香港航空終於開賣溫哥華新航線喇！以後平飛加拿大可以多個選擇啦！
香港航空會係6月30日開通直飛溫哥華新航線，每日一班。
香港來回溫哥華只需$3,700，連稅$4,252！價錢正正常常，平過國泰同加航幾百，唔知大家會點揀呢？
當然以港航近期嘅玩法，遲啲好大機會以低價出擊！如諗住淡季日子先出發，唔急嘅話不妨等等。但如果暑假旺季出發，來回$4,800，連稅$5,352，就真係值得入手！
呢條線，香港航空包左2件23kg寄艙行李。
航班時間：
去程：HX080 12:30-10:10
回程：HX081 12:10-16:50+1
出發日期：2017年6月30日-7月4日、9月16日-9月28日、10月3日-10月26日
停留期限：1個月
預訂網址：http://www.hongkongairlines.com
德國漢莎航空、奧地利航空、瑞士航空三個好拍檔，再度聯手推出歐洲優惠！
香港經德國/瑞士/奧地利來回歐洲各地只需$2,450起！
來回連稅：漢堡$4,069起、巴黎$4,152起、米蘭$4,189起、羅馬$4,353起、斯德哥爾摩$4,385起、阿姆斯特丹$4,440起、馬德里$4,449起、杜塞爾多夫$4,599起、柏林$4,611起、里斯本$4,625起、倫敦$4,952起
整體價格同之前嘅優惠差唔多，連埋稅四千蚊起跳都算係可以入手嘅範圍。不過里斯本同、倫敦個價位就略為高咗少少，唔急住要飛嘅話可以睇埋其他航空公司。
呢隻優惠可以Open Jaw (回程可由不同城市返港)，一票玩多個城市唔駛走回頭路。去程同回程可以自由搭配幾間航空公司，例如去程坐漢莎、回程坐瑞航，更具彈性之餘，亦可以試下唔同航空公司嘅服務。
呢張飛唔可中停，如果想中途入境玩快閃，可以揀一啲轉機時間較長嘅航班，當係自製中停。
出發日期：即日-2017年6月24日 (旺季除外)
停留期限：1個月
預訂日期：2017年1月5日前 (售完即止)
ANA全日空依家做緊日本優惠，來回名古屋$2,239起 (連稅$2,672起)、大阪$2,273起 (連稅$2,738起)、東京$2,647起 (連稅$3,080起)！如果「機票＋酒店」一齊訂，可以更加抵！
5日4夜「機票＋酒店」連稅：大阪$3,081起、名古屋$3,245起、東京$3,642起、京都$3,316起！
以上為二人同行嘅每位價錢，已包來回機票、住宿、2件各23kg寄艙行李、稅項！當中，大阪同名古屋全包都只係三千頭，相當吸引！東京雖然要三千六起，但勝在可以揀早機去晚機返。
旅遊日期唔一定5日4夜，可長啲或短啲，最多8日7夜。出發日期由即日起至2017年6月30日 (日期間斷，詳細出發日期見頁底)。小編幫大家睇過，大阪、名古屋、京都嘅平套票集中喺5至6月；而東京嘅平套票就集中喺2至3月。
一人出發亦可，不過會貴啲，因為無朋友仔同你攤分房價。
留意，訂法係先揀酒店，後揀機票。大家揀完酒店後，再揀ANA全日空嘅航班就可以了。
[名古屋] 機票＋名古屋榮區天然溫泉多米高級旅館 ★★★｜連稅$3,871 (預訂)
酒店喺正市中心，位置優越，距離Sakae 及Fushimi 地鐵站僅4分鐘步程，而最大賣點係設有天然溫泉浴池！無錯！喺市心竟然有天然溫泉可以浸！而且四周圍遍佈食店同商店，搵嘢食同shopping 話咁易。
[名古屋] 機票＋名古屋站前大和魯內酒店 ★★★★｜連稅$3,996 (預訂)
酒店距離JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。
[大阪] 機票＋大阪東急 REI 酒店 ★★★｜連稅$4,019 (預訂)
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！
[大阪] 機票＋大阪蒙特利格拉斯米爾酒店 ★★★★｜連稅$4,828起 (預訂)
酒店座落於JR難波站上蓋，十分方便！ 距離主要景點如心齋橋、道頓掘等熱點僅6-8分鐘步程。酒店樓下就有超市。
[東京] 機票＋赤坂蒙特利酒店 ★★★★｜連稅$4,640 (預訂)
位於赤坂見附站 (東京地下鐵丸之內線)，從A出口到酒店僅350米。到新宿、銀座、池袋唔駛轉線，非常方便。
[東京] 機票＋新宿燦路都廣場大酒店 ★★★★｜連稅$4,789 (預訂)
呢間酒店位置蠃晒！距離新宿車站只有3分鐘步程，而且機場巴士直達，唔駛拖住行李行餐死。四周就係各大商場、百貨公司，樓下就有食店、便利店。房間更加係舒適、整潔。
