Big Fun Trip 旅遊情報

全球最佳航空阿聯酋航空延續歐洲優惠，連埋稅最平只係三千五起！出發日期仲去到2017年11月尾！搭長途機最緊要係坐得舒服，呢啲價位可以坐全球最佳航空飛歐洲，直情物超所值！ 來回票價： 香港經杜拜來回歐洲各地$2,967起 (連稅$3,565起) 來回連稅：伊斯坦堡$3,565、阿姆斯特丹$3,590起、日內瓦$3,730、羅馬$3,818、馬德里$3,854、漢堡$3,879、米蘭$3,887、巴黎$3,888、哥本哈根$3,939、斯德哥爾摩$3,982、巴塞隆拿$4,049、慕尼黑$4,074、維也納$4,099、蘇黎世$4,108、杜塞爾多夫$4,127、法蘭克福$4,256、布魯塞爾$4,298、倫敦$4,435、曼徹斯特$4,681 出發日期由即日至2017年11月16日 (部份日子除外) 呢隻優惠可以中停玩埋杜拜，只需俾多約$180機場稅。 另外，可以Open Jaw (即去程及回程由唔同地方進出)，玩完唔同城市之後都唔駛走回頭走。Open Jaw 有機會比同一地方來回仲要平。尤其係倫敦離境稅貴，唔經倫敦走可以慳番一千蚊。 如想易啲搵到Open Jaw 平飛，大家可以先search 來回地點A，記低有平飛嘅日子，然後再search 來回地點B，同樣記低有平飛嘅日子。最後，將地點A及地點B 有平嘅日子互相配搭，用「多個目的地」功能去search，咁就搵到Open Jaw 平飛㗎啦！ 上Ctrip 出飛平過喺官網買！ 預訂資訊： 出發日期：即日-2017年1月24日、1月30日-4月11日、4月18日-6月29日、9月10日-9月28日、10月3日-11月30日 停留期限：3日-1個月 免費寄艙行李：30kg 預訂日期：即日-2017年1月9日 預訂網址：http://www.ctrip.com.hk *Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。另外，佢預設咗旅遊保險嘅費用，如無需要，輸入出生日期後可自行剔除。

國泰有隻二人同行飛台北優惠，如果「機票＋酒店」一齊訂，可以慳得仲多啲添！ 台北「機票＋酒店」連稅：3日2夜$1,333起、4日3夜$1,399起、5日4夜$1,465起！ 以上為二人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至2017年7月6日 (日期間斷，詳情見頁底資料)。 航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。 一人出發亦可，不過會貴啲，因為無朋友仔同你攤分房價。 留意，訂法係先揀酒店，後揀機票。大家揀完酒店後，再揀國泰嘅航班就可以了。 國泰．4日3夜「機票＋3/4星酒店」套票推介： 機票＋HOTEL PAPA WHALE ★★★★｜連稅$1,683起 (詳情) 2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與SOHO都會風，夠型格！房間唔算大，最細嘅房約13平方米 (約140尺)，但好抵住！ 機票＋艾特文旅 ★★★★｜連稅$1,763起 (詳情) 艾特文旅位於西門町嘅新酒店，去邊都咁方便，裝修走簡約路線，有點點文青味！ 機票＋台北門精品飯店 ★★★★｜連稅$1,832起 (詳情) 新酒店！設計有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！最小的客房有約16平方米 (172平方尺)。 機票＋台北約克設計旅店 ★★★｜連稅$1,844起 (預訂) 酒店位於台北中心樞紐，距離台北車站只有3分鐘腳程，誠品、戲院、台北車站通通可以步行而至，喺隔離街就有港人大愛嘅咖啡弄。設計走時尚工業風，都幾型！ 機票＋德立莊酒店 ★★★｜連稅$1,849起 (詳情) 德立莊位於西門嘅町嘅新酒店，就喺正捷運站隔離，講位置赢晒！ 機票＋新驛旅店西門捷運店 ★★★｜連稅$2,087起 (詳情) 呢個走design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。 機票＋台北西門町意舍 ★★★★｜連稅$2,126起 (詳情) 意舍佈置簡約具型格，房間夠大，樓下就是誠品！位置便利，距離西門町捷運站僅5分鐘腳程。 機票＋六福居公寓式精品酒店 ★★★★｜連稅$2,542起 (詳情) 位於中山區，係林森公園隔離，距離中山捷運站和新光三越僅4-5分鐘腳程。房間夠大，豪華又舒適！ 除咗以上介紹，大家可以自選任何酒店，亦可轉搭其他航空公司如長榮。 另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 提提您，訂嘅時候，可選擇以「價錢」從低至高排起，咁就可以方便啲搵出最平套票啦。 預訂資訊： 旅行日期：即日-1月24日、2月4日-3月30日、4月2日-4月11日、4月17日-4月27日、5月1日-5月25日、5月28日-7月6日 停留期限：2-7日 免費寄艙行李：30kg 預訂日期：即日-2017年2月28日 預訂網址：http://www.expedia.com.hk

