Big Fun Trip 旅遊情報

HK Express 嘅」$1 機票嚟到最後一擊啦！今次新增7個航點，日韓台泰等各地都有份！同樣係預訂來回機票時、去程只需$1！ 來回價錢：花蓮$329起 (連稅$724起)、清邁$399起 (連稅$856起)、釜山 / 濟州$599起 (連稅$1,019起)、名古屋$799起 (連稅$1,252起)、塞班島$799起 (連稅$1,253起)、寧波$329起 (連稅$797起)！ 旅遊日期去到明年7月。今次價格都唔算太抵，鍾意買定明年機票嘅都可以諗諗。早前開賣嘅航點都一齊繼續賣，去到星期日 (8月12日)。 有美國運通卡的話，8月22日前預訂 HK Express 機票滿$1,000 可獲$100 額外消費回贈！咁計落又平小小！ 提提大家：以上票價並不包括寄艙行李額、機上餐飲。 寄艙行李收費 (每程計)： 20kg $229、25kg $360、30kg $365 網上後加行李 (每程計)： 20kg $275，25kg...

早前介紹過聯航嘅夏威夷優惠，原來搭菲航仲平多幾舊水！香港來回檀香山$2,520起 (連稅$3,338起)！一於訂飛去度假啦！ 出發日期去到明年5月底，可以秋冬去度假、或者定 Plan 定明年春夏旅程！機票最耐可停留6個月，大把時間行沙灘、浮潛探海豚、環島遊！ 航班係經馬尼拉轉飛嘅。票價已包機上餐飲、2件23kg寄艙行李額，大把位放手信！去行 Outlet 可以盡情買啦！ 優惠於部分日子及旺季不適用，如果想易啲搵到平飛，可以上菲航官網揀「 Flexible travel dates」睇多日票價，然後上 Skyscanner 訂飛啦！ 預訂資訊： 出發日期：即日-2018年12月10日、2019年1月7日-1月19日、2月7日-4月12日、4月25日-5月31日 寄艙行李限額：2件23kg 機票有效期：6個月 預訂日期：即日起 預訂網址：https://www.skyscanner.com.hk/

Plan 好年尾去邊度玩未？冬天去泰國飲冬蔭功、歎 SPA、行夜市，諗起都爽！泰航有隻優惠價，明年3月底前出發都有平，正！ 乘搭泰國航空，香港來回曼谷$1,229起 (連稅$1,746起)！包埋30kg寄艙行李額、飛機餐，而且泰航服務唔錯，一上機就感受到泰式風情！ 不過航班時間就麻麻，係晚機去、早 / 午機返，加$100左右可以轉去程午機！而機票有效期為1個月，留耐小小去多幾個地方 hea 都冇問題！ 平飛供應充足，不過唔係每日出發都有。大家可以先上泰航官網睇多日票價，搵咩日子有平，再上 Skyscanner 訂飛！ 預訂資訊： 出發日期：2018年8月25日-9月26日、10月6日-12月18日、2019年1月3日-1月24日、2月18日-3月28日 寄艙行李限額：30kg 機票有效期：1個月 預訂日期：即日-2018年9月30日 預訂網址：https://www.skyscanner.com.hk

搭長途機當然要舒舒服服，出名服務好嘅長榮依家有靚價添！香港來回歐洲各地$2,743起！最平連稅3千2起就飛到荷蘭！ 連稅計：香港來回阿姆斯特丹$3,281起、維也納$3,559起、巴黎$3,639起、倫敦$4,328起！價格唔錯喎！ 出發日期去到明年3月底，啱晒感受歐洲浪漫冬日！票價包飛機餐、30kg寄艙行李額，大把位比大家帶多兩件厚衫！ 航班經台北轉飛，部分航線會於曼谷停站。不過只係停一停曼谷換過組 Crew，大家唔駛落機！ 想易啲搵到咩日子有平機票的話，大家可先上長榮官網，揀「彈性旅遊日期」搜尋睇多日票價！ 預訂資訊： 出發日期：2018年9月13日-12月19日、12月25日-12月31日、2019年1月8日-1月31日、2月8日-3月31日 寄艙行李限額：30kg 機票有效期：1個月 預訂日期：即日起 (須於最少出發前30日預訂) 預訂網址：  https://hk.trip.com  https://www.skyscanner.com.hk/

又有得平價搭靚嘢啦！新加坡航空推出2人同行優惠，可以同朋友仔齊齊抵歎全球最佳航空！ 2人同行出發：香港來回新加坡$1,000起 (連稅$1,527起)！加多幾十蚊就可轉飛布吉：香港來回布吉連稅$1,553起！ 暑假尾去到9月去都有平 (按航點而定)。連稅千5飛布吉呢口價真係非常抵，仲要係搭高質航空！唔介意轉機的話不妨諗諗佢！ 優惠只限官網預訂先搵到，大家搜尋時記得於人數位置揀「成人 2」，剔埋「彈性旅行日期 / 最低票價」就可以更易搵到以上平飛啦！ 提提大家：新航將「布吉」譯成「普吉」，大家可以輸入布吉機場代碼「HKT」嚟搵，咁就最快手啦！ 預訂資訊： 出發日期： 2018年8月20日-9月12日 2018年9月2日-9月27日 寄艙行李限額：30kg 機票有效期：2-5日 預訂日期：即日-2018年8月14日 預訂網址：http://www.singaporeair.com

