Big Fun Trip 旅遊情報

正呀喂！國泰有隻台北套票優惠，3日2夜連稅只需千四蚊！可以早機去晚機返，仲可以跨年、復活節出發。 2人同行「國泰機票＋酒店」，以入住最平住宿為例，連稅每位計：3日2夜$1,408起、7日6夜$1,638起！價格已包國泰航空香港來回台北機票、30kg寄艙行李額、機上餐飲、稅項、行程住宿。大家可以自選酒店及自訂行程長短，最長可以玩8日7夜。 出發日期至明年3月尾 (部分日子不適用)，航班無限制，可以揀早機去晚機返，視乎供應而定！跨年、復活節旺季出發都有筍價！如果想跨年去101睇煙花倒數，可以揀12月28或30日出發，1月4日或之後回程。復活節嘅話，可以揀3月27日出發，3月30或31日回程。 預訂時，記得先揀酒店、後選機票。當揀完酒店後，喺各大航空公司入面，揀番國泰嘅航班就可以了。 國泰3日2夜「機票＋新酒店」推介： 以下價格以2月4日出發，2月6日回程為例。 機票＋日暉酒店 ★★★★｜連稅$1,793起 2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！ 機票＋CitizenM 台北北門酒店 ★★★★｜連稅$1,828起 來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！ 機票＋量子酒店 ★★★★｜連稅$2,538起 大S老公開嘅精品酒店，2017年4月先至開幕，夠晒新，客房亦夠大，最細嗰間都有28平方米 (301平方呎)！酒店更由法國名設計師 PHILIPPE STARCK 親自操刀設計！位置亦好方便，位於台北松山區，喺臺北小巨蛋附近，距離「捷運．南京復興」站約9分鐘步程，去「台北車站」亦只需搭3個站。 機票＋富藝旅台北大安 ★★★★｜連稅$2,048起 2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。 搵酒店時可以按「價錢」排序，再以位置及酒店星級篩選，就會易啲搵出適合嘅酒店。 如果想喺行程中住唔同嘅酒店，可以於搜尋時選「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 留意番，平飛唔係日日有，想易啲搵到平套票，大家可以先上國泰官網以月曆模式睇下邊啲日子有平，記低有平嘅日子，然後再上 Expedia 以更抵嘅價錢訂套票。 預訂資訊： 旅行日期：即日-2017年12月20日、12月28日、12月30日、2018年1月4日-2月15日、2月25日-3月28日 停留期限：2-7日 免費寄艙行李：30kg 預訂日期：即日-2017年12月31日 預訂網址：http://www.expedia.com.hk (以網頁版預訂為佳，手機App可選酒店較少)

長榮推出飛澳洲優惠，香港來回布里斯班$2,800起 (連稅$3,542起)！最正係可以玩埋台灣！喺澳洲食完海鮮、再去台北嘅夜市繼續食！ 航班係經台北轉機嘅，轉機時間有長有短，揀長轉機時間就可以快閃台北玩返日！想喺台灣玩耐啲？加多幾百蚊就可以 Stopover 台北，連稅$3,920起！ 出發日期係明年3月，最長可以停留1個月咁耐！票價仲包埋30kg寄艙行李、飛機餐，仲有長榮優質服務，真係抵過搭廉航！ 如訂中停台北，可以上 Expedia 用「多個目的地」搜尋。平飛唔係每日都有，大家可以上長榮官網一次過睇前後日子票價，搵出最抵日子！ 預訂資訊： 出發日期：2018年3月5日-3月27日 (部分日子不適用) 機票有效期：1個月 寄艙行李限額：30kg 預訂日期：即日-2017年12月31日 預訂網址： https://www.cheapflights.com (淨來回澳洲) https://www.expedia.com.hk (中停台北)

Ctrip / Trip.com 推出雙12全球酒店12%優惠代碼！優惠只限12月12日，香港粉絲及台灣粉絲都用得。 今次呢個代碼用咗之後可以額外有多88折，可以話係破天荒咁抵，近幾年都未試過有咁高嘅折扣率！ 憑以下指定優惠代碼，於 Trip.com 手機 App 預訂酒店滿$1,250即減$150！台灣粉絲預訂滿TWD5,000 可減TWD600！ 香港版優惠代碼：1212HKD 台灣版優惠代碼：1212TWD 優惠數量有限，先到先得，額滿即止，大家記得12月12日00:00準時開搶！優惠期只限1日。 留意，優惠適用於有「優惠代碼」標誌的預付酒店房型。每個優惠代碼只能使用一次，每個預訂只能使用一個優惠代碼。 預訂資訊： 入住日期：即日起 開賣時間：2017年12月12日00:00 優惠代碼：將於12月12日公佈 預訂網址：http://www.ctrip.com.hk 提提您：同一時間唔同預訂網都有唔同嘅優惠，搵到心水酒店，可先上 HotelsCombined / Trivago 格下價。