Expedia 新一輪全球酒店低至4折快閃優惠！ 今期嘅優惠酒店涵蓋全球共1,506間酒店，預訂時見到銀碼下有「超筍優惠」嘅標示，即係今次嘅優惠嘅精選酒店！優惠只限時72小時，最後訂房時間係1月5日11:59pm。 推介酒店：  赤坂蒙特利酒店 ★★★★｜連稅$792 (預訂) 位於赤坂見附站 (東京地下鐵丸之內線)，從A出口到酒店僅350米。到新宿、銀座、池袋唔駛轉線，非常方便。 西梅田哈頓酒店 ★★★★｜連稅$534起 (預訂) 講位置無得輸！距離大阪站及機場巴士站僅3分鐘步程，想去難波、心齋橋shopping，又或者去日本環球影城亦只需搭15分鐘地鐵。 大阪蒙特利格拉斯米爾酒店 ★★★★｜連稅$832起 (預訂) 酒店座落於JR難波站上蓋，十分方便！ 距離遊客區如心齋橋、道頓掘等熱點僅6-8分鐘腳程。酒店樓下就有超市。 新札幌燦路都大酒店 ★★★｜連稅$447起 (預訂) 位於大通公園旁邊，去雪祭好方便，行去狸小路shopping 或去大通地鐵站搭車亦只需5分鐘。更重要嘅係價錢非常平，而質素又唔錯！ 第一明洞酒店 ★★★｜連稅$657起 (預訂) 2016年11月新開幕酒店，位置唔錯，距離乙支路地鐵站僅3分鐘步程，行去明洞商圈亦只需10分鐘。酒店有免費Wi-Fi、有健身室。客房方面，除了雙人房外，還設有三人房及家庭房。 路徒行旅 ★★★★｜連稅$524起 (詳情) 2016年4月開張嘅新酒店，喺西門町入面，去邊都咁方便。酒店設計走時尚工業風，用色以白、黑、木色為主，感覺非常舒適！最小嘅房間約有14平方米 (約151尺)。最重要係價錢平，抵住。 曼谷是隆中央酒店 ★★★★｜連稅$621起 (預訂) 距離Saphan Taksin BTS 站僅5分鐘腳程...

Expedia 旗下嘅民宿網HomeAway 出咗隻新年優惠碼「CNY17」，預訂任何住宿，輸入優惠碼後即享額外92折！ HomeAway 喺全球精選咗超過100萬個啱晒度假嘅住宿，而住宿嘅類型亦好精彩！大路嘅公寓、別墅、樓房、小木屋當然有，就連船隻、樹屋都有，咁都不特止，誇張到連成個島都有得租！好似小編咁鐘意日式建築嘅話，更加可特別留意日式樓房，有唔少和式房子可以揀！ 有興趣嘅話，可以上HomeAway 睇睇！ 預訂資訊： 入住日期：不限 預訂日期：即日-2017年1月31日 優惠碼：CNY17 預訂網址：http://www.homeaway.hk

香港航空終於開賣溫哥華新航線喇！以後平飛加拿大可以多個選擇啦！ 香港航空會係6月30日開通直飛溫哥華新航線，每日一班。 香港來回溫哥華只需$3,700，連稅$4,252！價錢正正常常，平過國泰同加航幾百，唔知大家會點揀呢？ 當然以港航近期嘅玩法，遲啲好大機會以低價出擊！如諗住淡季日子先出發，唔急嘅話不妨等等。但如果暑假旺季出發，來回$4,800，連稅$5,352，就真係值得入手！ 呢條線，香港航空包左2件23kg寄艙行李。 航班時間： 去程：HX080 12:30-10:10 回程：HX081 12:10-16:50+1 預訂資訊： 出發日期：2017年6月30日-7月4日、9月16日-9月28日、10月3日-10月26日 停留期限：1個月 預訂網址：http://www.hongkongairlines.com