韓國優惠停不了，今次輪到 Hutchgo 推出一系列電子禮券碼，畀大家平訂韓國機票及套票！ 電子禮券碼1：KRFOR1 預訂1人出發韓國機票即減$50！ 電子禮券碼2：KRFOR2 預訂2人同行韓國機票減$100；2人同行套票減$200！ 電子禮券碼3：KRFOR3 預訂3人同行韓國機票減$150；3人同行套票減$300！ 電子禮券碼4：KRFOR4 預訂4人同行韓國機票減$200；4人同行套票減$400！ 用咗優惠代碼後： 濟洲航空．香港來回首爾$480起 (連稅$931起) 大韓航空．香港來回首爾$1,287起 (連稅$1,703起) 大韓航空．3日2夜「首爾機票+首爾東大門百通飯店．2人同行每位$2,142起 (連稅$2,280起) 另外，仲有以下8月限定賞： 第1賞：參加《寫出你遊歷！hutchgo撐你出走看世界》，有機會贏得 hutchgo.com $1,500 旅行現金券！ 第2賞：漫遊數據儲值咭買一送一！8月15日開賣！最平每日平均只需$6.56。 第3賞：賺取雙倍「易賞錢」積分！ 第4賞：送3合1旅行收納袋及2018秋戀韓楓漫遊集！ 預訂資訊： 出發日期：即日-2018年12月31日 (部分日子及旺季不適用) 預訂日期：即日-2018年8月31日 預訂網址：https://www.hutchgo.com.hk

去澳門點可以唔食葡撻？不如自己葡撻自己整啦！下星期六 (8月18日) 喺澳門有個「葡撻 DIY 工房」，自己親手炮製葡撻，又好玩又好味！ 「葡撻 DIY 工房」係由糕點師傅親自教整葡撻，大家可以品嚐新鮮出爐嘅熱辣辣葡撻！又可以聽埋葡撻起源，了解澳門嘅趣聞、歷史故事！最適合同小朋友一齊去親子遊！ 中旅社有一系列套票，例如葡撻 DIY 工房＋船飛：每位$399起！方便又抵玩！想玩多日，加埋酒店住宿又得，酒店＋葡撻 DIY 工房＋船飛：每位$859起！ 澳門「葡撻 DIY 工房」套票： 新濠影滙酒店住宿＋葡撻 DIY＋船飛｜每位$1,519起 套票包括： 新濠影滙．1晚「明星滙經典客房」住宿 影滙之星門票 創意「葡撻 DIY 工房」製作坊 TurboJET 香港來回澳門船飛 美獅美高梅住宿＋葡撻 DIY＋船飛｜每位$1,739起 套票包括： 美獅美高梅．1晚「度假客房」住宿 創意「葡撻...

趁暑假尾去度個靚假，可以搭聯航直飛關島！8月至12月出發，香港直航來回關島$2,435起 (連稅$2,893起)！ 經關島轉飛夏威夷都抵：香港來回檀香山$2,731起 (連稅$3,530起)！兩個地方都幾抵玩，最正係8月尾都有平！ 票價包飛機餐、46kg極大寄艙行李額，大家喺沙灘曬完太陽、玩完水上活動，可以去埋 Outlet 瘋狂掃貨！ 平飛唔係每日去都有，大家可先上聯航官網，揀「彈性旅遊日期」一次過睇月曆模式票價！搵到平飛後，再上 Trip.com 訂就最抵啦！ 預訂資訊： 出發日期：2018年8月19日-9月27日、10月2日-12月17日 寄艙行李限額：2件23kg 機票有效期：45日 預訂日期：即日-2018年8月31日 預訂網址：https://hk.trip.com

講到平價旅遊，去越南 CP 值極高！越南航空有隻機票優惠，香港來回越南$533起！加上當地物價低，唔駛好多錢就可以食好西、睇靚景！ 連稅計：香港來回河內$1,070起、胡志明市$1,216起！8月中後嘅暑假日子都有平！仲包埋20kg寄艙行李額、飛機餐，抵玩！ Open jaw 咁玩齊兩地都冇問題，例如河內入、胡志明市出：連稅$1,129起！去下龍灣睇完靚景、再去胡志明市歎法菜！最耐可停留1個月咁耐，有排玩呀！ 預訂資訊： 出發日期：2018年8月15日-9月28日、10月11日-12月20日 寄艙行李限額：20kg 機票有效期：1個月 預訂日期：即日起 預訂網址：  https://www.skyscanner.com.hk/ https://www.travelliker.com.hk

HK Express 今日推出第二擊優惠！預訂來回機票時，去程只需$1！今次減埋芽莊＋多個日本航點，來回$399起！ 來回票價：芽莊$399起 (連稅$786起)、石垣島$599起 (連稅$854起)、廣島 / 高松 / 鹿兒島$799起 (連稅$1,054起)、東京$799起 (連稅：羽田$1,252起、成田$1,254起)！ 旅遊日期同樣係去到明年初夏。價格唔算十分抵，有興趣買定明年早鳥飛都可以諗諗嘅。而上次嘅航點都會一齊賣，去到星期日 (8月12日) 為止。 有美國運通卡的話，8月22日前預訂 HK Express 機票滿$1,000 可獲$100 額外消費回贈！記得唔好錯過呢個回贈啦！ 提提大家：以上票價並不包括寄艙行李額、機上餐飲。 寄艙行李收費 (每程計)： 20kg $229、25kg $360、30kg $365 網上後加行李 (每程計)： 20kg $275，25kg...