隔咗一排，聯合航空終於再推關島優惠喇！
二人同行，香港直航來回關島每人$2,453 (連稅$2,912)！2017年6月30日前出發。
論價錢還可以，講平就一定唔夠HK Express 平㗎啦！但係聯合航空包2件23kg寄艙行李同飛機餐！而且航班時間靚，早機到達晚機走！
去關島除咗玩戶外活動，就梗係影靚相同shopping 啦！想要刺激刺可以試揸飛機、高空跳傘；想要影靚景有水晶教堂、水清沙幼嘅沙灘；想shopping 又有outlet 俾您買到夠，有2件各23kg 嘅寄艙行李！真係喪買都唔會爆喼！
航班時間係晚去晚返！一放工就可以上飛機訓覺，早上到達就可以去玩水喇！
航班時間：
去程 UA116 23:30-06:10+1 (一、三、五、六)
回程 UA159 19:30-22:35 (一、三、五、六)
提提大家，持BNO及香港特區護照去關島係免簽證㗎！
出發日期：即日-2017年7月31日 (旺季除外)
停留限期：2-45日
寄艙行李限額：46kg (2件23kg)
預訂日期：即日起
終於嚟到Happy Friday 喇，當然又有HK Express 嘅出走星期五優惠喇！
香港飛仰光單程只需$93，來回連稅$658！優惠只限今日。
呢口價同Mega Sale 一樣，抵喎！
行李寄艙費用：20kg $260、25kg $360、30kg $365
網上後加行李：20kg 每程$275，25kg 每程$430，30kg 每程$435
旅行日期：2017年1月9日-7月13日
預訂日期：2017年1月6日
預訂網址：http://www.hkexpress.com/en-hk/promos/happy-friday
*HK Express 個系統預設加咗寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。
提提你：
正呀喂！Funfun.travel 出咗隻爆抵嘅香草航空平飛呀！香草航空來回東京只需$690起，連稅$1,134起！
而且呢隻優惠仲包20kg行李+10kg手提行李，官網係無㗎！
Funfun.travel 呢隻獨家優惠仲抵過官網嘅心動香草優惠！如果上官網買，心動香草優惠加咗兩程20kg行李後，來回連稅就要成$1,644！依家Funfun.travel 就平咗足足$510！
出發日期2月11日至3月15日。航班方面，係午機去晚機返。
航班時間：
去程：JW304 15:40-20:40
回程：JW309 20:40-01:10+1
最平$690 (連稅$1,134) 價位嘅平飛唔多；次平$780 (連稅$1,224) 價位嘅平飛供應就多啲，價錢依然抵過官網。小編幫大家搵咗以下有平飛嘅日子。
平飛日子組合：
出發日期：參考上述
免費寄艙行李：20kg (另有10kg手提行李限額)
預訂日期：由即日起，數量有限，先到先得，售完即止
有興趣既話上Funfun.travel 即時訂購 (機位必需即時確認及進行網上付款，不設保留機位)
Funfun.travel網上即時訂購：https://funfun.travel
去東京想盡情shopping 但又擔心會爆喼？埃塞俄比亞航空嘅45kg行李救到你！
埃塞俄比亞航空有隻東京優惠，出發日期去到2017年11月。
香港來回東京只需$1,535起 (連稅$1,968)
7月之後出發貴154，即係$1,689起 (連稅$2,122起)！
7、8月暑假旺季出發都有呢啲價位就梗係抵啦！就算係廉航如HK Express 喺暑假都做唔到呢啲價位。其他大路傳統航空公司就更加唔駛諗！除咗暑假，部分紅日都有得平！
紅日/旺季平飛攻略：
端午節：5月26日去，5月30日返 (請2日放5日)
勞動節+佛誕：4月28日去，5月5日返 (請4日放8日)
國慶翌日＋中秋節翌日：10月1日去，10月8日返 (請3日放8日)
暑假平飛分佈：
香港-東京：7月9,12,16,19,23日、8月2,11,16,23,25日
東京-香港：7月12,14,16,19,23日、8月25,27日 (加$389可以7月21,26,28日、8月4,9,11,16,20,23日返)
埃航雖然唔係大公司，但佢哋東京條線係用音787夢幻客機執飛，硬件唔錯，而最大賣點當然係包45kg寄艙行李啦，而且仲不限件數，shopping 唔駛就住就住。
航班時間：
香港-東京：ET672 14:25-20:15/14:45-20:15 (三、五、日)
東京-香港：ET673 20:45-00:45+1/21:15-00:50+1 (三、五、日)
出發日期：即日-2017年11月30日 (部分日子不適用，紅日及暑假平飛分佈可參考上述)
