Big Fun Trip 旅遊情報

ANA 全日空推出新一輪日本優惠，直飛日本只需$2,570起！ 來回連稅：名古屋$3,026起、大阪$3,304起 雖然之前試過連稅唔駛三千，但以ANA 嘅級數嚟講，連稅三千多少少其實都算係唔錯了，而且平過國泰。ANA 另一賣點就係每人包2件23kg (合共46kg) 寄艙行李，想搬個日本返香港都得。 出發日子去到2017年3月底，平飛集中喺平日出發，唔算難搵。 航班時間： 大阪： 去程 NH874 15:20-20:05 回程 NH873 10:55-13:45 名古屋： 去程 NH876 14:00-19:00 回程 NH875 09:40-13:00 預訂資訊： 出發日期：2016年10月1日-10月6日、10月9日-12月20日、2017年1月2日-1月24日、2月1日-3月31日 訂票日期：即日起 (售完即止) 停留限期：7日 預訂網址：http://www.hutchgo.com.hk

越捷航空將會喺12月9日起開辦香港飛胡志明市航線，並且會喺明日 (9月21日) 推出首航$0優惠！ 香港來回越南胡志明市只需$0 (連稅款及其他費用約$647) 起 單程同樣有優惠，可配合埋其他航空公司如HK Express 飛峴港、芽莊，又或者Jetstar 飛河內，就可以自製open jaw 啦！ 以上價格未包行李及飛機餐，20kg行李費用每程約$131。 呢個優惠會係9月21日香港時間1pm至3pm開搶，連賣3日，每日限賣2小時。 航班時間： 香港>胡志明市 VJ877 19:20-21:05 胡志明市>香港 VJ876 14:35-18:20 簽證資料：持特區護照去越南需要申請簽證，可考慮於網上辦理落地簽證，費用只需US$33 (HK$246)，比係灣仔辦事處搞平唔少 (詳情)！但要留意落地簽證過關時可能較為耗時。 預訂資訊： 出發日期：2016年12月9日-2017年3月31日 預訂日期：2016年9月21日-9月23日 (每日1pm-3pm或售完即止) 停留期限：不限 預訂網址：http://www.vietjetair.com

小編最鐘意秋季起行，唔太熱又唔太涷，呢啲天氣去旅行就最舒服，而去日韓更可以睇到紅葉添！ 濟州航空會喺後日 (9月22日) 9am 開賣首爾秋季特價飛！單程淨機票$450 (來回連稅$1,357) 起！價錢唔錯。 不過留意番，呢張特價飛並唔包免費寄艙行李 (只有手提行李10kg)，如想加購行李限額 (只限一件)，每件15kg $200，加埋單程就變成$650了。但如果超過15kg，去程額外每1件收費 (限15kg) $400；回程每1件收費 (限15kg) 就KRW60,000 (約$420)！收費唔平，如果賣多咗，可以考慮用EMS寄返香港。 又或者如果本身需要寄艙行李嘅話，官網依家都有隻單程$550連15kg 寄艙行李嘅平飛，會平過買特價飛再加行李。 航班時間： 香港>首爾 7C2108 01:25-05:55、7C2104 12:20-16:30、7C2102 13:35-18:15 首爾>香港 7C103 09:05-11:15 7C2101 09:55-12:35、7C2107 21:40-00:25+1日 預訂資訊： 出發日期：2016年9月23日-11月30日 (旺季除外) 預訂日期：售完即止 停留期限：不限 預訂網址：http://www.jejuair.net

國泰/港龍有隻台灣二人同行優惠！出發日期去到年尾，連横跨聖誕及跨年都搵到有平！ 香港來回台北$803 (連稅$1,137) 起、高雄$750 (連稅$1,133) 起 旺季向來好少減價，呢個價以超級旺季嚟講好吸引！而且依家國泰/港龍已將寄艙行李限額提升至30kg，shopping 同pack 行李就更鬆動啦！ 如想聖誕或跨年出發，以台北為例子，可以12月20日去，12月26日返，又或者12月29日出發，2017年1月3日返。 如想去外地過聖誕或跨年倒數，依家可以出手訂喇！ 優惠可以open jaw，即係去程同回程可以由唔同城市進出 (例如高雄入台北走)。如需要open jaw，可以用「多個目的地」功能去search。 航班都好多選擇，早去晚返當然得，晚去晚返亦都得！ 訂台北Ctrip 會較平，訂高雄或open jaw 嘅話，Hutchgo 會較平。 另外，長榮都做緊台北優惠，連稅$921起 (詳情)，大家不妨睇下邊個優惠啱自己多啲。 預訂資訊： 出發日期：即日-10月6日、10月9日-12月21日、12月28-29日 預訂日期：即日起 (售完即止) 預訂網址：  http://www.ctrip.com.hk (訂台北較平；需用電腦版預訂)  http://travel.hutchgo.com.hk (訂高雄或open jaw 較平) *提提您：記得人數揀2人或以上先會見到優惠。如上Ctrip 買，由於Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。

