Big Fun Trip 旅遊情報

正呀！香港航空推出台北8月尾至10月嘅早鳥優惠！ 香港來回台北只需$560 (連稅$898)！ 出發日子由8月尾去到10月尾，部份日子仲可以午去晚返添！而且星期五、六、日出發都有平，最啱嚟個周末台北悠閒之旅！ 港航已包20kg寄艙行李及飛機餐！ 今次優惠去程只限午機，加$200可以改坐早機HX252 09:10-11:15。 預訂資訊： 出發日期：2017年8月28日-9月28日、10月11日-10月25日 (必須於11月1日前完成旅程) 停留期限：2-7日 預訂日期：即日起 訂飛網址：http://www.hongkongairlines.com 留意： 大家揀完機票後，港航個預訂系統會自動幫你揀高一級價錢嘅「自在飛」票類，如果無需要「自在飛」所包嘅附加項目，記得揀番「優惠經濟客艙」嘅類別，唔好買錯。 港航個預訂系統自行加咗旅遊保險費用落個大數度，如想自行安排旅保 (旅遊保險格價)，填寫完個人資料後可剔走有關費用。

嘩！曼谷航空條蘇梅島航線再劈價！ 香港直航來回蘇梅島只需$2,560起 (連稅$3,000起)！比上一輪優惠再平多三百七！ 出發日期去到6月30日。 蘇梅島淨係得曼谷航空同國泰有直航，啲價位一向企得好硬，呢口價好抵玩！比唯一競爭對手國泰平咗千四蚊！ 如想公眾假期前後出發，橫跨端午節都有呢口價： 5月27日去，6月1日返 (請3日假玩6日)，來回只需$2,560起 (連稅$3,000起)！ 至於其他紅日或跨紅日就無得平了。 航班方面，去程坐PG806 16:15-18:35，回程坐PG805 10:55-15:15。 預訂網址： 出發日期：2017年3月1日-6月30日 (紅日旺季除外) 預訂日期：即日-2017年3月31日 停留期限：7日 寄艙行李限額：20kg 預訂網址：http://www.hutchgo.com.hk

國泰出咗三藩市Last Minute 優惠！聯合航空都出咗隻Last Minute 優惠反擊！ 乘搭聯合航空，香港直航來回三藩市只需$3,526 (連稅$4,344)！平過國泰同期隻優惠三百幾蚊！ 出發日期至2017年3月31日，包2件各23kg寄艙行李。 航班時間： 去程 UA862 12:20-09:10 回程 UA179 13:00-18:45+1 預訂資訊： 出發日期：即日-2017年4月8日、4月17日-7月14日、8月21日-9月26日、10月3日-12月11日 停留限期：2-30日 寄艙行李限額：2件23kg 預訂日期：即日-2017年3月31日 預訂網址：http://www.hutchgo.com.hk

香港航空放咗少量9月至10月嘅沖繩平飛出嚟！ 9月4至9月25日出發：香港來回沖繩$970起 (連稅$1,249起) 9月26至10月23日出發：香港來回沖繩$1,070起 (連稅$1,349起) 9月其實係遊沖繩嘅好月份，因為颱風比6至8月少，而且屬於夏季尾，熱得嚟無7至8月咁辛苦。不過有平飛嘅日子得好少，預訂時大家可以參考以下平飛日子分佈。 $970價位平飛分佈： 去程：9月4,5,11,12,8,19,25日 回程：9月6,7,8,9,13,14,15,16,20,21,22,27日 $1,070價位平飛分佈： 去程：9月26日、10月9,16,23日 回程：9月28,29日、10月12,13,19,20,26,27日 票價已包20kg寄艙行李及機上餐點。航班方面並無特別限制，視乎供應而定！大部分日子都可以早機去、下午機返。 預訂資訊： 出發日期：參考上述 停留期限：2-7日 寄艙行李限額：20kg 預訂日期：即日起 訂飛網址：http://www.hongkongairline.com 留意： 大家揀完機票後，港航個預訂系統會自動幫你揀高一級價錢嘅「自在飛」票類，如果無需要「自在飛」所包嘅附加項目，記得揀番「優惠經濟客艙」嘅類別，唔好買錯。 港航個預訂系統自行加咗旅遊保險費用落個大數度，如想自行安排旅保 (旅保格價)，填寫完個人資料後可剔走有關費用。

