Big Fun Trip 旅遊情報

嘩！搭商務艙飛日韓，連埋稅都只係4千蚊左右！抵爆！講緊嘅係印度航空嘅最新優惠，坐商務艙香港來回首爾$3,439起 (連稅$3,966起)、大阪$3,540起 (連稅$4,077起)！ 兩個地點嘅航班都係早去午返，每星期有3 - 4班機，時間都唔錯！而且係用787夢幻客機執飛，商務艙有180度平躺嘅 Flat bed 座位，可以喺機上瞓個靚覺！正！ 出發日期去到明年5月底，無論冬天去睇雪、或者春天去賞櫻都得！票價仲包40kg寄艙行李額，就算冬天帶多幾件厚衫去、再 Shopping 掃貨都夠晒位！ 搜尋時，大家可以於 Hutchgo 剔選「彈性旅遊日期 (+/- 3日)」，會易啲搵到最平日子！同埋，記得喺「客艙級別」位置揀返「商務客艙」先搵到！ 航班時間： 香港來回大阪 AI314 08:05-12:40 (逢星期二、四、六) AI315 14:10-16:50 (逢星期二、四、六) 香港來回首爾 AI310 08:05-12:30 (逢星期一、三、五、日) AI317...

又可以平飛台灣 Hea 歎幾日啦！上 Expedia 預訂華航台灣套票，3日2夜連稅千三就搞掂！天氣涷涷地，飛過去歎番個養生火煱就最正啦！ 以入住最平住宿計算，台北 / 台中 / 高雄 / 台南「機票＋酒店」套票，連稅計：3日2夜$1,381起、7日6夜$1,585起！航班任揀，可以早機去晚機返！亦可以自訂旅程長短，最多可以玩8日7夜！ 以上價格係2人同行每位計，包華航 / 華信來回機票 (連30kg行李及飛機餐)、稅項、住宿。一人出發都得，不過會貴小小，因為無朋友仔同你攤分房價。 3日2夜「機票＋3/4星酒店」套票推介： (價格以2018年1月29日去、1月31日返為例) 華航機票＋艾特文旅 ★★★★｜連稅$1,616起 位於西門町嘅新酒店，去邊都咁方便，裝修走簡約路線，有點點文青味！ 華航機票＋新驛旅店西門捷運店 ★★★｜連稅$1,729起 新驛 design hotel 品牌位於西門町嘅精品酒店，客房設計用上大量插畫，活潑有生氣、具特色！位置亦夠晒方便，喺西門町捷運站3號出口隔離。 華航機票＋日暉酒店 (新酒店) ★★★★｜連稅$1,749起 2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！ ...