停留限期：最長1年
寄艙行李：45kg
預訂日期：即日起
預訂網址：http://www.hutchgo.com.hk
倫敦物價高昂，就算滙率跌咗，物價依然都唔平！尤其係預算不多，如何分配支出往往令人相當頭痛。去當地旅行，除咗要做好預算，最重要是用錢用得夠精明。今次同大家介紹去倫敦必備嘅慳錢好幫手「London Pass」(倫敦通行證)。顧名思義，這張通行證是遊覽倫敦時使用，究竟如何幫您慳？大家看看以下分享吧。
倫敦最著名的景點當然是各式各樣的建築和博物館。然而，參觀不同博物館和旅遊景點都要入場費，以門票較便宜的國宴廳及倫敦塔橋展覽為例，入場門票已分別需要7及9英鎊。若是著名景點如西敏寺或倫敦塔，更需£20及£22.5不等，換算為港元即需要HK$200及HK$225，對預算不多的旅客而言，絕對是一大負擔。
這個時候，就是善用London Pass 的時候，以一個兩天成人London Pass 為例，原價為£79，用了優惠碼「WEBFAN10」後有9折，即是只需£67.15。拿着這個Pass 已可以在倫敦超過70個付費景點免費入場。若以現場購票來比較，其實數個景點的入場費已相當於購買一張London Pass 的費用，例如單單去西敏寺、倫敦塔、倫敦橋體驗這三個景點，門票已合共£69.45，即是用London Pass 的話，已經差不多回本。使用London Pass 一般來說可以節省到約三份之一至一半的金錢！更重要的是，使用London Pass 於部分景點可以直接入場，不用排隊！同時可以省卻排隊購票的時間。以下是使用London Pass 可以免費入場的部份著名景點或節目：
不過亦需要留意London Pass 並不是所有倫敦景點都包，部分著名景點需要單獨購買入場券，例如聖保羅大教堂 (St. Paul’s Cathedral)、白金漢宮 (Buckingham Palace) 內部參觀、倫敦眼 (B.A. London Eye) 和杜莎夫人蠟像館 (Madame Tussauds)。
提提大家，在行程安排上，可以在London Pass 的有效期內，集中前往London Pass 所包的付費景點。其他不能使用London Pass 的景點 (如聖保羅大教堂)，以及無需入場費的景點 (如大英博物館)，就安排在其他日子前往。
從2015年10月1日起，持London Pass 者可以免費兌換Golden Tours Hop on Hop off Bus 一日乘車券，這張乘車券價值£25，即係又幫您慳一畢了！於有效日期內無限次乘坐該公司觀光巴士，遊覽景點至有點累時可以坐上觀光車漫遊倫敦，相信又是另一番體會。另外，當大家購買London Pass 時，亦會附送一本遊覽指南和一枚扣針，遊覽指南內提供London Pass 適用的景點資料及交通資料，在規劃行程時可用作參考。
在景點使用London Pass 入場時，只需透過讀卡器讀卡或掃瞄器掃瞄卡上的QR Code 即可入場，非常方便。
London Pass 除可視作參觀各景點的門票外，它更在2015年4月與倫敦地鐵公司合作，推出The London Pass with Oyster Travelcard，此卡除保留景點門票功能外，更加入Oyster Card 和Travelcard 用以乘坐倫敦各大公共交通的功能。在當作車票使用方面時，方法類似香港的八達通，相信不用解釋太多讀者亦會明白。
在價格方面，London Pass with Oyster Travelcard 當然較London Pass 貴，以兩天成人價格為例，較單純London Pass 昂貴18英鎊。但倫敦交通費絕不便宜，以地鐵單程票為例，最便宜都要接近5英鎊，若果使用London Pass with Oyster Travelcard，會較單程車票便宜40-50%。由此可見，若停留在倫敦的日數較長，購買一張London Pass with Oyster Travelcard 明顯較單程車票化算。當然，遊客亦可以選擇分開購買London Pass 及Oyster，在交通安排上亦有其他更多選擇，但這就是另一話題吧。
若有興趣購買London Pass，可以在出發前到London Pass 官方網站購買，經官方網站購買有三大好處：
購買時只需跟隨網頁步驟就，填妥相關資料即可。不過可以留意以下幾點：
填寫個人資料時，如你所填寫的地址是香港地址，Postal Code 一欄可以填寫「999077」，電話可以不用填寫。
如果你想將購買的London Pass 寄往另一個地址，可以取消「Delivery Address」旁邊的 「Same as Billing Address」 前面的剔號，然後再填寫郵寄地址。