德國漢莎航空、奧地利航空、瑞士航空三個好拍檔，再度聯手推出歐洲優惠！ 香港經德國/瑞士/奧地利來回歐洲各地只需$2,450起！ 來回連稅：漢堡$4,069起、巴黎$4,152起、米蘭$4,189起、羅馬$4,353起、斯德哥爾摩$4,385起、阿姆斯特丹$4,440起、馬德里$4,449起、杜塞爾多夫$4,599起、柏林$4,611起、里斯本$4,625起、倫敦$4,952起 整體價格同之前嘅優惠差唔多，連埋稅四千蚊起跳都算係可以入手嘅範圍。不過里斯本同、倫敦個價位就略為高咗少少，唔急住要飛嘅話可以睇埋其他航空公司。 呢隻優惠可以Open Jaw (回程可由不同城市返港)，一票玩多個城市唔駛走回頭路。去程同回程可以自由搭配幾間航空公司，例如去程坐漢莎、回程坐瑞航，更具彈性之餘，亦可以試下唔同航空公司嘅服務。 呢張飛唔可中停，如果想中途入境玩快閃，可以揀一啲轉機時間較長嘅航班，當係自製中停。 預訂資訊： 出發日期：即日-2017年6月24日 (旺季除外) 停留期限：1個月 預訂日期：2017年1月5日前 (售完即止) 預訂網址：http://www.expedia.com

ANA全日空依家做緊日本優惠，來回名古屋$2,239起 (連稅$2,672起)、大阪$2,273起 (連稅$2,738起)、東京$2,647起 (連稅$3,080起)！如果「機票＋酒店」一齊訂，可以更加抵！ 5日4夜「機票＋酒店」連稅：大阪$3,081起、名古屋$3,245起、東京$3,642起、京都$3,316起！ 以上為二人同行嘅每位價錢，已包來回機票、住宿、2件各23kg寄艙行李、稅項！當中，大阪同名古屋全包都只係三千頭，相當吸引！東京雖然要三千六起，但勝在可以揀早機去晚機返。 旅遊日期唔一定5日4夜，可長啲或短啲，最多8日7夜。出發日期由即日起至2017年6月30日 (日期間斷，詳細出發日期見頁底)。小編幫大家睇過，大阪、名古屋、京都嘅平套票集中喺5至6月；而東京嘅平套票就集中喺2至3月。 一人出發亦可，不過會貴啲，因為無朋友仔同你攤分房價。 留意，訂法係先揀酒店，後揀機票。大家揀完酒店後，再揀ANA全日空嘅航班就可以了。 ANA 5日4夜「機票＋3/4星酒店」套票推介： 機票＋名古屋榮區天然溫泉多米高級旅館 ★★★｜連稅$3,871 (預訂) 酒店喺正市中心，位置優越，距離Sakae 及Fushimi 地鐵站僅4分鐘步程，而最大賣點係設有天然溫泉浴池！無錯！喺市心竟然有天然溫泉可以浸！而且四周圍遍佈食店同商店，搵嘢食同shopping 話咁易。 機票＋名古屋站前大和魯內酒店 ★★★★｜連稅$3,996 (預訂) 酒店距離JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。 機票＋大阪東急 REI 酒店 ★★★｜連稅$4,019 (預訂) 位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！ 機票＋大阪蒙特利格拉斯米爾酒店 ★★★★｜連稅$4,828起 (預訂) 酒店座落於JR難波站上蓋，十分方便！ 距離主要景點如心齋橋、道頓掘等熱點僅6-8分鐘步程。酒店樓下就有超市。 機票＋赤坂蒙特利酒店...

Tigerair 台灣虎航將會喺今朝10點推出全線優惠！ 當中澳門飛台北/高雄單程只需$165！來回只需$330起，連稅$591起！價錢算係唔錯！ 提一提大家，喺虎航官網訂飛要另加每程$55預訂服務費，來回連稅加埋預訂服務費即係$701！ 出發日期由3月1日至6月30日。根據過往經驗，相信會有唔少平飛！至於復活節有無平？應該機會唔大喔！如想一次過玩晒唔同城市，大家仲可以自制Open Jaw，例如台北入高雄出，一次過玩哂兩地！ 另外，Expedia HK 通常會隨即開賣有關優惠，如果機票連埋酒店一齊訂，台北5日4夜連稅只需約$900，高雄北5日4夜連稅只需約$800！大家不妨趁開賣前，先去Expedia 揀定酒店先。 Tigerair 係廉價航空，機票價格並不包括寄艙行李及機上餐點。 澳門飛台灣寄倉行李費用：15kg 每程$96、20kg 每程$111、25kg 每程$125、30kg 每程$140、35kg 每程$206、40kg 每程$258。 預訂資訊： 出發日期：2017年3月1日-6月30日 停留期限：無限制 預訂日期：1月3日10:00-1月5日23:59 預訂網址 ：http://www.tigerair.com ：http://www.expedia.com 提提您：Tigerair 嘅預訂系統預設加咗「預付行李重量20公斤」，唔需要嘅話，可選擇「無托運行李」。此外，訂購虎航機票須付$55預訂及服務費 (每程計)。