國泰/港龍出咗新一輪韓國優惠！出發日期去到2017年4月，包30kg行李！ 香港來回首爾、釜山、濟州只需$2,076起 來回連稅釜山$2,523、首爾$2,529、濟州$2,534！ 如有東亞信用卡，用指定優惠碼喺Zuji 訂可以再減多$200！來回連稅首爾$1,901 (連稅$2,358)。至於釜山同濟州，Zuji 定價略高，就算減咗東亞優惠碼果$200後，依然貴過喺Hutchgo 買。 優惠可以open jaw，去程及回程可以由不同地方進出。 留意濟州逢星期三、星期日先有航班 呢隻優惠無航班限制，視乎供應而定。 預訂資訊： 出發日期：即日-2016年10月6日、10月9日-12月21日、12月28日-12月29日、2017年1月1日-1月25日、2月3日-3月30日、4月2日-4月11日 預訂日期：即日-2016年11月15日 停留限期：2-7日 預訂網址： http://www.hutchgo.com.hk  http://www.zuji.com.hk (於付款頁輸入東亞信用卡優惠碼「BEA500LH」，每單即減$200，需以東亞信用卡付款。)

國泰/港龍 fanfares 第204期涵蓋11個城市$590起！ 來回票價： 海口$590 (連稅$905)、杭州$790 (連稅$1,105)、金邊$790 (連稅$1,194)、檳城$990 (連稅$1,331)、胡志明市$1,190 (連稅$1,568)、東京$2,390 (連稅$2,804)、大阪$2,590 (連稅$3,032)、巴黎$3,490 (連稅$4,235)、倫敦$3,990 (連稅$5,451)、芝加哥$3,990 (連稅$4,754)、三藩市$4,590 (連稅$5,354) 當中6個城市估計2016年11月27日至12月10日出發，另外5個城市為指定日子last minute 優惠，估計介乎2016年9月22日至10月3日出發。確實嘅出發日子及航班時間會係星期二朝早8點fanfares 網站公佈。一般嚟講，7點55分左右已經可以訂飛。 經官網購買fanfares優惠機票仲可以賺取實際飛行哩數25%既Asia Miles 預訂資訊： 出發日期：2016年11月27日至12月10日 (其中6個城市)、2016年9月22日至10月3日 (其中5個城市) 預訂日期：2016年9月20日-9月27日 預訂網址： 國泰官網 http://www.cathaypacific.com/fanfares 港龍官網 http://www.dragonair.com/fanfares 此外，可以直接打去國泰訂位部 2747-1888、港龍訂位部 3193-3888 購買 fanfares 機票。 提提您： 國泰港龍 Fanfares 網站一般係7:50am左右已經可以開始訂購。 Fanfares 訂飛不需要打護照號碼及有效期的，只需要姓名就可以訂飛。 經官網購買fanfares優惠機票仲可以賺取實際飛行哩數25%既Asia Miles。 優惠基本上都有地方係去程同回程為指定日子及指定航班嘅 Last Minute 優惠，而其他地方去程同回程都無限死一個日子。

Hotels.com 推出限時101小時日本酒店優惠，經指定連結訂房可獲低至5折優惠！配合埋以下優惠碼再折上折！ 預訂金額滿$2,888，可同時使用優惠碼「CHA288」，額外再減$288！ 優惠涵蓋日本大部分熱門旅遊地點，入住日期至11月8日。 另外，日本九洲都有另一隻低至3折嘅超級優惠，大家不妨睇埋。(詳情) 預訂資訊： 入住日期：即日-2016年11月8日 預訂日期：2016年9月23日23:59前 滿$2,888減$288優惠碼：CHA288 預訂網址：http://www.hotels.com 提提你：搵到心水酒店，可先上HotelsCombined 格下價，因為唔同預訂網都有唔同嘅優惠。 以上優惠代碼不適用於某些連鎖酒店集團，當輸入優惠代碼後會出現「此折扣代碼不適用於你想預訂的酒店」。