國泰/國泰港龍 fanfares 第228期！朝早 (3月7日) 8點開搶！ 來回票價： 桂林$790 (連稅$1,102)、金邊$790 (連稅$1,194)、吉隆坡$990 (連稅$1,336)、胡志明市$1,190 (連稅$1,568)、濟州$1,990 (連稅$2,355)、名古屋$2,290 (連稅$2,675)、芝加哥$3,490 (連稅$4,258)、札幌$3,690 (連稅$3,971)、巴黎$3,990 (連稅$4,712)、紐約甘迺迪$4,290 (連稅$5,058) 特選經濟客艙：羅馬$8,990 (連稅$9,601) 確實嘅出發日子及航班時間於星期二朝早8點在Fanfares 網站公佈，一般黎講7:50am 左右已經可以訂飛。每期會分開自由揀日子及指定日子Last minute 出發。估計今期出發日期為2017年5月14日至5月27日，而指定日子優惠出發日期則介乎3月9日至3月17日。 預訂資訊： 出發日期：2017年5月14日-5月27日；2017年3月9日-3月17日 (指定日子優惠) 預訂日期：2017年3月7日8am-3月14日 預訂網址： 國泰官網 http://www.cathaypacific.com/fanfares 國泰港龍官網 http://www.dragonair.com/fanfares 此外，可以直接打去國泰訂位部 2747-1888、港龍訂位部 3193-3888 購買 fanfares 機票。 提提您： ...

Hotels.com 出咗隻全新減$188優惠碼！ 經指定連結訂房，預訂金額未連稅滿$1,888，並於付款頁輸入指定優惠碼「CHAN188」，即可額外減多$188！ 呢個優惠碼不限旅遊地點，訂邊度都得！入住日期由即日至6月30日。 交易需以港幣即時結算，到付形式並不適用。另外，優惠代碼不適用於某些沒有參與是次推廣計劃嘅連鎖酒店。 預訂資訊： 入住日期：即日-2017年6月30日 預訂日期：即日-2017年3月27日 減$188優惠碼：CHAN188 (預訂金額未連稅需滿$1,888) 訂房網址：http://www.hotels.com (必須經此連結才可使用優惠碼) 提提你：唔同嘅預訂網都有唔同嘅優惠，搵到心水酒店，可先上HotelsCombined / Trivago 格下價。

濟州航空會喺聽朝9點 (3月7日9:00am) 推出會員優惠！ 香港單程飛首爾$450起，來回連稅$1,351起！ 澳門單程飛首爾MOP400起，來回連稅MOP1,261起！ 註冊成為新會員，可以即時獲得$200或MOP200嘅電子優惠券，透過手機APP 預訂來回機票，可即時全單額外再減多$200或MOP200！(下載手機APP：iOS｜Android) 用咗電子優惠券後，香港來回首爾連稅只需1,151起！澳門來回首爾連稅只需1,061起！超抵！ 現有會員亦同樣可獲$30/MOP30手機APP專用購票優惠。會員只需透過濟州航空手機APP登入並購票，於付款前揀選使用優惠券，便可即時享有額外$30/MOP30折扣。 另外，韓國國內線只需$82起！啱晒深度遊玩盡韓國！ 留意，呢次優惠為特價機票，不享有免費寄艙行李，只限帶1件10kg手提行李。 留意番濟州航空並無飛機餐提供。 香港出發．航班時間： 去程：7C2102 13:35-18:15、7C2108 01:25-06:05 回程：7C2101 09:55-12:55、7C2107 21:40-00:25+1 澳門出發．航班時間： 去程：7C2002 14:50-19:20 回程：7C2001 11:00-13:50 預訂資訊： 旅行日期：2017年5月1日-6月30日 停留期限：不限 預訂日期：2017年3月7日 (9:00am)-3月13日 (4:00pm) 網上預訂：https://www.jejuair.net

