Big Fun Trip 旅遊情報

Expedia 推出3至4星酒店優惠，全部唔駛$499，每晚更低至$43起！預訂嘅時候更可以同時用埋指定信用卡嘅優惠代碼額外再有多9折，詳情請參考此頁底部 (跳至信用卡優惠代碼)。 推介酒店 (用咗優惠碼再額外9折後)： 難波稻荷 WBF 大酒店 ★★★｜連稅$323起 (預訂) 2017年新酒店！位於難波，距離 JR 難波站只需7分鐘步程！十分方便！行去附近購物街或主要景點如固力果招牌只需約10分鐘步程。 大阪東急 REI 酒店 ★★★｜連稅$437起 (預訂) 位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！ 赤坂頂級住宿酒店 ★★★｜連稅$476起 (預訂) 酒店於2016年7月開業，距離千代田線嘅赤坂站只有3分鐘步程，鄰近六本木，前往東京塔亦只需25分鐘車程。樓下就有7-11。  東新宿東歌舞伎町 APA 酒店 ★★★｜連稅$486起 (預訂) 酒店位於新宿歌舞伎町，距離東新宿車站 A1 出口只有3分鐘步程，超方便！客房係典型 APA 品牌格局，面積不大但企理舒適。 札幌景觀大通公園酒店...

正呀喂！除咗今朝介紹嘅港航暑假平飛台北優惠，仲有隻更正嘅暑假飛札幌優惠！夏天嘅北海道一樣精彩，除咗可以睇花睇熏依草，仲可以去星野度假村睇雲海絕景！夏天先至有㗎！ 暑假出發，香港直航來回札幌只需$2,860起 (連稅$3,187起)！平飛數量唔多。另外，仲有隻$3,230起 (連稅$3,557起) 嘅價位，就有多啲日子可以揀。 航班時間靚仔，可以早機去下午機返，時間好好用！ 旅行日期介乎7月14日至8月31日。平飛唔係日日有，想易啲搵到平飛，可以用「查看7天票價功能」，一次過睇晒前後7日邊日有平飛。又或者參考以下平飛日子分佈。 連稅三千五或以下平飛日子分佈 (僅供參考)： 去程：7月26,31日、8月1,6-11,13-18,20-25日 回程：8月2,13,17,20,21,23,24,26,28-30日 港航係傳統航空公司，包20kg寄艙行李同飛機餐！ 預訂資訊： 旅行日期：2017年7月14日-8月31日 (指定日期，平飛日子參考上述) 停留期限：2-7日 免費寄艙行李限額：20kg 預訂日期：即日起 預訂網址：http://www.hongkongairlines.com 留意：大家揀完機票後，港航個預訂系統會自動幫你揀高一級價錢嘅「自在飛」票類，並且彈出pop up 問你是否同意買「自在飛」嘅票類！如果無需要「自在飛」所包嘅附加項目，記得係「自在飛同意書」嘅右上角click 交叉關閉個 pop up ，然後揀番「優惠經濟客艙」嘅類別。

又有大家至愛嘅日本平飛啦！連稅六百五飛沖繩！爆抵！ 樂桃香港官網會係今晚12點 (5月26日00:00) 推出限時48小時香港出發優惠！ 香港出發，單程飛沖繩$198、大阪$328 來回連稅：沖繩$651，大阪$1,031 旅行日期介乎6月8日至10月26日。 以上價錢未包寄艙行李及機上餐點。提提大家，樂桃減咗行李費，寄艙行李每程每件20kg以下$216。留意行李係以每件計，如果超過20kg，會當超重計。 大阪．航班時間： 去程：MM64 12:30-17:15、MM68 00:35-05:20 回程：MM63 08:50-11:45、MM67 21:00-23:55 沖繩．航班時間： 去程：MM964 12:30-16:15 (一、五、六) 回程：MM965 13:15-14:55 (一、五、六) 預訂資訊： 旅行日期： 2017年6月8日-7月20日、8月28日-10月26日 2017年8月25日-10月26日 預訂日期：2017年5月26日-5月27日 預訂網址：http://www.flypeach.com 提提您： 如果訂飛時未有護照號碼係手，可以先打「000000」，之後可以打電話上樂桃航空香港免費改返 (電話：3013 4668．打通之後按2>2>1>1) 訂票時「電郵(手機)」留空就可以。 訂飛時輸入的名字唔可以有空格，例如Lok Bun，你要打Lokbun。