爆抵！東京4日3夜「機票＋酒店」連稅只需千九蚊！ 依家上 Expedia 預訂港航東京套票，4日3夜連稅只需$1,907起！有時去廉航買張來回機票連埋行李都唔止呢個數啦！票價係2人同行每位價格，包香港航空香港來回東京機票、20kg寄艙行李額、飛機餐、稅項及整個行程嘅住宿！ 出發日期介乎明年1月至7月中，大家可以自訂旅程長短，最耐可以玩到8日7夜！ 價錢的確係平，但航班時間唔係人人啱，去程係下午機，回程係早機。不過如果想慳多啲，可以考慮最後一晚唔 book 酒店，前一晚玩到盡，然後坐尾班車出機場，係機場 hea 下或去24小時餐廳食宵夜，跟住一早直接上機。 留意，預訂時要先揀酒店，後揀機票。大家揀完酒店後，再喺各大航空公司入面，揀番香港航空嘅航班就可以了。 4日3夜「機票＋3/4星酒店」套票推介： 以2018年4月8日去、4月11日返為例。 機票＋HOTEL MYSTAYS 東池袋 ★★★｜連稅$2,371起 酒店距離JR大塚站或地鐵新大塚約10分鐘步程，附近有24小時營業嘅超市及食店。 機票＋東新宿燦路都大酒店 ★★★｜連稅$2,786 酒店位於東新宿，位置極方便，對面就係東新宿地鐵站，行10分鐘可到伊勢丹百貨、歌舞伎町。 機票＋東新宿E酒店 ★★★｜連稅$2,813起 酒店喺JR東新宿A1 出口右邊，行30秒就到，附近有好多便利店、食店，非常方便！ 機票＋新宿東急酒店 ★★★★｜連稅$2,901起 位於新宿核心地帶，距離新宿車站只需7至8分鐘步程，附近商店、食肆林立。 機票＋APA 新宿歌舞伎町塔樓酒店 ★★★｜連稅$2,911起 酒店位置非常方便，酒店距離 JR 新宿站只有5-8分鐘步程，酒店附近就係歌舞伎町區，四周都有食店、便利店、酒吧。 機票＋新宿燦路都廣場大酒店 ★★★★｜連稅$3,395起 呢間酒店位置蠃晒！距離新宿車站只有3分鐘步程，而且機場巴士直達，唔駛拖住行李行餐死。四周就係各大商場、百貨公司，樓下就有食店、便利店。房間更加係舒適、整潔。 除以上推介，大家可以自選酒店，如果想喺行程中住唔同嘅酒店，於搜尋時揀「我只需要在部分旅程中入住酒店」就得。 出發日期介乎明年1月至7月，平飛唔係日日有，想易啲搵到平飛，可以先上官網用「查看7日票價」模式瞲下邊日有平先 (票價連稅$2,218嘅日子就係目標)，然後再上 Expedia 以更抵價錢買套票。 預訂資訊： 出發日期：2018年1月8日-2018年2月12日、2月19日-3月27日、4月2日-4月26日、4月29日-6月28日、7月1日-7月13日 機票有效期：2-7日 (最多可停留8日) 免費寄艙行李：20kg 預訂日期：即日-2017年12月8日 (售完即止) 預訂網址：http://www.expedia.com.hk (以網頁版訂為佳)

溫哥華航線喪減大混戰！繼國泰推出癲價追擊港航，加航亦都加入減價戰！小編就一次過 show 晒三大航空公司嘅優惠出嚟！方便大家選擇！ 加拿大航空．直航來回溫哥華｜$2,540起 (連稅$3,189起) 出發日期：即日-2018年3月25日、4月9日-6月30日、9月1日-9月30日 預訂日期：即日-2017年12月11日 停留期限：1個月 寄艙行李限額：2件23kg 香港航空．直航來回溫哥華｜$2,550起 (連稅$3,161起) 出發日期：2018年1月11日-5月31日 預訂日期：即日-2017年12月8日 停留期限：1個月 寄艙行李限額：2件23kg 國泰航空．直航來回溫哥華｜$2,750起 (連稅$3,361起) 出發日期：2018年1月11日-2月13日、2月19日-5月31日 預訂日期：即日-2017年12月11日 停留期限：1個月 寄艙行李限額：2件23kg 論價錢，加航同港航只係爭十零廿蚊，而國泰就貴二百蚊，但其實三間個價都好抵搭！至於出發時間，加航就遠至明年9月，其餘2間都係去到明年5月。 預訂資訊： 出發日期：參考上述 機票有效期：1個月 預訂日期：參考上述 (售完即止) 預訂網址： http://www.cheapflights.com (買加航) http://www.wingontravel.com (買港航)  http://www.cathaypacific.com (買國泰)

