Big Fun Trip 旅遊情報

長榮有隻北美平飛，連稅三千四飛到美國！價格好吸引！優惠去到今個月月尾咋，要買就快手啦！ 2019年3月底前出發，香港來回洛杉磯 / 三藩市$2,640起！連稅計：洛杉磯$3,450起、三藩市$3,496起！ 航班係經台北轉飛嘅，包咗46kg寄艙行李額、飛機餐！長榮仲係 Skytrax 5星航空嚟，歎住飛長途就啱晒！ 呢隻優惠票嘅機票有效期為1個月，大把時間慢慢玩！但留意唔係每日出發都有平飛，預訂先可先上長榮官網睇多日票價，再去 Skyscanner 訂就最抵！ 預訂資訊： 出發日期：即日-2018年12月13日、12月24日-12月31日、2019年1月8日-2月1日、2月8日-3月31日 寄艙行李限額：2件23kg 機票有效期：1個月 預訂日期：即日-2018年10月31日 (須於最少出發前14日預訂) 預訂網址：https://www.skyscanner.com.hk

想買定明年早鳥飛韓國？大韓呢隻平飛就啱晒！2019年9月底前出發，香港來回首爾$1,331起 (連稅$1,785起)！咩季節去都冇問題呀！ 而且搭大韓飛首爾嘅航班時間夠晒靚，係凌晨機去、晚機返！就連 Weekend 快閃遊都得添，可以星期五晚收工即飛！ 票價已包23kg寄艙行李額、飛機餐！快啲約定班朋友仔一齊去食韓燒，再去明洞、東大門 Shopping 掃貨啦！ 提提大家：優惠於部分日子及旺季不適用，大家可先上大韓官網剔選「我無指定旅遊日期」搜尋，睇到邊啲日子最抵之後，再上 Skyscanner 訂飛啦！ 預訂資訊： 出發日期：即日-2018年12月20日、12月27日-2019年1月31日、2月10日-3月31日、4月1日-4月15日、4月21日-7月4日、8月24日-9月28日 寄艙行李限額：23kg 機票有效期：1個月 預訂日期：即日-2018年12月20日 預訂網址：https://www.skyscanner.com.hk

HK Express 推出新航點長崎！以後有得平價直飛長崎，唔駛經福岡再搭車入啦！香港飛長崎單程$235起！來回連稅$730起！ 航班於明年1月19日啟航，時間就係午去晚返！來回都係每星期有三班機，逢星期二、四、六出發！最啱初春遊日，3月去賞埋櫻都得添！ 長崎出名充滿歐洲風情，同時有各類傳統節慶活動 (例如點燈節、花祭)，好有特色！再去埋海濱區同各個離島，睇下迷人海景就最歎！ 航班時間： 去程：UO830 13:05-17:05 (逢星期二、四、六) 回程：UO831 19:50-22:06 (逢星期二、四、六) 提提大家：以上票價並不包括寄艙行李額、機上餐飲。 寄艙行李收費 (每程計)： 20kg $229、25kg $360、30kg $365 網上後加行李 (每程計)： 20kg $275，25kg $430，30kg $435 預訂資訊： 旅遊日期：2019年1月19日-3月30日 預訂日期：即日-2018年11月4日 預訂網址：https://www.hkexpress.com

嘩！快搶呀喂！JAPANiCAN 推出北海道復興優惠，憑優惠代碼，北海道酒店、旅行團低至3折！酒店勁減高達126,000円！旅行團勁減高達35,000円！抵到跳舞呀！名額有限！手快有手慢無！ 預訂時，請在「輸入預約資料」畫面中，輸入指定優惠碼。並在「確認預約資料及付款資料」畫面中，確認折扣是否有成功折抵。 酒店優惠碼： 入住1晚酒店： 2位入住同間酒店，訂滿10,000円額外再減6,000円：htw30001 2位入住同間酒店，訂滿20,000円額外再減14,000円：htw70001 2位入住同間酒店，訂滿40,000円額外再減28,000円：htw140001 3位入住同間酒店，訂滿15,000円額外再減9,000円：htr30001 3位入住同間酒店，訂滿30,000円額外再減21,000円：htr70001 3位入住同間酒店，訂滿60,000円額外再減42,000円：htr140001 入住2晚酒店： 2位入住同間酒店，訂滿20,000円額外再減12,000円：htw30002 2位入住同間酒店，訂滿40,000円額外再減28,000円：htw70002 2位入住同間酒店，訂滿80,000円額外再減56,000円：htw140002 3位入住同間酒店，訂滿30,000円額外再減18,000円：htr30002 3位入住同間酒店，訂滿60,000円額外再減42,000円：htr70002 3位入住同間酒店，訂滿120,000円額外再減84,000円：htr140002 入住3晚酒店： 2位入住同間酒店，訂滿30,000円額外再減18,000円：htw30003 2位入住同間酒店，訂滿60,000円額外再減42,000円：htw70003 2位入住同間酒店，訂滿120,000円額外再減84,000円：htw140003 3位入住同間酒店，訂滿45,000円額外再減27,000円：htr30003 3位入住同間酒店，訂滿90,000円額外再減63,000円：htr70003 3位入住同間酒店，訂滿180,000円額外再減126,000円：htr140003 旅行團優惠碼： 旅行團減7,000円優惠碼：tour7000 旅行團減14,000円優惠碼：tour14000 旅行團減21,000円優惠碼：tour21000 旅行團減28,000円優惠碼：tour28000 旅行團減35,000円優惠碼：tour35000 預訂資訊： 入住 / 參加日期：即日-2019年2月23日 預訂日期：即日起 (額滿即止) 預訂網址：https://www.japanican.com/hk