釜山航空會係聽朝10點 (3月7日10am) 推出6月出發嘅早鳥優惠 香港/澳門飛釜山單程只需$450 香港飛釜山來回連稅$1,316，澳門飛釜山來回連稅MOP1,325，價錢唔錯！ 旅行日期由6月1日至6月30日。 釜山航空已經包左20kg寄艙行李同機上餐點。 航班方面，可以凌晨機去晚機返，玩盡咁多日。 航班時間： 香港飛釜山航線： 去程：BX392 02:05-06:10 回程：BX391 21:35–00:05+1 澳門飛釜山航線： 去程：BX382 02:05-06:20 (一、二、四、五、六) 回程：BX381 21:50–00:20+1 (一、三、四、五、日) 預訂資訊： 旅行日期：2017年6月1日-6月30日 寄艙行李限額：20kg 預訂日期：2017年3月7日10am-3月13日3pm 預訂網址：https://tw.airbusan.com  

正呀！AirAsiaGo 推出咗暑假套票優惠！5日4夜「機票+酒店」只需$969起！出發日期去到8月31日。小編幫大家check 過，平飛主要集中係8月尾、7月中或之前。 香港出發： 5日4夜機票+酒店．連稅：曼谷$1,179起、清邁$1,121起、布吉$1,384起、沙巴$969起、吉隆坡$1,099起 6日5夜機票+酒店．連稅：峇里$1,759起 澳門出發： 5日4夜機票+酒店．連稅：芭堤雅$1,098起、清邁$1,325起、吉隆坡$1,063起、峇里$1,954起 以暑假旺季嚟講，價錢算抵玩！買得過！如果打算淡季出發而又唔急住要買，都可以等下一輪Big Sale。 香港出發．套票推介： 5日4夜機票+酒店： 機票＋沙吞目標酒店 ★★★｜連稅$1,357起 (以8月27日去，8月31日返為例) 酒店位於沙吞，樓下就有便利店、食店，行去Khlong Toei 地鐵站約10分鐘。客房仲設有露台，可以欣賞曼谷市景。 機票＋The Simply Room ★★★｜連稅$1,429起 (以8月27日去，8月31日返為例) 位於舊城內，近夜市及週六及週日市集。附近有不少小販、酒吧、餐廳，想宵夜都無問題 ! 機票＋巴東一室公寓 ★★★｜連稅$1,406起 (以8月27日去，8月31日返為例) 酒店式公寓，設有小廚房。位於巴東市中心，行去巴東海灘只需8分鐘，距離皇家天堂夜市、孟加拉夜街、Jungceylon 購物中心約10至15分鐘步程。 機票＋亞庇 1 婆羅洲途念酒店 ★★★｜連稅$1,080起 (以6月18日去，6月22日返為例) 酒店位於位於1 Borneo Hypermall 商場內，行街、食嘢都好就卻。酒店提供免費班車至市中心，外出都算方便。 ...

HK Express 會係今晚12點 (3月7日00:00) 推出春日優惠！ 來回票價：台中/花蓮$416 (連稅$801)、峴港$496 (連稅$893)、清邁/清萊$496 (連稅$942)、芽莊$616 (連稅$995)、布吉$656 (連稅$942)、石垣島$736 (連稅$991)、釜山/濟州$736 (連稅$1,156)、仰光$736 (連稅$1,208)、暹粒$736 (連稅$1,191)、首爾$736 (連稅$1,193)、廣島/鹿兒島/高松$976 (連稅$1,231)、福岡$976 (連稅$1,303)、名古屋$976 (連稅$1,423)、東京$976 (連稅$1,429)、大阪$976 (連稅$1,461) 呢次優惠未算吸引，只係大約六折左右，唔急嘅話就再等下！ 旅行日期由3月21日至12月31日。 如果有Ufly-Pass，依家就可以上去買。 以上價錢未包寄艙行李及機上餐點。 寄艙行李費用：20kg 每程$229、25kg 每程$360、30kg 每程$365 網上後加行李：20kg 每程$275、25kg...