搭國泰飛首爾，於官網預訂機票連稅$2,116起！上 ZUJI 預訂套票，4日3夜套票只需$2,252起！用埋 DBS 信用卡優惠代碼，仲可以再平！滿$5,000減$500、滿$2,000可減$200，抵爆！ 想玩多幾日嘅話，連稅計：5日4夜$2,338起、6日5夜$2,444起！大家亦可自訂行程長短，最耐玩到8日7夜！呢個銀碼係2人同行嘅每位價錢。 航班方面，去程可以揀下午2點機，回程預設咗係早機，加$100回程可改為下午機，加$200可改為夜機。 國泰．5日4夜首爾「機票＋3/4星級酒店」精選： (以下價錢以2018年3月19日去，3月23日返為例) 機票＋東大門高級 K 旅館 ★★★｜連稅$2,679起 位置優越，喺東大門歷史文化公園站5號出口一過馬路就到，行去東大門亦只需5分鐘，附近有唔少餐廳、小店。 機票＋K-POP 忠武路住宿酒店 ★★★｜連稅$2,776起 位置唔錯，距離地鐵乙支路3街站、忠武路站只有5分鐘步程，行去明洞購物區亦只需10分鐘。 機票＋首爾宜必思東大門大使酒店 ★★★｜連稅$3,071起 酒店位置佳，由地鐵東大門歷史文化公園站行去酒店只需1分鐘，同東大門購物區亦只有10分鐘步行距離。 機票＋明洞 STAY B 酒店 ★★★★｜連稅$3,172起 酒店位置好方便，過條馬路就係明洞商圈，走15分鐘就到東大門、首爾塔，距離地鐵乙支路3街站及忠武路站只有約5分鐘步程，旁邊就係機場巴士站！夠晒方便。房間空間充足，最小也有20平方米 (約215呎)。 機票＋明洞天空花園 1 號酒店 ★★★｜連稅$3,492起 明洞最方便酒店之一，樓下就係明洞大街，甚麼類型的商店都一應俱全，行去地鐵站更只需3分鐘。Skypark 連鎖集團旗下，信心有保證。 機票＋沙威酒店 ★★★★｜連稅$3,193起 酒店位置優越，明洞地鐵站7號出口過行3分鐘就到，酒店對面有間 Line Friend！ 以上只係小編精選，大家可以揀自己鍾意嘅酒店。另外，搜尋後所顯示未必係國泰嘅航班，大家可以按「更改航班」揀返國泰班次。 留意，持 DBS...

香港航空有隻抵玩首爾套票！如果淨買機票，官網賣緊連稅$1,607起！如果上 Expedia 或 Zuji 訂套票，首爾3日2夜「機票＋酒店」連稅$1,501起！更加抵！ 咁都不特止，如有 DBS 信用卡，上 Zuji 訂可以用埋優惠代碼額外再減 (訂滿$2,000減$200；訂滿$5,000減$500)！2人同行，用咗優惠代碼後，3日2夜套票每位$1,401起、4日3夜$1,467起、7日6夜$1,822起！以上價錢係以入住最平住宿為例。 另外，如果上 Expedia 訂並申請成為 Expedia+ 會員，就可以儲分數！每訂滿$5可獲1分，滿3,500分即可兌換一張$200 酒店優惠券。 航班時間係下午機或晚機去，早機或晚機返。如想改其他航班加$200起 (視乎日子而定)。 港航．首爾3日2夜「機票＋3/4星酒店」推介： (以2018年3月18日去，3月20日返為例，2人同行用咗DBS優惠代碼後每位價錢。) 機票＋東大門高級 K 旅館 ★★★｜連稅$1,582起 位置優越，喺東大門歷史文化公園站5號出口一過馬路就到，行去東大門亦只需5分鐘，附近有唔少餐廳、小店。 機票＋K-POP 忠武路住宿酒店 ★★★｜連稅$1,631起 位置唔錯，距離地鐵乙支路3街站、忠武路站只有5分鐘步程，行去明洞購物區亦只需10分鐘。 機票＋首爾宜必思東大門大使飯店 ★★★｜連稅$1,778起 酒店位置佳，由地鐵東大門歷史文化公園站行去酒店只需1分鐘，同東大門購物區亦只有10分鐘步行距離。 機票＋明洞 STAY B...