HK Express 推出最新優惠！只要預訂來回機票，即可享優惠價！計落香港單程飛台灣$109起、東南亞$124起、日韓$378起！ 來回票價：台中$218起 (連稅$618起)、芽莊$248起 (連稅$633起)、峴港$248起 (連稅$686起)、清邁 / 清萊$248起 (連稅$710起)、暹粒$248起 (連稅$759起)、布吉$308起 (連稅$770起)、石垣島$378起 (連稅$638起)、濟州$378起 (連稅$798起)、首爾$378起 (連稅$840起)、廣島 / 高松 / 熊本 / 鹿兒島$498起 (連稅$758起)、福岡$498起 (連稅$828起)、名古屋$498起 (連稅$948起)、東京$498起 (連稅：羽田$948起、成田$951起)、大阪$498起...

國泰台北套票抵到跳舞！上 Expedia 用埋優惠碼「CXPKG300」預訂，額外再減$300！用咗優惠碼後，香港來回台北機票＋酒店連稅：3日2夜$1,388起、4日3夜$1,462起、5日4夜$1,534起！ 本身套票已經有折扣，依家憑指定優惠碼額外再減！折上折更加抵呀！仲有大約半個月燃油附加費就殺埋身啦！梗係趁加徵前用優惠碼低價入定貨先啦！以上價錢以2人同行每位計，並以最平住宿為例。套票已包30kg寄艙行李額、飛機餐，價格係2人同行每位計。不過一人獨遊都可以，只係冇朋友仔幫手攤分房價，價格會貴少少。 出發日期去到明年3月底，可以自訂出發日期。航班選擇多，有早去晚返靚時間添！而行程更加係可長可短，最耐玩8日7夜都得！ 國泰．台北3日2夜「機票＋酒店」推介： (價錢以2018年12月9日去，12月11日返為例) 機票＋西門101-s精緻旅店 ★★★★｜連稅1,572起 位處極為方便嘅西門町購物商圈，距離捷運西門站僅5至6分鐘步程。房間不大，但勝在夠平而又企理。 機票＋儷夏商旅 – 西門町西寧館 ★★★｜連稅$1,601起 位於西門町嘅酒店，附近有眾多食肆、商店，方便掃街及 Shopping ，周邊環境非常熱鬧！另外，酒店房間有免費 Mini bar供住客享用！ 機票＋路境行旅 ★★★★｜連稅$1,614起 位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。 機票＋米勒風尚行旅 ★★★｜連稅$1,654起 位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。 機票＋艾特文旅 ★★★★｜連稅$1,658起 位於西門町嘅酒店，去邊都咁方便，裝修走簡約路線，有點點文青味。 機票＋CitizenM 台北北門酒店 ★★★★｜連稅$1,854起 來自阿姆斯特丹嘅潮牌酒店，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！ 機票＋泡泡飯店 ★★★★｜連稅$1,855起 座落大安區，位置甚佳，距捷運忠孝敦化站僅5分鐘步程！酒店以「點點」及「泡泡」為設計概念，目標住客群為時尚女性。整幢建築物色彩繽紛、精緻可愛，看上去十分超現實。 機票＋丰居旅店 ★★★｜連稅$1,880起 酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！ 機票＋台北凱達大飯店 ★★★★｜連稅$1,913起 屬台灣頂級酒店「凱撒大飯店」旗下分館。酒店位於艋舺大道，附近有華西街夜市、艋舺龍山寺，步行3分鐘內可達萬華火車站、捷運「龍山寺站」，四通八達。 機票＋台北西門町意舍 ★★★★｜連稅$2,032起 意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。 除以上推介，大家可於 Expedia 任揀酒店。揀酒店時，按「價格」由低至高排序，再以「星級」、「位置」作篩選，會更快搵到心水酒店！ 提提大家，搵曼谷套票時，目的地要填「台北 (及鄰近地區), 台灣」，咁先會搵到曼谷全市嘅酒店。如果你填咗「台北, 台灣 (TPE-桃園國際機場)」，就只會搵到機場附近嘅酒店！ 預訂資訊： 出發日期：即日-2018年9月27日、9月30日-12月19日、12月30日-2019年1月30日、2月8日-3月31日 寄艙行李限額：30kg 機票有效期：2-7日 預訂日期：即日-2018年11月30日 預訂國泰套票未連稅滿$2,000減$300優惠碼：CXPKG300 (名額300個) 預訂網址：http://www.expedia.com.hk (記得目的地要輸入「台北 (及鄰近地區),...