樂桃5週年優惠日日推！今日再推出日本回程優惠！ 大阪/沖繩單程飛香港$174起 (連稅及手續費計沖繩$204、大阪$377)！6月30日前出發，出發日期包櫻花季，又可以搶定大阪機票飛去睇喇！限時一日！ 樂桃航空航班時間： 3月25日前： 大阪-香港：MM63 08:20-11:45；MM67 21:15-00:40+1 沖繩-香港：MM965 15:15-17:10 (一、三、六、日) 3月26日至6月30日： 大阪-香港：MM63 08:50-11:45；MM67 21:00-23:55 沖繩-香港：MM965 13:15-14:55 (一、五、六) 預訂資訊： 出發日期：2017年3月15日-4月13日、4月18日-4月27日、5月8日-6月30日 預訂日期：即日-3月6日22:59 預訂網址：http://www.flypeach.com (必需經英文/日文網站搜尋) 提提您： 如果訂飛時未有護照號碼係手，可以先打「000000」，之後可以打上樂桃航空香港 (3013 4668) 免費改返。 香港出發嘅優惠需要使用香港版搜尋，日本出發嘅優惠需要使用Global 版或日文版搜尋。 訂飛時輸入的名字唔可以有空格，例如Lok Bun，你要打Lokbun。同埋電郵 (手機) / Mobile Email /携帯メールアドレス，照打返電郵就得，唔係打手機號碼。 行李費為每程每件20kg ¥2,800...

國泰有隻台北優惠，來回連稅$1,274起！反正都係要訂酒店，如果「機票＋酒店」一齊訂，可以再抵啲添！ 台北「機票＋酒店」連稅：3日2夜$1,329起、4日3夜$1,390起、5日4夜$1,452起！ 如預訂金額滿$6,000，可以同時用埋優惠代碼「travel4fun」額外再減多減$100。 以上為二人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至2017年7月6日 (日期間斷，詳情見頁底資料)。 航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。 一人出發亦可，不過會貴啲，因為無朋友仔同你攤分房價。 留意，訂法係先揀酒店，後揀機票。大家揀完酒店後，再揀國泰嘅航班就可以了。 國泰．4日3夜「機票＋3/4星酒店」套票推介： 機票＋HOTEL PAPA WHALE ★★★★｜連稅$1,702起 2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與SOHO都會風，夠型格！房間唔大，最細嘅房約140呎，但新淨企理，連稅千七蚊全包真係抵到喊！ 機票＋艾特文旅 ★★★★｜連稅$1,741起 位於西門町嘅新酒店，去邊都咁方便，裝修走簡約路線，有點點文青味！ 機票＋台北約克設計旅店 ★★★｜連稅$1,744起 酒店位於台北中心樞紐，距離台北車站只有3分鐘腳程，誠品、戲院、台北車站通通可以步行而至，喺隔離街就有港人大愛嘅咖啡弄。設計走時尚工業風，都幾型！ 機票＋台北門精品飯店 ★★★★｜連稅$1,857起 新酒店！設計有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！最小的客房有約16平方米 (172平方尺)。 機票＋富驛時尚酒店台北南京東路館 ★★★★｜連稅$1,959起 酒店位於中山區，行去捷運南京復興站只需5分鐘，附近就係遼寧夜市，搵食無難度！步行至台北小巨蛋只需10-15分鐘！ 機票＋德立莊酒店 ★★★｜連稅$1,981起 德立莊位於西門嘅町嘅新酒店，就喺正捷運站隔離，講位置赢晒！ 機票＋新驛旅店西門捷運店 ★★★｜連稅$2,132起 呢個走design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。 機票＋台北西門町意舍 ★★★★｜連稅$2,196起 意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。 來回機票＋捷絲旅西門町館 ★★★｜連稅$2,235起 酒店位於西門町，近捷運站，去邊都咁方便！酒店設計簡約時尚、有型，住得好舒服！ 機票＋六福居公寓式精品酒店 ★★★★｜連稅$2,562起 位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！ 除咗以上介紹，大家可以自選任何酒店，亦可轉搭其他航空公司如長榮、華航、香港航空。 另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 提提您，訂嘅時候，可選擇以「價錢」從低至高排起，咁就可以方便啲搵出最平套票啦。 預訂資訊： 旅行日期：即日-3月30日、4月2日-4月11日、4月17日-4月27日、5月1日-5月25日、5月28日-7月6日 停留期限：2-7日 免費寄艙行李：30kg 預訂日期：即日-2017年4月30日 減$100優惠碼：travel4fun (預訂金額需滿$6,000，名額有限，額滿即止) 預訂網址：http://www.expedia.com.hk