正喎！香港航空出咗隻暑假飛台北平飛！ 香港來回台北只需$770 (連稅$1,155)！7月至8月出發。 航班方面，去程主要係下午機或晚機，回程主要係早機或中午機。加$140起可以揀其他航班。 平飛唔係日日有，想易啲搵到平飛，可以用「查看7天票價功能」，一次過睇晒前後7日邊日有平飛。 預訂資訊： 出發日期：2017年7月14日-8月15日 訂飛日期：即日起 停留期限：2-7日 訂飛網址：http://www.hongkongairlines.com 留意：大家揀完機票後，港航個預訂系統會自動幫你揀高一級價錢嘅「自在飛」票類，並且彈出pop up 問你是否同意買「自在飛」嘅票類！如果無需要「自在飛」所包嘅附加項目，記得係「自在飛同意書」嘅右上角click 交叉關閉個 pop up ，然後揀番「優惠經濟客艙」嘅類別。

希爾頓酒店集團 (Hilton) 推出亞太區酒店低至65折限時優惠，登記做埋 Hilton 會員可享額外5%折扣等同6折呀！大家可以先去 Hilton 官網註冊免費會員。 今次多個旅遊熱門勝地如韓國、泰國、東南亞、澳洲等地酒店都有優惠。其中河內希爾頓花園酒店每晚連稅只係$527起、布吉希爾頓阿卡迪亞度假村$677起、曼谷素坤逸希爾頓逸林酒店$699起，關島希爾頓水療渡假村每晚連稅$927起，平時減完都要過千呀！ 部分優惠酒店價錢 (雙人房二人入住每晚連稅價)： 韓國： 首爾康萊德酒店 Conrad Seoul (連稅$1,150 起) 首爾希爾頓大酒店 Grand Hilton Seoul Hotel (連稅$1,214 起) 東南亞 : 河內希爾頓花園酒店 Hilton Garden Inn Hanoi (連稅約$527...

ANA / 國泰都做緊大阪優惠，套票當然亦有優惠價，「機票＋酒店」一齊訂可以慳更多，兼且再送您$150機場現金券！抵上抵！ 大阪「機票＋酒店」連稅：4日3夜$3,114起、5日4夜$3,204起、7日6夜$3,351起！出發日期至12月20日，回程最遲12月27日，即係話可以平飛日本過聖誕！以12月20日去，12月27日返為例，8日7夜連稅亦只需$3,399起！抵到跳舞！ 以上價錢為二人同行嘅每位價錢，已包來回大阪機票、整個旅程嘅住宿、46kg (ANA) 或 30kg (國泰) 寄艙行李、稅項！ 旅行日子可長啲或短啲，大家預訂時可以揀選其他日數，最長可以玩8日7夜。同時，亦可自選任何酒店。一人出發亦可，不過會貴啲。 留意番，預訂方法係先揀酒店，後揀機票。大家揀完酒店後，再揀ANA / 國泰航空嘅航班就可以了。 ANA / 國泰航空．大阪5日4夜套票推介： 以下價錢係以2017年9月3日去、9月7日返為例。 機票＋麗嘉中之島酒店 ★★★｜連稅$3,588起 酒店位於梅田，行去地鐵肥後橋站一分鐘都唔駛，同時近京阪缐，出入非常方便。酒店大堂有便利商店，很方面，對面有 Starbucks 及24小時營業嘅食店。 機票＋南船場哈頓酒店 ★★★｜連稅$3,919起 位置非常方便，距離地鐵心齋橋站北5號出口只係2分鐘步程，走路到心齋橋商店街亦只係3分鐘，酒店旁邊有便利店。 機票＋大阪難波陽光之路酒店 ★★★｜連稅$3,953起 位置極佳，日本橋站6號出口附近，行去道頓堀、黑門市場只需3-5分鐘。 機票＋大阪東急 REI 酒店 ★★★｜連稅$3,982起 位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！ 機票＋梅田 OS 酒店 ★★★｜連稅$4,007起 位置優越！距離JR大阪站、阪急梅田站只有7分鐘步步程。阪急百貨、大丸、淀橋卡梅拉等大型購物點就係附近。 機票＋大阪心齋橋西佳酒店 ★★★★｜連稅$4,051起 酒店位於難波，行去心齋橋只需10分鐘，距離地鐵長堀橋站只有1分鐘路程，非常方便。另外，一出門口就有便利店。 機票＋大阪蒙特利格拉斯米爾酒店...