正呀！香港航空今晚12點 (10月22日00:00) 有新一期 Flash Sale！當中曼谷、沖繩連稅只需千一咋！趁未收燃油附加費入定貨就無輸啦！ 來回票價：曼谷$720 (連稅$1,175)、沖繩$820 (連稅$1,150)、札幌$3,040 (連稅$3,372)、三藩市 / 洛杉磯$3,440 (連稅$4,270)、溫哥華$3,600 (連稅$4,215) 出發日期由10月31日至12月27日 (視乎航點而定) 短途包20kg寄艙行李，長途包2件23kg寄艙行李。 預訂資訊： 出發日期： 2018年11月1日-11月30日 2018年11月1日-12月18日 2018年11月5日-12月13日 2018年10月31日-12月27日 機票有效期：短線2-7日、長線1個月 訂票日期：2018年10月22日-10月24日 預訂網址：https://www.hongkongairlines.com 

坐歐洲長途機想舒服啲？一於坐商務啦！芬蘭航空除咗有經濟艙優惠，商務艙都推出咗特價飛！ 乘坐芬蘭航空商務艙，香港經赫爾辛基來回歐洲$10,934起！連稅計：斯德哥爾摩$12,841起、華沙$12,849起、巴黎$13,809起！ 呢口價已經包咗2件23kg行李、飛機餐、機上娛樂。以商務艙嚟講，呢啲價位確係抵玩呀！比平時平咗成一半。 出發日期至12月29日，留意番出發同回程都只限星期六。平飛數量唔多，想去北歐過返個白色冬天，就要快速行動了。 預訂資訊： 出發日期：2018年11月10日-12月29日 (去程及回程都只限星期六；視乎供應及旺季除外) 寄艙行李限額：2件23kg 機票有效期：5日-1個月 預訂日期：即日-2018年10月22日 預訂網址：https://www.skyscanner.com.hk

正呀！韓亞嘅全年平飛賣到明年6月尾出發啦！當然嚟緊幾個月嘅秋冬季都有得平！ 香港來回首爾$1,433起 (連稅$1,888起)！優惠無航班限制，可以凌晨機去、晚機返，玩到盡！ 呢口價搭 Skytrax 5星嘅韓亞，算係唔錯！票價已包飛機餐、23kg寄艙行李額！勁 Shopping 掃貨都唔怕爆寄艙 quota！ 另外，KKday 做緊日韓秋冬行程低至85折優惠，如果秋冬出發，可以順便睇埋啊！(詳情) 預訂資訊： 出發日期：即日-2018年12月20日、2019年1月2日-1月31日、2月8日-4月15日、4月21日-6月30日 寄艙行李限額：23kg 機票有效期：14日 預訂日期：即日起 (售完即止) 預訂網址：  https://www.zuji.com.hk  https://www.skyscanner.com.hk

樂桃香港今晚12點 (10月21日00:00) 接力推出 Last minute 優惠！香港飛大阪單程$150起！ 10月28-31日出發：單程$150起，來回連稅$680起 11月1日-12月20日：乘搭MM60、MM64、MM67、MM68，單程$200起，來回連稅$780起 11月1日-12月20日：乘搭MM63、MM65，單程$300起，來回連稅$980起 優惠只限2日，想今年去多轉日本嘅話，記得今晚準時12點搶飛啦！ 提提大家：樂桃只包10kg手提行李額，不包免費寄艙行李額及機上餐點。而寄艙行李嘅收費為：每件20kg以下行李$216。 預訂資訊： 出發日期：2018年10月28日-12月20日 預訂日期：2018年10月21日00:00-10月22日23:59 (香港時間) 預訂網址：http://www.flypeach.com 提提你： 訂飛時輸入的名字唔可以有空格，例如你個名叫 Lee Lok Ben，你要打Lokben。 如果訂飛時未有護照號碼，可以先輸入「000000」，之後在辦公時間打上樂桃航空香港熱線電話 3013-4668 免費改返，打通後按 2>2>1>1 會有客戶服務員幫忙。