國泰/國泰港龍 fanfares 第219期！明早 (1月3日) 8點開搶！ 來回票價： 昆明$790起 ($1,101起)、宿霧$890起 ($1,100起)、寧波$890起 ($1,201起)、河內$990起 ($1,406起)、清邁$1,290起 ($1,675起)、雅加達$1,390起 ($1,687起)、加德滿都$2,090起 ($2,607起)、名古屋$2,290起 ($2,670起)、蘇黎世$3,290起 ($3,834起)、洛杉磯$3,290起 ($4,056起)、曼徹斯特$3,990起 ($5,224起) 確實的出發日子及航班時間於星期二朝早8點在Fanfares 網站公佈。每期會分開自由揀日子及指定日子Last minute 出發。估計今期出發日期為2017年3月12日至3月25日，而指定日子優惠出發日期則介乎2017年1月5日至2017年1月16日。 經官網購買fanfares 優惠機票，商務艙可以賺取實際飛行哩數25%嘅Asia Miles。 預訂資訊： 出發日期：2017年3月12日-3月25日、2017年1月5日-1月16日 (指定日子優惠) 預訂日期：2017年1月3日8am-1月10日 預訂網址： 國泰官網 http://www.cathaypacific.com/fanfares 國泰港龍官網 http://www.dragonair.com/fanfares 此外，可以直接打去國泰訂位部 2747-1888、港龍訂位部 3193-3888 購買 fanfares...

踏入2017年，AirAsia 推出新一年飛東南亞優惠！如果想再平盡啲，可以上Expedia 連埋酒店一齊訂，地點包括曼谷、芭堤雅、清邁、布吉、沙巴 (亞庇)、吉隆坡。出發日期至2017年7月尾。 香港出發．「來回機票＋3晚酒店」連稅： 曼谷$983起、清邁$967起、布吉$1,357起、沙巴$1,141起、吉隆坡$1,182起！ 澳門出發．「來回機票＋3晚酒店」連稅： 芭堤雅$853起、曼谷$1,123起、清邁$1,107起、吉隆坡$1,090起！ 價錢已經包咗AirAsia 來回機票、3晚酒店住宿、稅項！旅程可長可短，可以選擇少啲日數或多啲日數都得。一人出發亦可，不過會貴啲，因為無朋友仔同你攤分房價。 當中明年2至6月會有比較多平價套票，7月暑假旺季就會貴一啲。 香港出發套票．套票推介： 以下套票價錢，以3月份最後一星期出發為例： 機票＋曼谷紅星蘇拉翁酒店 ★★★｜連稅$1,220起 (預訂) 酒店位於是隆，行去BTS Chong Nonsi 站只需5至8分鐘，行約10分鐘可到Sala Daeng。 機票＋泰德卡姆鄉村酒店 ★★★｜連稅$1,221起 (預訂) 酒店具泰北風情，精緻、環境寧靜，位於舊城外圍附近位置，十分方便，行去周六夜市只需5分鐘。 機票＋德蘭納酒店 ★★★★｜連稅$1,562起 (預訂) 位於舊城內，位置極佳，去邊都方便，行去周日步行街只需5分鐘，距離三王紀念碑約10分鐘步程。附近有唔少便利店、餐廳。 機票＋愛凱拉布吉海灘俱樂部酒店 ★★★★★｜連稅$2,255起 (預訂) 全新開幕嘅5星級酒店，位於納泰海灘 (Natai Beach)，距離普吉島國際機場僅有20分鐘車程，一落機直奔酒店就可以即刻同陽光玩遊戲！ 機票＋亞庇 1 婆羅洲途念酒店 ★★★｜連稅$1,320起 (預訂) 酒店位於位於1 Borneo...