係呀！又係新航呀！除咗尋晚介紹嘅70週年優惠，今晚12點仲有新一期 iLoveSQ 優惠！ 今期三個航點，包括印尼泗水、三藩市、杜拜。 香港經新加坡來回泗水$979 (連稅$1,425)、杜拜$2,751 (連稅$3,330) 另外，香港飛三藩市單程$1,800 ($2,395) 出發日期介乎6至8月，視乎航點而定。當中杜拜可以暑假出發！ 新航已經包咗寄艙行李同飛機餐，仲有得儲哩數。 預訂資訊： 出發日期： 2017年6月1日-13日、2017年7月6日-20日 2017年6月2日-21日 2017年6月1日-8月31日 預訂日期：2017年5月25日00:00-5月26日23:59 優惠代碼：ILOVESQ 預訂網址：http://www.singaporeair.com

樂桃日本官網會喺聽晚 (5月25日) 11pm 推出回程優惠！ 沖繩飛香港單程只需3,490円 / $243 (連稅3,930円 / $274) 大阪飛香港單程3,690円 / $257 (連稅5,670円 / $395) 旅行日期介乎6月6日至10月28日，估計平飛集中喺9月同10月。 大阪無航班限制，回程有機會揀晚機返 以上價錢並未包括寄艙行李及機上餐點嘅費用，寄艙行李每程每件20kg以下2,800円。 航班時間： 大阪飛香港：MM63 08:50-11:45、MM67 21:00-23:55 沖繩飛香港：MM965 13:15-14:55 (一、五、六) 預訂資訊： 出發日期： 2017年6月6日-7月20日、9月1日-10月28日 2017年9月1日-10月28日 預訂日期：2017年5月25日11pm-5月28日11pm 預訂網址：http://www.flypeach.com (必需經英文/日文網站搜尋) 提提您： 如果訂飛時未有護照號碼係手，可以先打「000000」，之後可以打上樂桃航空香港 (3013 4668) 免費改返。 ...

新加坡航空有隻二人同行飛澳洲優惠！香港經新加坡來回澳洲各城市只需$2,299起！ 來回連稅：墨爾本$3,120、布里斯本$3,167、悉尼$3,193！出發日期由8月7日至12月21日 (日期間斷，詳細出發日期請見頁底)。 連稅三千一坐五星級新航飛澳洲，屬必搶價啦！呢隻特價飛可以上 Ctrip 或 Hutchgo 出發，價錢平過官網依家個70年優惠價幾十蚊至一百蚊。不過上官網買就可以儲埋里數，而 KrisFlyer 會員更可以換取額外樟宜機場消費SGD50現金劵 (詳情)﹐而其他旅客只可以喺樟宜機場領取SGD20。 呢隻優惠票最長可以停留14日，同時可以 Open Jaw (即去程及回程可由不同地方進出)。如需購買 Open Jaw 平飛，需上 Hutchgo 出發。 新航飛澳洲係需要喺新加坡轉機嘅，但轉機時間唔算長，而轉機期間仲可以去買斑蘭蛋糕添。 係轉機果陣，可以去樟宜機場第二或第三航廈轉機區的退稅櫃台旁嘅 iShopChangi Collection Centres，同時出示含有全程各航段的電子機票與抵達班機的登機證及護照，即可領取SGD20嘅機場購物現金劵。 預訂資訊： 出發日期：2017年8月7日-9月23日、10月3日-12月21日 機票有效期：2-14日 寄艙行李限額：30kg 預訂日期：即日-2017年6月30日 預訂網址  http://www.ctrip.com.hk (連稅：墨爾本$3,120、布里斯本$3,167、悉尼$3,193)  http://www.hutchgo.com.hk (連稅：墨爾本$3,214、布里斯本$3,260、悉尼$3,286)

正喎！澳門粉絲留意啊！首爾航空推出7至10月早鳥優惠，連暑假都照減！ 澳門來回首爾MOP717 (連稅MOP1,141)！10月28日前出發。 首爾航空包23kg 寄艙行李及機上飲品！連稅千一蚊咁都唔抵？ 7月中仲有少量平飛，啱嘅話可以上官網搶！ 留意見到去程票價KRW50,200 (澳門飛首爾) 或回程KRW50,200 (首爾飛澳門) 即係今次嘅優惠價。 航班時間： 去程：RS524 00:55-05:20、RS522 16:45-21:25 回程：RS521 12:40-15:15 (一、三、四、六)、13:35-16:10 (日)；RS523 21:00-23:55 (二、五) 預訂資訊： 出發日期：2017年7月1日-10月28日 訂飛日期：即日-5月29日13:59 停留期限：不限 寄艙行李限額：23kg (如需另外加購，最多可額外加多3件各23kg，每件價錢為KRW80,000) 訂購網址：https://flyairseoul.com/CW/zh/main.do