除咗以上介紹，大家可以自選任何酒店，亦可轉搭其他航空公司如國泰。
另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。
提提您，訂嘅時候，可選擇以「價錢」從低至高排起，咁就可以方便啲搵出最平套票啦。
出發日期：即日-1月24日、2月1日-3月31日、4月3日-4月4日、4月6日-4月12日、4月17日-4月27日、5月2日、5月4日-6月30日
停留期限：2-7日
寄艙行李限額：46kg (2件各23kg)
預訂日期：即日-2017年1月15日
預訂網址：
[名古屋] http://www.expedia.com/ngo
[大阪] http://www.expedia.com.hk/kix
[東京] http://www.expedia.com.hk/tyo
提提您：大阪、名古屋、京都嘅平套票集中喺5至6月；東京嘅平套票集中喺2至3月。
Tigerair 台灣虎航將會喺今朝10點推出全線優惠！
當中澳門飛台北/高雄單程只需$165！來回只需$330起，連稅$591起！價錢算係唔錯！
提一提大家，喺虎航官網訂飛要另加每程$55預訂服務費，來回連稅加埋預訂服務費即係$701！
出發日期由3月1日至6月30日。根據過往經驗，相信會有唔少平飛！至於復活節有無平？應該機會唔大喔！如想一次過玩晒唔同城市，大家仲可以自制Open Jaw，例如台北入高雄出，一次過玩哂兩地！
另外，Expedia HK 通常會隨即開賣有關優惠，如果機票連埋酒店一齊訂，台北5日4夜連稅只需約$900，高雄北5日4夜連稅只需約$800！大家不妨趁開賣前，先去Expedia 揀定酒店先。
Tigerair 係廉價航空，機票價格並不包括寄艙行李及機上餐點。
澳門飛台灣寄倉行李費用：15kg 每程$96、20kg 每程$111、25kg 每程$125、30kg 每程$140、35kg 每程$206、40kg 每程$258。
出發日期：2017年3月1日-6月30日
停留期限：無限制
預訂日期：1月3日10:00-1月5日23:59
預訂網址
[官網]：http://www.tigerair.com
[Expedia]：http://www.expedia.com
提提您：Tigerair 嘅預訂系統預設加咗「預付行李重量20公斤」，唔需要嘅話，可選擇「無托運行李」。此外，訂購虎航機票須付$55預訂及服務費 (每程計)。
國泰/國泰港龍 fanfares 第219期！明早 (1月3日) 8點開搶！
昆明$790起 ($1,101起)、宿霧$890起 ($1,100起)、寧波$890起 ($1,201起)、河內$990起 ($1,406起)、清邁$1,290起 ($1,675起)、雅加達$1,390起 ($1,687起)、加德滿都$2,090起 ($2,607起)、名古屋$2,290起 ($2,670起)、蘇黎世$3,290起 ($3,834起)、洛杉磯$3,290起 ($4,056起)、曼徹斯特$3,990起 ($5,224起)
確實的出發日子及航班時間於星期二朝早8點在Fanfares 網站公佈。每期會分開自由揀日子及指定日子Last minute 出發。估計今期出發日期為2017年3月12日至3月25日，而指定日子優惠出發日期則介乎2017年1月5日至2017年1月16日。
經官網購買fanfares 優惠機票，商務艙可以賺取實際飛行哩數25%嘅Asia Miles。
出發日期：2017年3月12日-3月25日、2017年1月5日-1月16日 (指定日子優惠)
預訂日期：2017年1月3日8am-1月10日
預訂網址：
國泰官網 http://www.cathaypacific.com/fanfares
國泰港龍官網 http://www.dragonair.com/fanfares
此外，可以直接打去國泰訂位部 2747-1888、港龍訂位部 3193-3888 購買 fanfares 機票。
提提您：
踏入2017年，AirAsia 推出新一年飛東南亞優惠！如果想再平盡啲，可以上Expedia 連埋酒店一齊訂，地點包括曼谷、芭堤雅、清邁、布吉、沙巴 (亞庇)、吉隆坡。出發日期至2017年7月尾。
香港出發．「來回機票＋3晚酒店」連稅：
曼谷$983起、清邁$967起、布吉$1,357起、沙巴$1,141起、吉隆坡$1,182起！
澳門出發．「來回機票＋3晚酒店」連稅：