HK Express 會係今晚12點 (9月20日00:00) 推出Mega sale！全線單程$88 來回連稅：廣島/鹿兒島/高松/石垣島$431、福岡$504、芽莊$555、台中/花蓮$561、峴港$568、曼德勒/仰光$612、釜山/濟洲$593、東京/名古屋$624、清萊/清邁/布吉$614、暹粒$631、首爾$635、大阪$659 主要航點旅行日期由10月4日至2017年7月13日；另外，石垣島、仰光、高松由10月4日至3月25日；曼德勒由10月4日至10月28日；清萊由11月25日至3月25日；花蓮由12月6日至3月25日；芽莊11月9日至3月25日。 以上價錢未包行李寄艙及機上餐飲。 行李寄艙費用：20kg $260、25kg $360、30kg $365 如果需要行李寄艙，建議喺預訂果陣加埋好了。因為之後於網上補購行李，收費會非賞之貴！20kg 每程$390，25kg 每程$540，30kg 每程$545！ 大家可以啲tag 定朋友，今晚就可以一齊搶飛啦！如果買左Ufly-Pass優先購票證，依家就可以提早上去買了。 預訂資訊： 旅行日期：2016年10月4日-2017年7月13日 預訂日期：2016年9月20日-9月23日 停留期限：無限制 預訂網址：https://booking.hkexpress.com *HK Express 個系統預設加左寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 訂飛時HK Express 系統預設左行李寄艙及旅遊保險嘅費用，如無需要請自行取消。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

Hotels.com 有個超筍嘅15% 超級優惠碼！ 大家只要用匯豐信用卡付款，喺付款頁輸入指定優惠碼「MCSAVE15」，就可以有85折！優惠碼有效期至2016年12月31日；入住日期至2017年4月30日。 如果無匯豐卡，Visa 卡都有另一個優惠碼「VISA8」可以用，可以有額外92折。優惠碼有效期至2016年10月1日；入住日期至2017年3月31日。 預訂資訊： 入住日期：即日-2017年3月31日 預訂日期： 即日-2016年12月31日； 即日-2016年10月1日11am 預訂網址：  http://www.hotels.com/hsbc (用優惠碼「MCSAVE15」訂可以有額外85折，需以匯豐信用卡付款。)  http://www.hotels.com/visa (用優惠碼「VISA8」訂可以有額外92折，需以Visa 信用卡付款。) 提提你：同一時期唔同嘅預訂網都會有唔同嘅優惠，搵到心水酒店，記得上HotelsCombined 格下價先。

國泰航空有隻曼谷全年優惠！來回曼谷連稅一千七百蚊起！如果機票連埋酒店一齊訂可以再抵啲，二人同行，4日3夜套票連稅每人低至$1,856起！即係補返百幾蚊就有3晚酒店！如果想住得豪少少，揀四星以上酒店都只係$2,009起！價錢已包晒來回機票、3晚酒店住宿、30kg寄艙行李、稅項！ 旅行日子唔一定4日3夜，可長啲或短啲，最多8日7夜。出發日期由即日起至2016年12月31日，而且連除夕跨年都有平！ 留意，Expedia 嘅訂法係先揀酒店，後揀機票。大家揀完酒店後，再揀航班就可以了。 國泰．曼谷5日4夜套票推介 (以11月27日至11月30日為例)： 來回機票＋曼谷素坤逸路50號華特福公寓 ☆☆☆☆｜連稅$2,194起 (預訂) 酒店式公寓，房間夠大，由開放式到一屋兩房都有，鄰近Terminal 21 購物中心及中央世界商業中心。 來回機票＋曼谷沙吞縣智選假日酒店 ☆☆☆☆｜連稅$2,391起 (預訂) 位於是隆，行去BTS Chong Nonsi 站 只需2至3分鐘腳程 ，去MBK、Central World 都好方便 ！酒店樓下就有便利店、食店等。 來回機票＋曼谷是隆中央酒店 ☆☆☆☆｜連稅$2,515起 (預訂) 距離Saphan Taksin BTS 站僅5分鐘腳程 ，搭的士到熱門購物區亦只是10分鐘，酒店樓下就有食肆、超市！ 來回機票＋曼谷Terminal 21 酒店 ☆☆☆☆☆｜連稅$3,067起 (預訂) 酒店位置勁方便，喺正Terminal 21 購物中心及BTS隔離，無論shopping、搵食定去其他地方都好Easy。 來回機票＋曼谷悅榕莊 ☆☆☆☆☆｜連稅$3,231起 (預訂) 入住頂尖嘅悅榕莊品牌，無論硬件配套定係服務，一向好口碑！尤其係佢哋嘅Spa，屬行內領先者。 除以上推介，大家可以自由配搭唔同嘅航空公司同酒店。套票可以一人出發，但因為無人同你分擔房價，價錢會貴啲。 另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 預訂資訊： 出發日期：即日-2016年7月7日、8月25日-12月21日、12月28日-12月31日 預訂日期：即日起 停留期限：2-7日 預訂網址：http://www.expedia.com.hk *留意番Expedia 嘅訂法係先揀酒店，後揀機票。