東京這個星期，又冷又熱又大風，好多人都患上感冒，本人都有點作感冒，一有時間就需要休息多些。 上星期和大家分享了倒垃圾，今個星期和大家分享「日本的鐵路」。 日本是一個鐵路非常完善的國家，基本上，除了沖繩之外，只要乘搭鐵路便可以去到全國各大都市。不過，在非常完善的同時，也非常複雜，因為有相當多的鐵路公司，當中路線錯綜複雜，不用說是外國人，就連日本人好多時都不清楚怎樣搭車或轉車，而需要查詢。 日本的電車或地下鐵，一般都分「各站停車」、「少量飛站」、「大量飛站」等。「大量飛站」的列車比較快到達目的地，不同的鐵路公司有不同的做法，有時是需要付特別附加費用的。 不過有些線路並不會飛站的，圖片中央的緑色線路，就是有名的「山手線」，它是少數「各站停車」而不飛站的線路。

一期一會櫻花季終於嚟喇！大家準備好迎接呢一遍粉紅色嘅花海未？ Klook 推出日韓台櫻花季行程、景點門票、交通、JR 鐵路周遊券等低至5折優惠！於付款頁輸入優惠碼「KLKSAKURA2017」即享額外折上折！ 另外，日韓台Wifi 蛋都有優惠！於手機App 輸入優惠碼「KLK3U2017」即享首日$3優惠！ 小編推介 (用咗優惠碼後)： 東京： 【隅田川賞櫻夜遊船】賞櫻一日遊 (包午餐、晚餐、乘船費、入場費及交通)｜$974 $925 (預訂) 登上東京鐵塔賞櫻觀景台，從高處俯瞰盛開的櫻花群；暢遊昭和紀念公園、千鳥淵、北丸公園/新宿御苑等賞櫻名所；於隅田川搭乘賞櫻夜遊船，從河上觀賞夜櫻。 【富士山賞櫻一日遊】(包午餐、御殿場Outlet 5-15%優惠券、交通)｜$816 $775 (預訂) 參觀新倉富士淺間神社；河口湖邊欣賞富士山、湖與櫻花美景，並享用午餐；御殿場奧特萊斯自由購物。 東京迪士尼樂園/迪士尼海洋．一日電子門票｜$504 $479 (預訂) 大阪： 日本環球影城門票｜$518 $492 (預訂) 京都： 【櫻京和服體驗】五種和服套餐，素雅和服到奢華振袖任君挑選｜$341起 $226起 (預訂) 身著和服漫步京都，欣賞櫻花之餘，盡情影相打卡。 名古屋： 【天下第一櫻】高遠城 & 阿爾卑斯山春日賞櫻 (包景點門票、交通)｜$749起 $712起 (預訂) 參觀光前寺；盡賞千株高遠緋櫻綿延而成的「天下第一櫻」浪漫美景；參觀中山道奈良井宿。 【春季高山祭&白川鄉一日游】(包景點門票、交通)｜$749起 $712起 (預訂) 參加華麗且美輪美奐的「高山祭」；探訪如詩如畫的童話小鎮——白川鄉，一日內看遍日本的各式風貌。 首爾： 【首爾衿川十里櫻花路】浪漫賞花+「Running Man」與韓劇拍攝地｜$565起...