芭堤雅$853起、曼谷$1,123起、清邁$1,107起、吉隆坡$1,090起！
價錢已經包咗AirAsia 來回機票、3晚酒店住宿、稅項！旅程可長可短，可以選擇少啲日數或多啲日數都得。一人出發亦可，不過會貴啲，因為無朋友仔同你攤分房價。
當中明年2至6月會有比較多平價套票，7月暑假旺季就會貴一啲。
以下套票價錢，以3月份最後一星期出發為例：
[曼谷] 機票＋曼谷紅星蘇拉翁酒店 ★★★｜連稅$1,220起 (預訂)
酒店位於是隆，行去BTS Chong Nonsi 站只需5至8分鐘，行約10分鐘可到Sala Daeng。
[清邁] 機票＋泰德卡姆鄉村酒店 ★★★｜連稅$1,221起 (預訂)
酒店具泰北風情，精緻、環境寧靜，位於舊城外圍附近位置，十分方便，行去周六夜市只需5分鐘。
[清邁] 機票＋德蘭納酒店 ★★★★｜連稅$1,562起 (預訂)
位於舊城內，位置極佳，去邊都方便，行去周日步行街只需5分鐘，距離三王紀念碑約10分鐘步程。附近有唔少便利店、餐廳。
[布吉] 機票＋愛凱拉布吉海灘俱樂部酒店 ★★★★★｜連稅$2,255起 (預訂)
全新開幕嘅5星級酒店，位於納泰海灘 (Natai Beach)，距離普吉島國際機場僅有20分鐘車程，一落機直奔酒店就可以即刻同陽光玩遊戲！
[沙巴/亞庇] 機票＋亞庇 1 婆羅洲途念酒店 ★★★｜連稅$1,320起 (預訂)
酒店位於位於1 Borneo Hypermall 商場內，行街、食嘢都好就卻。酒店提供免費班車至市中心，外出都算方便。
[吉隆坡] 機票＋集裝箱酒店 ★★★｜連稅$1,355起 (預訂)
入住以集裝箱為主題嘅設計酒店，公共空間及房間嘅設計都極具型格，位於金三角，距離巴比倫不到15分鐘腳程，Shopping 搵嘢食都好方便。
[芭堤雅] 機票＋迪瓦雷迪瓦羅永中央酒店 ★★★★｜連稅$1,167起 (預訂)
2016年開幕嘅新酒店，位於羅勇，旁邊就係Passione 購物中心，設施包括泳池、健身室、餐廳、酒吧等。部分客房設有休息區，可以一邊飲下嘢，一邊欣賞泳池或城市的景緻。
[曼谷] 機票＋艾薩努克公寓 ★★★★｜連稅$1,477起 (預訂)
酒店位處市中心是隆，行去河城購物中心只需約15 鐘。酒店提供免費接駁車前往區內要點及購物中心，出入方便。
[清邁] 機票＋The Simply Room ★★★｜連稅$1,354起 (預訂)
位於舊城內，近夜市及週六及週日市集。附近有不少小販、酒吧、餐廳，想宵夜都無問題 !
[吉隆坡] 機票＋集裝箱酒店 ★★★｜連稅$1,262起 (預訂)
入住以集裝箱為主題嘅設計酒店，公共空間及房間嘅設計都極具型格，位於金三角，距離巴比倫不到15分鐘腳程，Shopping 搵嘢食都好方便。
除咗以上介紹，大家可以自由搭配唔同嘅酒店或改搭其他航空公司，亦可自訂旅程嘅長短。
以上價錢未包行李寄艙費用，如需加行李，來回兩程夾埋亦只需加$300！
訂嘅時候，可依價錢由低至高順序排起，方便啲搵到平價套票。
Expedia 嘅預訂系統有個唔錯嘅功能，大家可以係行程搜尋揀中「我只需要在部分旅程中入住酒店」，咁就可以揀邊幾晚入住套票所包嘅酒店，邊幾晚再自行訂其他酒店，更具彈性。
旅行日期：即日-2017年7月31日
預訂日期：即日-1月8日
香港出發．預訂網址：
[曼谷] http://www.airasiago.com.hk/dmk
[清邁] http://www.airasiago.com.hk/cnx
[布吉] http://www.airasiago.com.hk/hkt
[沙巴] http://www.airasiago.com.hk/bki
[吉隆坡] http://www.airasiago.com.hk/luk
澳門出發．預訂網址：
[芭堤雅．烏塔保機場] http://www.airasiago.com.hk/utp
[芭堤雅．曼谷機場] http://www.airasiago.com.hk/dmk
[曼谷] http://www.airasiago.com.hk/dmk
[清邁] http://www.airasiago.com.hk/hkt
[吉隆坡] http://www.airasiago.com.hk/luk
HK Express 會係今晚12點 (1月3日00:00) 推出Mega Sale！全線單程$97！
