日 預訂日期：即日起 預訂網址：https://www.hutchgo.com.hk

長榮航空推出美國優惠！10月底前出發，香港來回三藩市 / 洛杉磯$2,961起！連稅3千8起！長榮仲係 Skytrax 5星航空嚟，服務幾好添！ 連稅計：三藩市$3,846起、洛杉磯$3,848起！航班係經台北轉機嘅，但勝在轉機時間短，可以落機抖抖氣之餘、又唔駛有排等！ 而台北往返洛杉磯嘅航班，更加係用「Sanrio Family 牽手機」執飛！有 Hello Kitty、My Melody、Little Twins Star、布甸狗等眾多 Sanrio 人物陪大家飛！ 票價仲包埋2件23kg寄艙行李額、飛機餐！選搭 Sanrio 主題機的話，就連飛機餐都有 Kitty 個樣，Cute 爆！ 10月底前出發都有平價，但留意暑假及部分日子不適用。大家可以上長榮官網，揀「彈性旅遊日期」睇咩日子最抵！然後再上 Travelliker / Skyscanner 訂就更平！ 預訂資訊： 出發日期：即日-2018年7月5日、2018年8月20日-10月31日 寄艙行李限額：2件23kg 機票有效期：1個月 預訂日期：即日-2018年8月31日 預訂網址： https://www.travelliker.com.hk ...

準備今個周末去 ITE 「香港國際旅遊展」嘅粉絲們，有搶購目標未？今次小編為大家率先披露中旅社嘅套票優惠，世界各地嘅「機票＋酒店」套票都有會場限定優惠價，包括暑假出發嘅添！例如台灣金門嘅4日3夜套票，低至$998起！飛遠啲就連澳洲各地、甚至去加拿大睇極光都有抵玩套票！更正嘅係，好多優惠套票都可以暑假出發！真係要即搶！ 另外，訂咗日本機票、酒店嘅粉絲們，係咪萬事俱備、只欠車飛？旅遊展嘅中旅社展攤有埋平價 JR PASS 添！其中 JR 西日本 / 關西地區嘅火車證更加係現票出售，慳返排隊換飛嘅時間！2人同行購買，仲送「新假期旅遊攻略書」一本 (3選1：京阪神 / 東京 / 北海道)！ JR Pass 優惠 ： 全國線 JR PASS：7日券$2,130起 富士山、靜岡地區 JR PASS：3日券$330起 ...

旅遊展咁多平嘢，就算攞唔到假，近近哋去澳門或者北上玩兩日都抵啦！小編為大家搜羅咗一批中旅社抵價套票，無論就咁買船飛 / 車飛、抑或訂套票都得！而且暑假都啱用，趁小朋友放假一家大細快閃玩兩日就最正！就算係暑假出發都得！ 限時熱賣套票： TurboJET 香港來回澳門船飛｜ITE 限時熱賣價$160起 (限量30套) 出發日期：2018年6月19日-6月29日、7月3日-8月31日 預訂日期：2018年6月16日11:00AM-12:00PM、6月17日4:00PM-5:00PM 香港來回廣州直通火車票 (指定班次)＋1日上網卡｜ITE 限時熱賣價$298起 (限量25套) 出發日期：即日起 預訂日期：2018年6月17日12:00PM-1:00PM 1晚「澳門羅斯福酒店」馬場景觀客房住宿＋TurboJET 香港來回澳門船飛＋餐券｜ITE 限時熱賣價$399起 (限量30套) 出發日期：2018年6月20日-9月28日 (部分日子不適用) 預訂日期：2018年6月17日2:00PM-3:00PM 優惠暑假套票： 1晚「惠州凱賓斯基酒店」高級豪華客房住宿＋自助早、晚餐＋周末使用親子兒童俱樂部｜ITE 優惠價$439起 出發日期 (可暑假出發)：即日-2018年8月31日 1晚「澳門金麗華酒店」住宿＋TurboJET 香港來回澳門船飛｜ITE優惠價$599起 (限量40套) 出發日期 (可暑假出發)：2018年6月19日-7月30日 (部分日子不適用) 「勵宮酒店」巴黎餐廳自助晚餐＋TurboJET香港來回澳門船飛＋4G上網卡｜ITE 優惠價$599起...

港航推出端午節 Mega Sale！全線航點都有減，長短途都勁平！連稅1千頭就可以飛到台灣、東南亞，甚至日本同韓國！價格非常吸引！ 來回票價：胡志明市$520起 (連稅$948起)、台北$660起 (連稅$1,050起)、沖繩$720起 (連稅$1,050起)、河內$690起 (連稅$1,158起)、曼谷$850起 (連稅$1,305起)、首爾$950起 (連稅$1,410起)、宮崎$1,030起 (連稅$1,285起)、米子 / 岡山$1,200起 (連稅$1,455起)、大阪$1,100起 (連稅$1,572起)、鹿兒島$1,330起 (連稅$1,585起)、東京$1,250起 (連稅$1,691起)、奧克蘭$2,300起 (連稅$2,991起)、札幌$2,640起 (連稅$2,969起)！ 價格已包寄艙行李額 (按航點而定) 及機上餐點！優惠已經開賣啦，平飛大多集中年尾，大家可以睇睇 Plan 定秋冬假期！ 預訂資訊： 出發日期： 2018年7月13日-8月31日 2018年9月1日-9月27日、10月2日-12月19日 ...