香港航空會喺今晚12點 (3月6日00:00) 推出新一期限時3日Flash Sale！ 香港來回首爾只需$1,050 (連稅$1,451)、峇里島$1,370 (連稅$1,697)、奧克蘭$2,350 (連稅$3,018) 另外，台北商務艙$1,330 (連稅$1,736) 首爾、台北出發日期至6月30日；峇里島至6月30日；奧克蘭就去到6月15日。 4月份去首爾仲可以一次睇哂櫻花同油菜花添！ 香港航空包20kg寄艙行李同飛機餐。 預訂資訊： 訂票日期：2017年3月6日至3月8日 出發日期： 2017年3月15日-4月11日、4月16日-4月26日、5月4日-5月26日、5月31日-6月30日 2017年3月22日-3月29日  2017年3月13日-4月7日、4月16日-4月27日、5月4日-6月15日 預訂網址：http://www.hongkongairlines.com

樂桃航空今晚 (3月6日0:00) 再推5週年優惠！今次搞搞新意思，用Happy Peach 嘅價格就可以買到Happy Peach Plus 嘅票類，即係包寄艙行李、免費揀位、免費更改航班！ 香港飛沖繩單程$550起、大阪$730起 來回連稅沖繩$1,355起、大阪$1,835起 以上價係已包一件20kg寄艙行李、享有自選座位、更改航班免手續費！ 今次優惠嘅吸引力唔算大，雖然送咗幾樣嘢，但睇番傳統航空公司如香港航空，價錢其實都差唔多！不過，叫做多個選擇。大家記得比較埋香港航空個價錢先決定訂唔訂。 預訂資訊： 旅行日期：2017年3月15日-4月13日、4月18日-4月27日、5月8日-6月30日 停留期限：無限制 預訂日期：2017年3月3日 預訂網址：http://www.flypeach.com 提提您： 如果訂飛時未有護照號碼係手，可以先打「000000」，之後可以打上樂桃航空香港 (3013 4668) 免費改返。 訂票時「電郵(手機)」留空就可以。 訂飛時輸入的名字唔可以有空格，例如Lok Bun，你要打Lokbun。

澳門又有新酒店開幕喇！呢間新加入市場嘅酒店就係位於澳門漁人碼頭嘅「勵宮酒店」。 為慶祝開幕，Hutchgo 推出勵宮酒店嘅開幕套票優惠！「高級客房＋噴射飛航來回船票＋早餐」每人只需$770起 (連稅$885起) ！即係兩人合共$1,540 (連稅$1,770)呢口全包價算幾抵玩！首200名預訂仲送$100電子旅遊禮券，送完即止。 勵宮酒店係一家以中世紀中/北亞為設計概念嘅五星級豪華酒店。由於位於澳門漁人碼頭，享有無敵嘅珠江海景。酒店嘅客房經精心打造，充滿歐洲蒙地卡羅風格，以致每間客房嘅造價達到100萬元，成為全球造價最貴嘅客房！ 入住日期至6月30日。 預訂時留意番，寫有「開幕住宿套票-高級客房 (只包含噴射飛航來回船票及早餐2位)」先係今次嘅優惠！ 預訂資訊： 入住日期：即日-2017年6月30日 預訂日期：即日-2017年3月12日 預訂網址：http://hotel.hutchgo.com.hk 留意： 預訂勵宮酒店嘅套票，每個交易即送$100 hutchgo.com 電子旅遊禮券。只限首200名預訂，送完即止。 $100 hutchgo.com 電子旅遊禮券將於2017年3月17日或之前寄到閣下已登記之電郵地址。