正呀喂！Hotels.com 推出10%優惠代碼！ 只要經指定連結訂閱 Hotels.com 電郵通訊，即可獲得10%優惠代碼，預訂酒店可享額外9折！入住日期至2018年5月31日，全線酒店都適用 (國際品牌除外)！提提大家，呢個優惠代碼需要至少預訂2晚住宿。 使用優惠代碼時，有關預訂需以港幣即時結算，到付形式並不適用。 另外，優惠代碼不適用於某些沒有參與是次推廣計劃嘅連鎖酒店，輸入折扣代碼後會出現「此折扣代碼不適用於你想預訂的酒店」。 預訂資訊： 入住日期：即日-2018年5月31日 預訂日期：即日-2018年2月28日 預訂網址：http://zh.hotels.com 提提你：唔同嘅預訂網都有唔同嘅優惠，搵到心水酒店，可先上 HotelsCombined / Trivago 格下價。

想平飛泰國，泰國航空有靚服務、又有筍價，係平靚正嘅選擇！如果去 Expedia「機票＋酒店」一齊訂，價格可以仲抵！ 泰航香港來回曼谷機票＋3晚酒店，連稅$1,677起！想玩多幾日都得，連稅計：6日5夜$1,716起、7日6夜$1,736起！最耐玩1個月都無問題！ 以上價格係2人同行每位計算，以入住最平住宿為例。包晒來回機票、稅項、30kg寄艙行李額、飛機餐、住宿！除咗曼谷，住芭堤雅 / 華欣都得！ 曼谷．4日3夜「機票＋4/5星酒店」推介： (以下價錢係以3月4日出發，3月7日回程為例) 機票＋曼谷蘇坤蔚路 X2 共鳴酒店 ★★★★｜連稅$2,099起 2017年3月開業嘅全新酒店，走精品酒店路線，設計時尚有型！位於 Sukhumvit 嘅低密度住宅區，距離 BTS On Nut 站只有約3分鐘步程，隔離有大型超市 Tesco Lotus Super Store，非常方便。 機票＋康帕斯酒店集團旗下素坤逸路阿德菲大酒店 ★★★★｜連稅$2,448起 客房夠大，最細果間都有38平方米，並設有㕑房、洗衣機，適合一家大細入住。四周環境清淨，但出入方便，距離 BTS Phrom Phong 站約 7至8分鐘步程。 機票＋曼谷沙通安納塔拉酒店公寓 ★★★★｜連稅$2,459起 Anantara...

漢莎近日獲 Skytrax 評為5星航空，係歐洲首間、亦都係唯一一間獲得5星評等嘅航空公司！想試吓歐洲式靚服務，可以用以下優惠平價歐遊！ 香港直航來回法蘭克福$3,730起 (連稅$4,693起)！呢口價直飛德國、搭優質航空，仲包23kg寄艙行李及飛機餐，認真抵玩！ 除咗德國，經法蘭克福　/ 慕尼黑 / 蘇黎世 / 維也納轉飛其他歐洲航點都有平，來回$2,870起！連稅全部5千有找！ 連稅計：米蘭$4,705起、蘇黎世$4,707起、巴黎$4,711起、羅馬$4,723起、馬德里$4,728起、阿姆斯特丹$4,739起、倫敦$4,758起、曼徹斯特$4,785起！ 明年5月底前出發都有平，可以停留1個月咁耐！平飛唔係每日都有，大家可以先上漢莎官網搜尋，睇睇前後日子票價，搵出邊日最平後再去 Cheapflights 預訂！ 預訂資訊： 出發日期：2017年12月15日-2018年5月31日 (部分日子不適用) 機票有效期：1個月 寄艙行李限額：23kg 預訂日期：即日-2017年12月14日 (需於出發前7日預訂) 預訂網址：https://www.cheapflights.com