輸入優惠碼的位置於Checkout 頁面的底部，見下圖：
值得留意是，在網站進行購買時，需要選擇領取方法，主要有以下2種：
到達倫敦後，前往當地辦事處領取通行證，但需留意辦事處辦公時間為星期一至日10:00am – 16:30pm。另外每年12月25日、26日及1月1日休息。
郵寄至指定地址，但需另付郵費。
另外，亦可以選擇到達倫敦後才於當地銷售點購買，但此方法不能享有網上購買的折扣優惠。
使用London Pass 時，有下列數點需要留意：
剛剛給大家解釋過，若選擇到達倫敦後才領取London Pass，必須在指定地點領取，此舉需要花上額外交通費和時間，但選擇郵寄又要另付郵費，因此，London Pass 便為遊客提供一個更方便的方法，就是Mobile London Pass。簡單來說，Mobile London Pass 即是取代London Pass 實體版，透過智能電話的應用程式使用，大家遊覽時亦不用帶上一張額外的卡。
若有興趣購買Mobile London Pass，在官方網站購買時，先在取卡方法中選取Mobile Ticketing，然後下載The London Pass 應用程式，再輸入相關條碼即可。使用時，景點職員會透過掃瞄器掃除Mobile London Pass 的QR Code，但大家可以放心，Mobile London Pass 只會在首次掃瞄後才啟用。
不過，對於喜歡收藏紀念品的遊客而言，使用Mobile London Pass 便不能像實體版般留為紀念。另外，Mobile London Pass 亦不能當作The London Pass with Oyster Travelcard 使用。
London Pass 可以經London Pass 的官方網站購買，也可以經KKday 購買。如有官網的優惠碼，去官網買會較平！
10%折扣代碼：WEBFAN10 (適用於任何日數的London Pass，包括London Pass with Oyster Travelcard，但Oyster 卡內的credit 沒有折扣)。
10%-15%折扣代碼：10db (購買3 day pass 可以獲得10%折扣，購買6 day 和10 day pass可以獲得15%折扣。包括London Pass with Oyster Travelcard，但Oyster 卡內的credit 和£3 卡費沒有折扣)。
新航同國泰都推出咗新加坡優惠，連暑假都有得平！想再抵啲，梗係「機票+酒店」一齊訂。
新加坡「機票＋酒店」連稅：3日2夜$1,775起、4日3夜$1,808起、5日4夜$1,857起！
如想住得企理啲，揀3星或以上酒店，3日2夜$2,003起、4日3夜$2,163起、5日4夜$2,312起！
以上為二人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至2017年9月30日 (日期間斷，詳情見頁底資料)。
航班並無特別限制，去程及回程視乎供應而定，基本上可以揀到早機去晚機返，亦可晚機去晚機返。如暑假期間想揀早機去晚機返，新航會比國泰有較多機位供應。
一人出發亦可，不過會貴啲，因為無朋友仔同你攤分房價。
留意，訂法係先揀酒店，後揀機票。大家揀完酒店後，再揀新航或國泰嘅航班就可以了。
以下價錢，係以暑假旺季 (2017年7月13日去，7月16日返) 為例：
機票＋珍珠山瑞麗酒店 ★★★★｜連稅$2,653起 (詳情)
酒店位於牛車水，座落半山上，享有寧靜舒適嘅環境。步行至地鐵牛車水站或Outram Parky 站約10至15分鐘，另酒店提供咗免費接送前往地鐵站。
機票＋宜必思新加坡明古蓮街酒店 ★★★｜連稅$2,866起 (預訂)
酒店屬方便之選，距離Bugis 地鐵站僅7分鐘步程，酒店旁邊有7-11、大型商場。
機票＋新加坡悅樂雅柏酒店 ★★★★｜連稅$2,883起 (詳情)
酒店位於小印度區，四周環境寧靜及具異國風情！距離地鐵Little India 站只需2至3分鐘步程，非常方便！而且酒店對面就有大型超市，想補給話咁易。
機票＋新加坡武吉士美居酒店 ★★★★｜連稅$3,013起 (詳情)
酒店位置不俗，離武吉士地鐵約8至10分鐘步程，去聖淘沙都算方便。酒店附近有大型商場，同埋唔少美食店。
機票＋新加坡雅庭假日酒店 ★★★★｜連稅$2,986起 (預訂)
酒店設施唔錯，位於市中心，就算坐的士四圍去都好化算！
機票＋新加坡悅樂加東酒店 ★★★★｜連稅$3,046起 (詳情)