要去日本中部玩，搭頂級嘅 ANA 全日空就最歎！依家去 Expedia 機票＋酒店一齊訂，可以慳得更多，平過就咁訂機票！ 以入住最平住宿為例，2人同行 ANA名古屋「機票＋酒店」每位連稅：4日3夜$3,292起、5日4夜$3,462起、6日5夜$3,631起！ 價格包晒所有住宿、ANA 香港來回名古屋機票、稅項、豐富飛機餐、2件23kg 寄艙行李額！1人出發都得，但因為無朋友仔同你攤分房價，所以會貴小小。 2018年3月底前出發都有優惠套票，旺季日子不適用。大家仲可以自訂行程長短，最耐玩到8日7夜，亦都可以自選酒店！想於行程中入住唔同酒店都得，只要於搜尋時揀「我只需要在部分旅程中入住酒店」就可以設定啦！ ANA 名古屋5日4夜「機票＋酒店」推介： (以2018年2月4日去，2月8日返為例，2人同行每位連稅計) 機票＋Hotel MyStays 名古屋榮 ★★★｜連稅$3,635起 酒店位置旺中帶靜，距離榮站只有10分鐘腳程，交通方便。 機票＋名古屋榮東急REI飯店 ★★★｜連稅$3,760起 酒店位於市中心，距離伏見或栄地下鐵只需10分鐘步程，JR名古屋站也只是15分鐘，位置算係唔錯！ 機票＋名古屋榮區天然溫泉多米高級旅館 ★★★｜連稅$4,058起 酒店喺正市中心，位置優越，距離 Sakae 及 Fushimi 地鐵站僅4分鐘步程，而最大賣點係設有天然溫泉浴池！無錯！喺市心竟然有天然溫泉可以浸！而且四周圍遍佈食店同商店，搵嘢食同shopping 話 咁易。 機票＋名古屋站前大和魯內酒店 ★★★★｜連稅$4,102起 酒店距離 JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。 預訂時，係先揀酒店，再揀 ANA 嘅航班。大家可以喺右邊「包括的航空公司」剔選「全日本空輸」，會更快搵出以上優惠！ 如果想易啲搵出優惠套票，可以上...

爆抵！沖繩3日2夜套票連稅只需千二蚊！經 ZUJI 訂香港航空沖繩套票，3日2夜「機票＋酒店」連稅只需$1,324起！如有DBS信用卡，可以用埋優惠代碼額外再減 (訂滿$2,000減$200；訂滿$5,000減$500)！2人同行，用咗優惠代碼後，3日2夜套票每位$1,224起！想去夠一個星期嘅話，7日6夜亦只需$1,779起！抵過分開機票同酒店訂！以上價錢係以入住最平住宿為例。 香港港航．沖繩3日2夜「機票＋3/4星酒店」推介： (以2018年3月4日去，3月6日返為例，2人同行用咗DBS優惠代碼後每位價錢。) 機票＋沖繩勞卡客棧 ★★★｜連稅$1,346起 酒店位於那霸市中心，周邊有唔少小店、酒吧，想行去熱門嘅國際通約15分鐘步路。酒店提供嘅早餐美味，而女士入住可獲美容禮品！ 機票＋沖繩那霸微笑飯店 ★★★｜連稅$1,501起 酒店位置方便，距離「單軌列車．美荣橋站」約8至10分鐘步程，而OTS租車公司就係旁邊。附近有 Lawson 便利店及24小時營業食店。 機票＋沖繩那霸美居飯店 ★★★★｜連稅$1,531起 酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。 機票＋沖繩紅色星球那霸酒店 ★★★★｜連稅$1,674起 酒店喺那霸市中心，非常方便，而且乾淨企理！距離美榮橋單軌列車站僅5分鐘步程，行去泊村碼頭更只需3分鐘，行去國際通大街亦只需10分鐘步程。搭15分鐘車就到首里城同那霸機場。 機票＋WBF 那霸國際通藝術酒店 ★★★｜連稅$1,715起 位於那霸市中心，距離國際通只有2分鐘步程，行去「單軌列車．美榮橋站」亦只需5分鐘。樓下有任食燒肉店，四周亦有其他食店、藥妝店、停車場等。 套票可以自選其他酒店，亦可自訂旅程日數，最長可以玩8日7夜。 航班時間係早機去，中午機返。如回程想改晚機亦只需加$280起 (視乎日子而定)。 出發日期介乎明年1月至5月，平飛唔係日日有，想易啲搵到平飛，可以： 1. 先喺 ZUJI 搜尋香港至大阪來回機票，淨機票最平$747起 (連稅$1,073起)； 2. 再 click 入 ZUJI 套票版面，用同一日子搜尋套票。 留意：ZUJI 個預訂系統將沖繩分開咗唔同區域，包括沖繩北部 (North...