嘩！連長榮都加入北美減價戰！香港來回三藩市$1,890起 (連稅$2,623起)、洛杉磯$1,890起 (連稅$2,636起)、溫哥華$2,227起 (連稅$2,844起)！ 票價已包2件23kg寄艙行李額，有埋飛機餐食，正！長榮仲係有高質靚服務嘅 Skytrax 5星航空公司，依家咁抵就搭到優質長途，筍爆！ 以上航班係要經台北轉機，如果揀長啲轉機時間嘅航班，仲可以快閃玩埋台北！例如三藩市回程時揀 BR7 轉 BR871，有成23粒鐘轉機時間，食餐滷肉飯再去掃貨Shopping 先上機都得！ 如果用 VISA 卡於 Ctrip 簽賬訂機票，可以用埋減$100優惠代碼「TUESVISA」，使用折扣後連稅計：洛杉磯$2,491起、三藩市$2,540起、溫哥華$2,837起！超抵！ 預訂資訊： 出發日期： 2018年1月11日-2月13日、2月19日-5月31日 2018年3月25日-5月31日 機票有效期：1個月 寄艙行李限額：2件23kg VISA卡 x Ctrip 減$100優惠代碼：TUESVISA 預訂日期：即日-2017年12月22日 預訂網址： https://www.cheapflights.com https://www.ctrip.com.hk/flights/

要去馬爾代夫歎陽光海灘，搭斯里蘭卡航空最抵玩！香港來回馬爾代夫甘島$2,450起 (連稅$2,972起)、馬累$2,786起 (連稅$3,144起)！連稅3千左右就飛到去世外桃源，正！ 以上航班都係要經科倫坡轉機嘅，已經包咗 30kg 寄艙行李額同機上餐飲！出發日期係明年1月至9月底，連 7、8月嘅暑假旺季都有平飛！ 班次方面，去程於逢星期一、四、六出發，回程則為逢星期三、五、日。甘島嘅班次比較疏，大家可以先上斯里蘭卡航空官網揀「Price (dates flexible)」睇吓咩日子有平飛！ 預訂資訊： 出發日期：2018年1月1日-2月8日、2月21日-9月30日 機票有效期：2-14日 寄艙行李限額：30kg 預訂日期：即日起 預訂網址：http://www.ctrip.com.hk/flights/

想體驗優質日式航空公司嘅服務，用以下 ANA 全日空優惠就可用靚價歎住飛！香港來直航來回名古屋$2,176起 (連稅$2,612起)、大阪$2,177起 (連稅$2,647起)、東京$2,664起 (連稅$3,100起)！ 想再平啲？VISA卡用戶上 Ctrip 預訂時，使用「TUESVISA」優惠代碼，即減$100！連稅計：名古屋$2,512起、大阪$2,546起、東京$3,000起！以 ANA 嚟講，呢口價飛名古屋 / 大阪都算唔錯！ 出發日期去到明年3月底，票價已包豐富飛機餐，仲有2件23kg寄艙行李！夠晒位帶多幾件厚衫、再 Shopping 掃貨都無問題啦！ 平飛唔係每日都有，想易啲搵到？可以上 ANA 官網用「比較前後三天的票價」功能睇多日票價，搵出最平日子後再去 Ctrip 用更抵價格預訂！ 航班時間： 名古屋 NH876 14:35-19:10 NH875 09:40-13:30 大阪 NH874 15:25-19:55 ...

飛歐洲除咗中東三寶，國泰都係個唔錯嘅選擇，勝在係直航機、唔駛轉嚟轉去！依家仲有優惠價，香港來回歐洲各地只需$4,489起 (連稅$5,030起)！2人同行飛英國更抵，只需$4,185起 (連稅5,519起)！ 1人成行，來回連稅計：阿姆斯特丹$5,030起、蘇黎世$5,111起、馬德里$5,193起、米蘭$5,220起、羅馬$5,259起、巴黎$5,409起、杜塞爾多夫$5,553起、哥本哈根$5,716起、法蘭克福$5,745起、布魯塞爾$5,756起、倫敦$5,881起、曼徹斯特$5,901起！2人同行，來回連稅每位計：曼徹斯特$5,519起、倫敦$5,526起！ 機票可停留1個月，Open jaw (不同城市出入) 都得，例如羅馬入、米蘭出，$4,557起 (連稅$5,167起)！票價包30kg寄艙行李額同飛機餐，加上國泰靚服務，抵玩！ 出發日期去到明年5月底，部分旺季不適用。其中布魯塞爾同哥本哈根航線係新開嘅，分別於明年3月及5月啟航；而杜塞爾多夫就只係營運至明年3月24日。 如果想易啲搵到平飛，可以先去國泰官網剔選「無指定旅遊日期（+/- 3 日）」搵最平日子，再去 Hutchgo 用更平價格預訂！ 預訂資訊： 出發日期： 即日-2017年12月31日、2018年1月8日-2月13日、2月19日-3月24日 2018年3月25日-3月27日、4月6日-4月10日、4月19日-5月31日 2018年5月2日-5月31日 即日-2017年12月31日、2018年1月8日-2月13日、2月19日-3月27日、4月6日-4月10日、4月19日-5月31日 寄艙行李限額：30kg 機票有效期：1個月 預訂日期：即日-2017年12月31日 預訂網址：https://www.hutchgo.com.hk