來回連稅：來回連稅：廣島/鹿兒島/高松/石垣島$449、福岡$528、芽莊$573、台中/花蓮$579、塞班$586、峴港$591、釜山/濟洲$621、仰光$640、清萊/清邁/布吉$640、暹粒$649、關島$652、首爾$657、名古屋$659、東京$664、大阪$694
出日期由2017年1月6日至3月31日。
有Ufly-Pass可以提早而家就上去搶。
以上價錢未包寄艙行李及機上餐點。
寄艙行李費用：20kg $260、25kg $360、30kg $365 網上後加行李：20kg 每程$275，25kg 每程$430，30kg 每程$435
出發日期：2017年1月6日-3月31日
停留期限：無限制
預訂日期：2017年1月3日-1月5日
預訂網址：https://booking.hkexpress.com
*HK Express 個系統預設加左寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。
提提你：
* 訂飛時HK Express 系統預設左行李寄艙及旅遊保險嘅費用，如無需要請自行取消。
* 成功訂購機票後，建議 screen cap或影低訂單資料，方便日後查詢預訂機票狀態。
* 訂票時所遇到的常見問題：http://www.hkexpress.com/zh-hk/needhelp/faqs.aspx
London Pass 推出新年快閃8折優惠！10日Pass 8折；6日Pass 85折；3日Pass 9折！
雖然英鎊跌咗，但倫敦物價高昂，景點入場費依然唔平，如果要逐個景點俾錢，條數可以好襟計！
拎住London Pass，可以俾您免費遊倫敦超過70個熱門付費景點。相比起逐個景點俾錢，用London Pass一般可以慳到約三份之一至一半嘅金錢！其實去其中幾個最貴嘅景點都差唔多回本！
另外一個賣點就係特定景點，包括倫敦塔、漢普頓宮、溫莎城堡、倫敦橋體驗、倫敦動物園、肯辛頓宮專享「免排隊」禮待。
如想享受埋便捷嘅交通，您仲可以附加一張牡蠣旅行卡 (預訂時選購「一卡通+牡蠣旅行卡」套餐)，可以俾您係任何日期任何時間乘搭倫敦嘅公共交通設施，包括地鐵、巴士、地上鐵、碼頭區輕軌。(留意，牡蠣旅行卡並無特價優惠。)
自購買之日起，您可以於之後的一年內激活London Pass。
訂購日期：2017年1月3日之前
預訂網址：http://www.londonpass.com
^_^ 新年快樂~
大家好，我是阿木，現居住在日本的香港人。
不經不覺，在日本已經住了15年，由今日起，每個星期日，都會在這裏和大家分享一些關於日本的事情，特別是比較接近日本人日常生活的事情，希望大家喜歡。
今天是1月1日新年，日本人除了會去買福袋，去神社求福 (日文叫「初詣」)，會返家鄉拜年之外，還會寄賀年卡 (日文叫「年賀状」)，和吃一些新年食物 (日文叫「お節料理」)。
今天打開信箱，收到日本朋友寄來的手畫年賀状，是她親手繪畫的，十分可愛。當然也有些年賀状是從商店購買的，未知大家去日本時，有沒有見過這些年賀状？
至於お節料理，更是新年期間非常重要的事情。今年朋友說會煮給我吃，不過要幾日後才見到她，因此﹐下星期日我再和大家分享有關日本人吃お節料理的事件。
下星期日見 ^_^
Hotels.com 推出新年限時優惠！全球酒店低至5折起，可同時配合以下優惠碼額外再折！最多可以額外再88折！香港及台灣粉絲都有份！
香港版優惠碼：
預訂金額滿$850額外減多$68：KUNGHEI
預訂金額滿$1,880額外減多$188：FATCHOI
預訂金額滿$2,388額外減多$288：LUCKY17HK
台灣版優惠碼：
預訂金額滿TWD2550額外減多TWD188：HAPPY17TW
預訂金額滿TWD6880額外減多TWD688：NEWYEARTW
預訂金額滿TWD8888額外減多TWD988：LUCKY17TW
大家可以根據自己嘅預訂金額，使用唔同嘅優惠碼，以最高預訂金額嘅組別為例，如果用到盡，最多可以額外有多88折！
優惠代碼不適用於少部分連鎖酒店集團，當輸入優惠代碼後會出現「此折扣代碼不適用於你想預訂的酒店」。
入住日期：即日-2017年4月30日
預訂日期：2016年1月24日23:59前
預訂網址：
[香港版] http://zh.hotels.com/hk
[台灣版] http://zh.hotels.com/tw
提提您：同一時間唔同預訂網都有唔同嘅優惠，搵到心水酒店，可先上HotelsCombined / Trivago 格下價。