JAPANiCAN (e路東瀛) 推出春季限時低至5折優惠！地點涵蓋全日本34個人氣旅遊地點，包括東京、北海道、白濱、大分、岐阜等！準備去日本而又未嘅酒店嘅粉絲不妨留意下。入住日期視乎個別酒店或旅館而定。 JAPANiCAN 係日本最大旅行社JTB 集團旗下嘅預訂網站，不但可以比其他訂房網站早一步訂到日本熱門旅店，同時會有一啲比較具特色嘅日式旅館可供選擇。 JAPANiCAN 嘅預訂系統有個唔錯嘅「房間供應狀況及價格」功能，可以一目了然睇晒成個月邊啲日子有平房，明碼實價，夠晒方便！大家入咗個別酒店頁面後，click「詳情」，然後再click「房間供應狀況及價格」就可以睇到有關資料了。 預訂資訊： 入住日期：即日起，並視乎個別酒店/旅館而定 預訂日期：即日-2017年3月7日5pm 預訂網址：http://www.japanican.com/hk 提提你：唔同嘅預訂網都有唔同嘅優惠，搵到心水酒店，可先上HotelsCombined / Trivago 格下價。

國泰出咗隻Last Minute 美國優惠！想呢個月去美國？唔駛等Fanfares 啦！ 3月31日前出發，香港直航來回三藩市$3,940起 (連稅$4,708起)、洛杉磯$4,340起 (連稅$5,108起)！ 買即月Last Minute 機票有呢口價，算係好抵玩！ 如果想3月31日之後飛洛杉磯都有，但就會貴啲，來回洛杉磯$4,600起 (連稅$5,368起)，價錢算係可以，勝在供應量充足。 預訂資訊： 旅行日期：即日-2017年3月31日 停留期限：15日 免費寄艙行李限額：30kg 預訂日期：即日起 預訂網址：http://www.expedia.com.hk

歐洲啲機票長期低位徘徊，唔知大家有冇去多咗歐洲呢？如果嚟緊2個月準備去歐洲而又仲未訂酒店，可以留意Ctrip 呢個歐洲酒店低至7折優惠！旅遊地點包括巴黎、米蘭、尼斯、羅馬、雅典、倫敦、巴塞羅那、法蘭克福。 推介酒店： 倫敦海德公園希爾頓酒店 ★★★★｜連稅$1,333起 (預訂) 位置極佳，位於Queensway地鐵站旁邊，對面就係海德公園。附近有超市、便利店、餐廳。 巴黎卡斯蒂尼奧那酒店 ★★★★｜連稅$1,222起 (預訂) 位置方便，位於被認為世界上最時尚嘅「聖奧諾雷市郊路」，距離香榭麗舍大道、馬德琳地鐵站約10分鐘步程。酒店房間有足夠空間。 法蘭克福洲際酒店 ★★★★★｜連稅$1,088起 (預訂) 地點很好，是少有的法蘭可以有全面直接河景的酒店。早餐特別亞洲化，隔天有臺灣華航空姐入住。雖然有點老，但服務非常好。 米蘭希爾頓酒店 ★★★★★｜連稅$1,182起 (預訂) 酒店位置方便，距離米蘭中央火車及地鐵站僅5分鐘步程，行去Porta Nuova 區亦只需15分鐘。客房闊落，最細唧房都有20平方米 (215平方呎)，有健身室、停車場等設施。 除咗以上推介，仲有其他優惠酒店，大家不妨上去睇下有冇啱心水。 預訂資訊： 入住日期：即日-2017年6月30日 預訂日期：即日-2017年4月30日 預訂網址：http://www.ctrip.com.hk