酒店位於東岸，雖然唔近地鐵站，但近海灘、裝修靚，附近多嘢食如珍寶海鮮樓嘅辣椒蟹同胡椒蟹，榴槤街亦喺附近。
以上為二人同行每位嘅價錢，除咗上述介紹，大家可以自由搭配任何嘅酒店，亦可轉搭其他航空公司。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
出發日期：即日-2017年1月25日、2月3日-4月11日、4月17日-9月30日
預訂日期：即日起
停留期限：2-7日
預訂網址：http://www.expedia.com.hk
香草航空會係聽日 (1月6日) 6pm推出新優惠，來回東京連埋稅只而一千多少少！
香港單程飛東京成田只需$338，來回連稅$1,034！
4月27日前出發，包埋櫻花旺季喎！同埋香草勝在可以凌晨機去晚機返，所以呢口價算唔錯！
於香草航空訂飛可以唔填Passport Number。
以上價錢並未包括寄艙行李，寄艙行李20kg 收費$305，其後每5kg $76！價錢比其他廉航貴，建議盡量同朋友share 啲quota 嚟用。
2月3日至3月15日出發：JW303/304單程$398、JW309/300單程$488
3月16日至4月27日出發：JW303/304單程$338、JW309/300單程$398
香草航空航班時間：
3月25日前
香港-東京：JW300 02:00-07:00、JW304 15:40-20:40
東京-香港：JW303 10:20-14:50、JW309 20:40-01:10+1
3月26日後
香港-東京：JW300 02:00-07:25、JW304 15:45-21:10
東京-香港：JW303 10:45-14:55、JW309 20:45-00:55+1
出發日期：2017年2月3日-4月27日
停留期限：無限制
預訂日期：2016年1月6日18:00-1月11日22:30
預訂網址：http://www.vanilla-air.com
五星級嘅新加坡航空推出新優惠。
香港來回新加坡只需$1,350，連稅$1,743！
出發日期由即日起至9月30日，竟然連7月同8月暑假旺季都有平飛！暑假旺季嚟講，價錢唔錯。
航班方面，去程及回程無航班限制，可以早機去晚機返，如果暑假去嘅話，靚仔時間相信比較搶手，手快有手慢無！
國泰早前都推出咗暑假飛新加坡優惠，大家可以比較一下。
出發日期：即日-2017年1月24日、2月3日-4月11日、4月17日-9月30日
機票有效期：2-7日
訂票日期：即日-2017年3月31日
澳門巴黎人官網出咗幾款抵玩套票！而且農曆年前及暑假都有得平！
套票包住包食仲包埋船飛，如想近近地去住下靚酒店，食下地道美食，不妨諗諗！
小編揀咗其中兩款好吸引嘅套票介紹俾大家，唔知邊款啱您多啲？
經澳門巴黎人官網預訂「澳門冬日姿彩住宿套票」套票 (豪華大床客房＋雙人早餐或午餐＋雙人金光飛航單程船票)，每人只需$734起 (連稅$844起)！二人同行合計只需$1,468起起 (連稅$1,688起)！呢款套票嘅賣點係包雙人早餐或午餐！淨係呢餐都已經值五百幾蚊！
入住日期至2月28日，農曆年前都有得平！
呢款套票包啲乜？
如果連續預訂2晚，再送雙人澳門發現之旅或雙人浪漫晚餐 (價值高達$1,000)
留意番，呢款套票只包雙人嘅單程船票，不過另一程就可以憑酒店預訂確認信以85折優惠價預訂！如果想買包晒來回船票嘅套票，可以留意以下呢款套票。
呢款套票就包晒住宿及雙人來回船票喇！經澳門巴黎人官網預訂「金光飛航連住宿套票」套票 (豪華大床客房＋雙人金光飛航來回船票)，每人只需$744起 (連稅$856起)！二人同行合計只需$1,488起 (連稅$1,711起)！除咗可住大床客房外，亦可以享用泳池、健身中心，又可延遲到下晝兩點先退房，等您可以瞓到夠！
入住日期至2月28日，農曆年前及7至8月暑假都有得平！
呢款套票包啲乜？
提提大家，官網有個非常好用嘅「尋找更低價」功能，俾您可以用月曆形式睇埋心水日子前後唔同日子嘅價錢，方便您搵最平嘅房。
入住日期：
[澳門冬日姿彩住宿套票] 即日-2017年2月28日
[金光飛航連住宿套票] 即日-2017年9月30日
預訂日期：即日起
預訂網址：http://www.parisianmacao.com
小編又以為自己睇錯！連稅唔駛二千蚊飛美國？
乘搭美國航空，香港經洛杉磯來回西雅圖只需$1,121，連稅$1,983！
呢口價簡直係匪夷所思！從來無見過一字頭嘅價錢可以飛到美國！唔知係咪漏洞機票？唔好理咁多lu，訂咗至算！
出發日期：2017年2月14日-5月10日
訂飛日期：只限1月5日
停留期限：最長1年
訂飛網址：http://travel.hutchgo.com.hk