近排多咗粉絲問聖誕同農曆新年嘅日本機票，想喺呢啲超級旺季去日本，一定無可能會有淡季嘅價錢，策略係搵比較優惠嘅價格！小編搵到中旅社呢個「90週年．聖誕及農曆新年」日本機票勁減$990優惠！即刻同大家 review 一下，今次就將中旅個價錢同 HK Express 官網個價比一比，發現中旅社個價的確平過官網非常之多，而且仲包來回各20kg 寄艙行李 (價值$458)。以旺季嚟講，確係幾吸引！ 以下價格嘅比較，係同一航班下，係中旅社及HK Express 官網所購得嘅價格。同時，也將來回各20kg寄艙行李嘅費用納入比較之內。 大阪 聖誕出發 (12月21日去，12月25日返)： 中旅價 (免費送20kg寄艙行李)：原價$3,870 特價$2,880起 (連稅$3,400起) HK Express 官網價：$3,356起 (連稅及行季費$4,297起) 航班時間： 12月21日 UO686 09:15-13:50 12月25日 UO1845 20:15-23:45 名古屋 聖誕出發 (12月22日去，12月26日返)： 中旅價...

除咗尋日介紹嘅港航大阪套票，仲有以下呢隻3日2夜連稅唔駛一千蚊嘅台北套票！ 香港航空嘅 Mega Sale 台北機票連稅$914起！如果經 ZUJI 訂香港航空台北套票，3日2夜「機票＋酒店」連稅只需$1,071起！如果有 DBS信用卡可以用埋套票優惠代碼額外再減 (訂滿$2,000減$200；訂滿$5,000減$500)！2人同行，用咗優惠代碼後，3日2夜每位$971起！抵過分開咁訂！以上價錢係以入住最平住宿為例。套票可以自訂旅程日數，最長可以玩8日7夜。 航班方面，最平嘅價錢去程可以揀中午機或晚機 (視乎供應)；回程預設咗係早機，加$80可改為中午機，加$200可改為夜機返。 小編有個建議俾大家，如果想早機去晚機返，亦都可以考慮補少少錢改搭華航，3日2夜套票連稅只需$1,316起 (用 DBS優惠碼後價錢)！唔單止航班任揀，仲包30kg寄艙行李。 港航4日3夜「機票＋3/4星酒店」推介： (以2018年1月29日去，1月31日返為例，2人同行用咗DBS優惠代碼後每位價錢。) 機票＋艾特文旅 ★★★★｜連稅$1,183起 位於西門町嘅新酒店，去邊都咁方便，裝修走簡約路線，有點點文青味！ 機票＋路徒行旅 ★★★★｜連稅$1,322起 酒店設計走時尚工業風，用色以白、黑、木色為主，感覺非常舒適！最小嘅房間約有14平方米 (約151尺)。最重要係價錢平，抵住。 機票＋德立莊酒店 ★★★｜連稅$1,375起 位於西門嘅町嘅商務酒店，企企理理，位置就喺正捷運站隔離，好方便！ 機票＋Hotel 73 新尚旅店 ★★★｜連稅$1,412起 旅店位置優越！距離捷運東門站只有3分鐘步程，行去永康街商圈、中正紀念堂只需5分鐘。距離台北101、信義區亦只需10分鐘車程。精品客房設計獨特，展示咗當地藝術家嘅原創作品。 機票＋富驛時尚酒店台北南京東路館 ★★★★｜連稅$1,420起 酒店位於中山區，行去捷運南京復興站只需5分鐘，附近就係遼寧夜市，搵食無難度！步行至台北小巨蛋只需10-15分鐘！ 除咗以上推介，大家可以自由揀選其他酒店。 出發日期介乎明年1月至7月，平飛唔係日日有，想易啲搵到平飛，可以： 1. 先喺 ZUJI 搜尋香港至台北來回機票，淨機票最平$529起 (連稅$914起)； 2. 再 click...